![f118-02.jpg](https://article-imgs.scribdassets.com/5oe5yw1jr4cpr51r/images/fileG4IXO7AY.jpg)
VROUEMAAND: MY STORIE
![f118-01.jpg](https://article-imgs.scribdassets.com/5oe5yw1jr4cpr51r/images/filePXR3D5D9.jpg)
Wanneer Adene Nieuwoudt op hul plaas naby Wolseley tussen die plate fabelagtige dahlias en krismisrose staan, is sy op haar gelukkigste. Nie dat sy lank kan vertoef nie. Met 50 werkers wat konstant haar aandag verg, is sy altyd aan die hardloop, en dan het sy nog ’n kop vol planne ook . . .
Jy kan jou kwalik indink dat dié energieke, lewenslustige baas van Adene’s Farm Flowers en ma van twee ses jaar gelede in ’n stadium so moeg was dat dit eenvoudig álles van haar geverg het om soggens uit die bed op te staan.
Sy was tam en kragteloos, sy kon nie konsentreer nie, sy was vergeetagtig en angstig, alles simptome wat eensklaps en onverklaarbaar – “byna oornag” – kop uitgesteek het.
Adene, “nog nooit iemand wat in ’n hoekie kon sit en haarself bejammer nie”, het steeds deurgedruk, al het dit gevoel of sy elke dag. Ons het baie in die besigheid belê, ek wou ’n sukses daarvan maak,” vertel sy.