– SUZETTE
In 1990 het sy die Mej. Suid-Afrika-kroon met trots gedra, in ’n tyd van groot verandering vir alle Suid-Afrikaners.
In haar eie wêreld sou Suzette van der Merwe se lewe verskeie wendings neem. Daar was laagtepunte, verliese, en natuurlik hoogtepunte. Die wêreld het belanggestel, meegeleef, gekritiseer en ondersteun.
“Mense se belangstelling in my verbaas my steeds . . . wanneer ek genader word vir ’n onderhoud, of wanneer ek herken word. Dis 34 jaar gelede!” sê Suzette, op 55 nog net so mooi soos altyd.
Sy sê die meeste media en die mense na aan haar sal beaam sy dink mooi na oor versoeke vir ’n onderhoud en stem nie sonder meer in nie. Sy erken sy is nou meer kieskeurig oor wie sy vertrou om onderhoude aan toe te staan. “Dit is vir my belangrik dat ek reg verstaan word.”
Ter viering van SARIE se 75ste verjaardag sê Suzette egter sy voel geëerd om tot dié uitgawe by te dra.
Boonop was die afgelope dekade waarskynlik haar beste nog, vertel sy. “Dié tyd in my lewe kan opgesom word met die woorde vrede, rustigheid, kalmte, en ook vreugde.”
’n Grootse stelling van ’n vrou wat voor die ouderdom van 40 al deur twee egskeidings is – en dít met die wêreld wat toekyk.
Dit was
