![f126-01.jpg](https://article-imgs.scribdassets.com/1lol3c7kxscpr52w/images/fileJ54DGPQM.jpg)
MEDIESE DEURBRAKE
Die chirurg staan nie oor die operasietafel gebuk nie, maar naby agter ’n konsole. Met handbewegings manipuleer hy/sy drie of vier robotiese arms deur middel van sensors op die konsole. Die robotarms hou klein chirurgiese instrumente vas en is beweegliker as die menslike pols. Pure Edward Scissorhands, soos in die 1990-rolprent!
Robotiese stelsels bring wetenskapsfiksie na die teater toe. En die volgende generasie gevorderde robotte kan dalk selfs chirurge se vaardigheid die loef afsteek, volgens die Britse koerant The Guardian. Dis ver verwyder van ’n jonge William Halsted, die vader van Amerikaanse chirurgie, wat in die laat negentiende eeu sover bekend die eerste keer galstene suksesvol verwyder het. Chirurgie was nog ’n kaalhand, bloederige affêre. Sy bejaarde moeder was die proefkonyn – en die operasie op hul kombuistafel.
Die Verenigde Nasies praat van ’n “revolusie in langlewendheid”, met ’n lewensverwagting van ’n eeu teen 2050 iets alledaags. Hier is sewe mediese deurbrake van die afgelope 75 jaar wat ’n omwenteling teweeggebring het in hoe ons siektes verstaan, diagnoseer en behandel.