TEIKEN ÁL MEER JONGES
Die prinses van Wallis se aankondiging dat sy “voorkomende chemoterapie” vir ’n ongespesifiseerde soort kanker kry, het die wêreld aan’t praat gehad. “Maar sy is só jonk!” was die refrein. Ook die Amerikaanse aktrise Olivia Munn het onlangs oopgemaak oor haar dubbele mastektomie. Nes Catherine, is sy in haar vroeë veertigs en klaarblyklik ’n gesonde, energieke vrou.
Dis ’n kommerwekkende tendens wat deur statistieke van reg oor die wêreld bevestig word. Die voorkoms van meer as ’n dosyn kankers by volwassenes onder 50 neem toe. Die styging van vroeë-aanvang-kankers, soos daarna verwys word, verskil van land tot land en kanker tot kanker. Die aantal mense onder 50 wat met kanker gediagnoseer word, het egter oor drie dekades () gepubliseer is. Die navorsers het data van 204 lande en 29 soorte kanker ontleed. Gebaseer op tendense die afgelope 30 jaar, beraam hulle die aantal vroeë-aanvang-kankers en gepaardgaande sterftes sal teen 2030 wêreldwyd met ’n verdere 31 persent en 21 persent onderskeidelik styg. Mense in hul veertigs het die grootste risiko.
