KUBERKUIERe-pos uit
V Hoekom Jordanië?
A In 2019 het ek afgekom op ’n YouTube-video oor die antieke stad Petra, een van die Nuwe Sewe Wonders van die Wêreld. Ek moet erken ek het toe nog niks van Jordanië geweet nie. Ek was verstom oor hoe pragtig dit is en besluit net daar ek wil dit eendag besoek. Ek was in daardie stadium drama-onderwyser by ’n internasionale skool in Johannesburg. Fast forward drie maande en ek doen aansoek om ’n pos oorsee. Skole wat belangstelling getoon het, was in China, Peru, Mosambiek, Suid-Korea en . . . Jordanië. Die eerste pos wat ek aangebied is, was in Amman en ek het dit met albei hande aangegryp. Die eerste jaar en ’n half was moeilik weens die pandemie, maar dis regtig ’n ongelooflike plek om te woon en te werk. Die kos is heerlik en gesond, die mense vriendelik en daar is so baie om te sien en te doen.
V Hoe is die lewe in Jordanië?
Die land is ’n verborge juweel. Ondanks oorloë reg rondom Jordanië – met Sirië in die noorde,