VOORBLADSTORIE
Die hunkering na die Kaap het lank aan haar gekarring, maar die aktrise Hildegardt Whites (37) het daai planne vir eers net in haar kop geparkeer. Selfs al het haar musikant-man, Kuba Silkiewicz (38), al die afgelope twee jaar lank in die Moederstad gewoon en -werk, was die tyd net nog nie reg vir 'n radikale skuif vir haar nie.
Maar toe 7de Laan laas jaar tot 'n einde kom, was dit 'n no-brainer: Dis uiteindelik tyd vir haar om te gly. Toe pak Hildegardt 17 jaar se Goudstad-herinneringe op.
En toe die Moederstad haar en die sewejarige Miles op 23 Desember gulhartig met ope arms verwelkom, het daar ook 'n blinknuwe hoofstuk gewag – 'n lekker rol in die nuwe telenovela Skemergrond.
Sy glo dinge gebeur soos dit moet, vertel die vrou wat kykers leer ken het as Bonita in 7de Laan.
Sake in hul huishouding het drasties verander toe Kuba se werk oorsee deur covid kortgeknip is. “Ek was steeds by ‘Die Laan’ toe hy 'n werk in die Kaap kry as musiekdosent. Toe trek hy, en ons het maar so tussen die Kaap en Johannesburg gependel. Maar toe ons verlede jaar op 27 Julie hoor maak klaar,
