En toe was daar ’n handjievol . . . inspirerend, snaaks, skerp, gedrewe en gekies uit honderde inskrywings van oral in Suid-Afrika. ’n Finalis vir die dekades van SARIE se 75-jarige bestaan, behalwe in die jong kategorie 2006 tot 2008 ’n verrassende twee finaliste! Nou sit al agt hul hoop op ’n wen-glansvoorblad in September/Oktober: een vir die wenner van die 14de SARIE Voorbladgesig, en een vir die wenner van die vyfde SARIE Nuwe Gesig. In die foto-ateljee in Johannesburg het ons hulle leer ken. Hier kon SARIE se Fanie Cronjé hulle stileer, het top-fotograaf Leana CR hulle voor die kamera touwys gemaak en joernalis Charis van den Heever presies gehoor wie hierdie vroue is wat openlik praat oor vasbyt, geluk, uitdagings en nuwe kanse.
Ouderdom skaars van belang. Hulle’t ons verras, beïndruk en laat lag. Onder die agt die ma van ’n vorige Voorbladgesig-wenner, ’n modeskooleienaar, ’n grimeerkunstenaar met ’n passie vir motorfietsry, ’n onderwysstudent wat glo boerdery is eintlik haar ding, ’n entrepreneur wat haar beywer vir die bewusmaking van kinderhandel, asook ’n gewese sepie-aktrise wat haar uitleef in die klaskamer. Ook ’n jong finalis wat haar alles wil gee om dokter te word en ’n ander wat droom oor vele dinge – solank dit
