Iintshumayelo Zamazwi Asixhenxe Kunye Nentshumayelo Yovuko (Amazwi Asixhenxe Angumnqamlezo)

By Reuben Velile Cwele

Igama lombhali ngu-Reuben Velile Cwele. Wafunda e-Deepdale J.S. School ngexesha lenqununu engu Mnu. Maxwell Mandla Zililo. Ikhaya likwilali yase Deepdale, kwisiThili sase Harry Gwala, KwaZulu Natal. Waphumelela ibanga leshumi e-Phindavele High School ngonyaka ka-1987. Wafunda izifundo zakwaLizwi, waziphumelela ngonyaka ka1992. Ngomhla we-10/01/1993 watshata no-Nombuso Princess Manci. Ngomhla wama-23/05/1993 wagcotywa njengomfundisi wakwaLizwi.

KUNGANI LENCWADI IBALULEKE KANGAKA?

1.Okokuqala inkcazelo yayo ivela kwiBhayibhile yesi-Grike ekuyiyona nkcazo yeBhayibhile, kuba i-Testamente entsha yabhalwa ngolwimi lwesi-Grike.

2.Okwesibini ilungiselelwe ngendlela enocwangciso khon'ukuze ilandeleke ibe nokuqondwa ngabafundi bayo.

3.Iincwadi ezisetyenzisiweyo ngumbhali zibonisa uphando-nzulu alwenzileyo ukuze le ncwadi ibe kwinqanaba eliphakemeyo.

4.Kwisiphelo sentshumayelo nganye uyibonisile injongo yakhe umbhali, yokuyiqukumbela ngesifundo okanye ngombuzo onokuzibhenca tanci intshumayelo yakhe.

5.Le ncwadi isinika impendulo yokuthi kwakutheni u-Pilato abhale ngeelwimi ezintathu ukuthi, "UYesu ikumkani yamaYuda."

6.Iphinda inike impendulo yokuthi kwakutheni i-Testamente entsha ibhalwe ngolwimi lwesi-Grike, olungelulo ulwimi lwama-Yuda.

7.Njengoko umbhali ethandazile kakhulu kuThixo ngexesha ebhala le ncwadi, abafundi bayo bazophila emoyeni, bavuseleleke.

8.Le ncwadi ifundisa nzulu ngokwakhiwa nokulungiselelwa kwentshumayelo.

9.Abafundi bale ncwadi bazoba nolwazi olunzulu ngenkcazelo yeBhayibhile, kuba amagama amabhada njengoba iBhayibhile ingawaxelanga nje, le ncwadi iwabiza ngamagama asemakhayeni awo. Wakuba uyifundile le ncwadi uzoba nesiseko somlando we-Testamente entsha.

10.Umbhali uyakwethembisa ukuthi uzoyifumana ngaphakathi into ayithethayo la mazwi athi; “Amazwi asixhenxe angumnqamlezo.”

11.Lencwadi iyawuphakamisa umsebenzi woomama, ibaveza bezizethenjwa zika Kristu ekuhanjisweni komyalezo wovuko. Kuba boomama abantu abaqala ukushumayela uYesu Kristu evukile ekufeni.

• Language: English
• Publisher: Reuben Velile Cwele
• Release date: Sep 14, 2017
• ISBN: 9781370661534

Book preview

IINTSHUMAYELO ZAMAZWI

ASIXHENXE KUNYE NENTSHUMAYELO YOVUKO

(AMAZWI ASIXHENXE

ANGUMNQAMLEZO)

IINTSHUMAYELO ZAMAZWI

ASIXHENXE KUNYE NENTSHUMAYELO YOVUKO

(AMAZWI ASIXHENXE

ANGUMNQAMLEZO)

Reuben Velile Cwele

Copyright © 2017 Reuben Velile Cwele

Published by Reuben Velile Cwele Publishing at Smashwords

First edition 2017

All rights reserved. No part of this book may be reproduced or transmitted in any form or by any means, electronic or mechanical, including photocopying, recording or any information storage or retrieval system without permission from the copyright holder.

The Author has made every effort to trace and acknowledge sources/resources/individuals. In the event that any images/information have been incorrectly attributed or credited, the Author will be pleased to rectify these omissions at the earliest opportunity.

CONTENTS

Umbulelo nesinikezelo

Umthandazo

Intshayelelo

Bawo; Baxolele; Kuba Abayazi Into Abayenzayo.

Inene, Ndithi Kuwe, Namhlanje Uya Kuba Nam Eparadisi.

Mfazi Nanko Unyana Wakho! Andule Athi Kumfundi Lowo, Nanko Unyoko.

Thixo Wam! Thixo Wam! Undishiye Ngani Na?

Ndinxaniwe.

Kugqityiwe.

Bawo, Ndiyawunikela Ezandleni Zakho Umoya Wam.

Ke Yiya Kubazalwana Bam, Uthi Kubo, Ndiyenyuka Ndiya KuBawo, KuYihlo, KuThixo Wam, KuThixo Wenu.

Bibliography

IBHALWE NGU REV. R.V. CWELE

Umbulelo nesinikezelo

Le ncwadi ndiyinikezela kwinkosikazi yakowethu uNkosk. Nombuso Princess Cwele kunye nomntwana wam uAthe-nkosi Brilliance Siyethemba Cwele. Ndibulela inkxaso yenu ekubhaleni kwam le ncwadi. Kwakhona ndenza omkhulu umbulelo ku-Rev. Lulama Freedom Baleni kwanakutitshalakazi Dlomo e-Msudukeni High School ababe luncedo ekuguquleni amagama abebhaleke ngesiZulu bawasa esiXhoseni.

Umthandazo

Bawo; Thixo oyingcwele ndiyakudumisa; ndiyakubulela ngothando olubonisayo kuthi thina bantwana bakho; awukhethi; uthando lwakho ulubonakalisa kwabenza kakuhle nakulabo abangenziyo kakuhle; yiyo lento incwadi yeeNdumiso isithi inceba yakho ikwizizukulwana ngezizukulwana; athi uYohane umvangeli; Kuba wenjenje uYehova ukulithanda kwakhe ihlabathi ude wancama unyana wakhe okuphela kwamzeleyo. Ekuyinto enqabileyo ukuba umntu ancame into ekukuphela kwayo. Ndiyakubulela ngomsa wakho nangothando lwakho ngokundiphumelelisa ekubhaleni lencwadi nase kuprintweni kwayo. Ndinethemba elikhulu; kwakhona ndiyakholwa ukuba izakuthandwa nguMzantsi Afrika uphela. Ndithandazela ukuba bonke abazoyifunda ibavuselele ibanike ithemba elitsha ebomini babo. Badle ubomi beziqonda kunjalo nje bezamkele ukuba sele belusapho olutsha lwakho Thixo oyingcwele. Ndithandazela abashumayeli bawo onke amaCawa, bazo zonke izinkonzo endiyibhalele bona ukuba ibaxhobise xa bezilungiselela ukuya kuma emaqongeni ngeemini zePasika zokushunyayelwa kwamazwi asixhenxe. Ndithandazela ukuba ubazalise ngofefe lwakho nangoMoya wakho. Ndithandazela nayo irhamente abayoshumayela kuyo ukuba ibe njengomhlaba olungileyo azekelisa ngawo uYesu Kristu kumzekeliso womhlwayeli; babenjalo ukulungela iindaba ezilungileyo. Konke oku ndikucela egameni leNkosi yethu,

Reviews for Iintshumayelo Zamazwi Asixhenxe Kunye Nentshumayelo Yovuko (Amazwi Asixhenxe Angumnqamlezo)

[Daniel Ncana · Rating: 5 out of 5 stars]

Whow to get this book? I want to buy this book