'n Leë, swartverbrande sinkdop op erf 122 in 7de Laan, Soebatsfontein, is die stil getuie van die tragedie wat in die eerste daglig van Saterdag 8 Junie daar afgespeel het.
In dié sinkhuis het die drie Adonis-kinders, Waylene (8), Waylon (3) en Wilnique (2), tot onlangs toe nog saam met hul ma, Wilmari “Tossie” Adonis (25), aan drome vir die toekoms gebou. Drome wat tragies – te vroeg – kortgeknip is.
Boonop moes dié dag 'n feesdag gewees het. Dit was klein Wilnique se tweede verjaardag. Maar dié kleintjie sou nooit die daglig sien en die soene van gelukwensing voel nie.
Sy het saam met haar boetie en sussie op die bed in die slaapkamer, waar hulle tot net voor sewe dié oggend nog saam
