![f114-01.jpg](https://article-imgs.scribdassets.com/2vv34ilfswcpr515/images/fileCBNIQW2D.jpg)
VROUEMAAND: MY STORIE
CHRISNA
![f114-02.jpg](https://article-imgs.scribdassets.com/2vv34ilfswcpr515/images/fileKUCKN8X2.jpg)
![f115-01.jpg](https://article-imgs.scribdassets.com/2vv34ilfswcpr515/images/fileN23DLWEU.jpg)
![f115-02.jpg](https://article-imgs.scribdassets.com/2vv34ilfswcpr515/images/file3NWABFVU.jpg)
Dit was ’n telefoonoproep vieruur die oggend op 24 Februarie 2022 in hul huis in Kijif wat hulle wakker gemaak het. “Huis” was die ampswoning waar Chrisna Groenewald sedert Oktober 2019 saam met haar man, André, destyds Suid-Afrika se ambassadeur in Oekraïne, en hul twee jongste seuns, Migal en Daniël, gewoon het. Josua, die oudste en ’n student in Suid-Afrika, het vakansies kom kuier en was ook tuis.
Siende dat sy wakker was, het Chrisna besluit om die twee poedels, Lollie en Rosie, uit te vat om ’n draai te gaan loop. Hopelik kon sy daarna weer in die bed klim en verder slaap. Dat sy vir die volgende tien dae feitlik nooit sou slaap nie en dit ’n lewensveranderende dag was, het sy nie geweet nie . . .
“Met die oopmaak van die voordeur het ’n vreemde reuk my asem weggeslaan. Kruit. Byna onmiddellik het ek ’n ontploffing gehoor en ’n helder flits in die verte gesien. Sirenes het begin