Van agter ’n donkerbril en gewikkel in ’n serp – haar eie “hijab” – het Thuli Madonsela destyds die kleurryke Marabastad in Pretoria besoek vir mooi lap.
“Ek weet nie of jy dit moet skryf nie,” lag haar dogter, Wenzi, tydens ’n telefoniese onderhoud. En Wantu, Thuli se seun, whatsapp symais’n“undercover fashionista” wat eens haar eie klere gemaak het.
Prof. Madonsela, hoof van die Universiteit Stellenbosch (US) se sentrum vir maatskaplike geregtigheid en voormalige openbare beskermer, “veg” haar lewe lank al vir Gogo Dlamini, oftewel San Alleman. Sy en haar man, Dick Foxton, ’n skakelwesekonsultant, woon buite Stellenbosch.
Thuli glo aan die ubuntu-beginsel en was van jongs af ’n politieke aktivis vir wie ongeregtigheid en vrede nooit kan saamgaan nie. Sy was ook betrokke by die opstel van Suid-Afrika se eerste demokratiese grondwet.
Ons gesels in haar kantoor in die US-kampus se Ou Hoofgebou. Agter haar lessenaar pronk ’n foto van Nelson Mandela, een van haar mentors.
Thuli (“Noem my Thuli”) doseer konstitusionele en administratiewe reg. In 1990 het sy haar LLB aan die Universiteit van die Witwatersrand verwerf en later twee doktorsgrade, onderskeidelik aan die US en die Universiteit
