प्रार्थना कशी करावी

By Dag Heward-Mills

“मी प्रार्थना कशी करावी?मी कशाबद्दल प्रार्थना करावी? प्रार्थना ही रहस्यमय का आहे? मी दीर्घ प्रार्थना कशी करू शकतो? मला काय पाहिजे हे देवाला अगोदरच ठाऊक नाही काय? मी जर प्रार्थना केली नाही तर काय होईल? खरच माझ्या प्रार्थनांचे मला उत्तर मिळेल काय? डग हेवर्ड मिल्स, ह्यांनी लिहिलेले हे व्यावहारिक आणि समयानुकुल पुस्तकं तुम्ही वाचत असतांना ह्या प्रश्नांची उत्तरे शोधा

• Language: मराठी
• Publisher: Dag Heward-Mills
• Release date: Jun 20, 2018
• ISBN: 9781641354240

Dag Heward-Mills

Bishop Dag Heward-Mills is a medical doctor by profession and the founder of the United Denominations Originating from the Lighthouse Group of Churches (UD-OLGC). The UD-OLGC comprises over three thousand churches pastored by seasoned ministers, groomed and trained in-house. Bishop Dag Heward-Mills oversees this charismatic group of denominations, which operates in over 90 different countries in Africa, Asia, Europe, the Caribbean, Australia, and North and South America. With a ministry spanning over thirty years, Dag Heward-Mills has authored several books with bestsellers including ‘The Art of Leadership’, ‘Loyalty and Disloyalty’, and ‘The Mega Church’. He is considered to be the largest publishing author in Africa, having had his books translated into over 52 languages with more than 40 million copies in print.

Book preview

अध्याय १

जर तुम्ही प्रार्थना करण्यासाठी खूप व्यस्त आहात 

तर मग खरेच तुम्ही खूपच व्यस्त आहात

ह्या फर्मानावर सही झाली आहे असे दानीएलाने ऐकले तेव्हा तो आपल्या घरी गेला; त्याच्या खोलीच्या खिडक्या यरूशलेमेच्या दिशेकडे असून उघड्या होतंय; त्याने आपल्या नित्यक्रमाप्रमाणे दिवसांतून तीनदा उघडे टेकून प्रार्थना केली व आपल्या देवाचा धन्यवाद केला. 

दानीएल ६:१०

कोणीहि प्रार्थना करण्यासाठी जर खूप व्यस्त असेल तर मग तो खरच खूप व्यस्त आहे. तुम्ही कोणी का असेना, प्रार्थना करण्यासाठी तुम्ही स्वत:ला खूप व्यस्त करू नका. वरील शास्त्र भागावरून तुमच्या लक्षांत येईल की दानीएल दिवसांतून तीन वेळां प्रार्थना करीत होता. ह्या वचनांत एका महत्वपूर्ण वाक्यांशाचा उपयोग केला आहे आणि तो म्हणजे, त्याने आपल्या नित्यक्रमाप्रमाणे ह्याचा अर्थ असा की दानीएल ह्या प्रार्थना नियमितपणे करीत आला होता. दानीएल संकटामध्ये होता म्हणूनच केवळ प्रार्थना करीत होता असे नाही, त्याला प्रार्थना करण्याची संवय होती. 

अनेक वेळां जेव्हा लोक संपन्न होतात ते प्रार्थना सभांना जाण्याचे बंद करतात आणि अखेरीस विश्वासात मागे हटतात. दानीएलाचे तसे नव्हते! तो त्याच्या देशाचा पंतप्रधान होता, केवळ राजाच्या द्वितीय अधिकारावर तो होता. तो एक यशस्वी माणूस होता जो गुलामगिरीतून पंतप्रधानाच्या हुद्या पर्यंत पोहोंचला होता. तो राष्ट्रातील सर्वात प्रतिष्ठित आणि आदरणीय पुरुषांपैकी एक होता. तो त्या काळातला एक प्रमुख राजकारणी होता. तो एक सरकारी सेवक होता. तरीही, तो दररोज तीन वेळां प्रार्थना करीत असे!

अशी असामान्य आणि सुसंगत प्रार्थना वेळ असण्यासाठी दानीएलाला मार्गदर्शन करणारी अशी कोणती तत्वे होती? ती इथे आहेत, त्यांना वाचा आणि त्यांना तुमची तत्वे होऊ द्या. दानीएलासारखे तुम्ही सुद्धा यशस्वी होऊ शकता. माझा असा विश्वास आहे की खालील तत्वें जी दानीएलाच्या जीवनांत मार्गदर्शक ठरली ती तुम्ही वाचावी, अध्ययन करावे, आणि त्यांचे विश्लेषण करावे अशी माझी इच्छा आहे. 

तत्व नंबर १: प्रार्थना खूप महत्वाची आहे

एकदा कोणीतरी म्हटले की विद्यापीठाची पदवी प्राप्त करण्यापेक्षा प्रार्थना कशी करावी हे समजून घेणे फार महत्वाचे आहे. ह्या जीवनामध्ये महत्वाच्या अशा अनेक गोष्टीं आहेत. चांगले शिक्षण हे महत्वाचे आहे. पैसे महत्वाचे आहेत. एक चांगला विवाह महत्वाचा आहे. परंतु एक चांगले प्रार्थना जीवन सर्वांत महत्वाचे आहे!  

हे तुमच्या आत्म्यांत ठसून बसू द्या ----तुमचे सर्व कांही वेचून प्रार्थना करा! तुमच्या सर्व उपक्रमांमध्ये प्रार्थनेसाठी स्थान बनवा! 

तत्व नंबर २: कोणीहि कधीहि प्रार्थना करण्यासाठी

खूप व्यस्त, खूप धन्य, किंवा खूपच यशस्वी नसतो.

तुमची जीवनशैली व्यस्त असू शकते आणि तुम्ही खूप महत्वाचे व्यक्ती असू शकता, तथापि, मला असे वाटत नाही की तुम्ही दानीएलापेक्षा अधिक व्यस्त आहा. दानीएल पंतप्रधान होता राष्ट्राचा नेता होता. अनेक लोकांना असे वाटते की राज्य प्रमुख आणि सरकारी मंत्री सर्व जगभर उडाण घेत आरामशीर आणि आनंदाचे जीवन जगतात. हे खरे नाही! मी स्वत: एका मोठ्या संस्थेचा प्रमुख आहे, आणि उच्च पदांवर असलेल्या लोकांचे जीवन हे सोपे नसते हे मला ठाऊक आहे. तुम्ही जेवढ्या उच्च पदावर जाता तेवढीच तुमची जबाबदारी मोठी असते. 

जीवन आणि सेवा ही कटाक्षाने करत राहाण्यांत खूप कठोर परिश्रम आहेत. दानीएलासारखे यशस्वी अधिकारी एवढ्या मोठ्या दबावाखाली असतात की त्यांच्या पोटाचे विकार किंवा त्यांना हृदयविकाराचा झटका येऊ शकतो हे तुम्हांला माहित आहे का? ही परिस्थिती खूप व्यस्त असलेल्या लोकांमध्ये अधिक सामान्य आहे, कारण ते कठोर परिश्रम करतात.

दानीएल हा असा एक माणूस होता. तो पंतप्रधान होता, तरीहि तीन वेळां प्रार्थना करण्यासाठी तो व्यस्त नव्हता असे त्याला वाटले होते. जर तुम्ही असे समजता की तुम्ही प्रार्थना करण्यांस खूप व्यस्त आहात, तर तुम्ही स्वत:ला फसवत आहात.जर तुम्ही प्रार्थना करीत नाहीत, कारण तुम्ही प्रार्थना करू इच्छित नाही. कारण आता प्रार्थना करणे महत्वाचे आहे असे तुम्हांला वाटत नाही! दानीएल यशस्वी व्यक्ती होता तरी त्याने प्रार्थना केली. तो दिवसांतून तीन वेळां प्रार्थना करण्यांस का समर्थ होता?

लोक गरिबीतून वर येऊन समृद्धीमध्ये वाढले आहेत. जेव्हा ते गरीब होते तेव्हा त्यांना प्रार्थना सभांमध्ये उपस्थित राहाण्यांस खूप वेळ होता. परंतु जेव्हा ते आशीर्वादित झाले, त्यांना वाटले की सर्व कांही ठीक आहे. नाही! सर्व कांही मुळीच ठीक नाही! प्रार्थना करणे बंद करण्यासाठी तुमची समृद्धी ही कांही सांकेतिक खूण नाही.

तत्व नंबर ३: प्रार्थना ही आपल्या सामर्थ्याचे आणि संरक्षणाचे स्रोत आहे

तुम्हांला ह्याची जाणीव असावी की प्रार्थना ही तुमच्या वतीने देवाचे सामर्थ्य मोकळे करते. येशूला प्रार्थनेचे सामर्थ्य ठाऊक होते. आणि म्हणून तो प्रार्थनेमध्ये खूप वेळ घालवीत असे. कदाचित तुम्ही एक यशस्वी व्यवसायी असाल, आणि असल्या आध्यात्मिक सामग्रीची तुम्हांला गरज नाही असे तुम्हांला वाटते. कदाचित तुम्ही राजकारणी असाल आणि तुम्हांला वाटत असेल की तुमचे संरक्षण मंत्र-तंत्र किंवा जादू टोण्यापासून येणे आवश्यक आहे. 

मला आताच तुम्हांला सांगू द्या की, प्रार्थनेमध्ये सामर्थ्य आहे. आपल्याजवळ प्रार्थनेचे सामर्थ्य असतांना आपल्याला कोणत्याही इतर शक्तीची आवश्यकता नाही. जेव्हा आपण प्रार्थना करतो तेव्हा आपल्यासाठी संरक्षण असते. देवाच्या शस्त्रसामग्रीचा शेवटचा भाग आहे प्रार्थना (इफिसकरांस पत्र ६:१८). दुस-या शब्दांत सांगायचे म्हणजे, प्रार्थना ही तुमच्या आध्यात्मिक संरक्षणाचा एक महत्वाचा भाग आहे.

अनेक लोक त्यांची भरभराट होत असतांना घाबरतात. ईयोबाची भरभराट झाली तेव्हा त्याला भीतीने ग्रासले. अखेरीस तो म्हटला, ज्याची मला खूप भीती वाटायची तेच माझ्या जीवनांत घडलेमला मारण्यासाठी कोणीतरी अलौकिक शक्तींचा उपयोग करू शकतो असे अशा लोकांना वाटते दानीएलासारखे जेव्हा तुम्ही प्रार्थनाशील व्यक्ती असता तेव्हा तुम्हांला घाबरण्याची मुळीच आवश्यकता नाही. अनेक लोक दानीएलाला मारू इच्छित होते. दानीएलाला केवळ मारण्याचाच त्यांचा विचार नव्हता तर प्रत्यक्षांत त्यांनी त्याला नाहीसे करण्याचा प्रयत्न केला. प्रार्थनेच्या सामर्थ्याने दानीएलाचा सिंहांपासून बचाव झाला. 

तुमच्या जीवनातील सर्व सिंह भीतीने दूर पांगत आहेत असे मी पाहतो ! तुमच्या प्रार्थनेचे सामर्थ्य वाढत असल्याचे मी पाहत आहे!तुम्हांला नव्याने सांपडलेल्या प्रार्थना जीवनामुळे तुम्ही पुढे जात आहात असे मी पाहतो!

येशूहि बाप्तिस्मा घेऊन प्रार्थना करीत असतां असे झाले की आकाश उघडले गेल. 

लूक ३:२१

तुमच्या जीवनात आकाश उघडत असल्याचे मी पाहत आहे! हे कधीहि विसरू नका! येशूने जेव्हा प्रार्थना केली तेव्हा आकाश उघडले. जेव्हा तुम्ही प्रार्थनाशील व्यक्ती असता तेव्हा शारीरिक आणि आध्यात्मिक आशीर्वादांची तुमच्या जीवनांत वर्षा होते. 

तत्व नंबर ४: देवाचे आशीर्वाद स्वीकारणे व ते टिकवून

ठेवणे ह्यासाठी प्रार्थना महत्वपूर्ण आहे

तुमच्याकडे असे कांही आहे का जी ज्याबद्दल तुम्ही अभिमान बाळगता?तुम्ही ह्या जीवनांत कांही साध्य केले आहे का? हे सर्व कांही देवाच्या कृपेने आहे. प्रार्थनेच्या सामर्थ्याने, तुम्ही महान गोष्टीं सुधा साध्य करू शकता. देवाने तुमच्या हाती जे कांही दिले आहे ते तुम्ही प्रार्थनेद्वारे टिकवून ठेवू शकता. 

असे कांही लोक आहेत की ज्यांना लाखो रुपये किंवा डॉलर भेटीच्या स्वरूपांत मिळाले होते. आज, ते पैसे हवेमध्ये उडून गेले आहेत. देव तुम्हांला कांहीतरी देऊ शकतो परंतु ते आशीर्वाद टिकून ठेवण्यासाठी त्याच्या कृपेची सुद्धा तुम्हांला आवश्यकता लागते. मोठ्या सेवाकार्याचे तुम्ही पाळक आहांत काय? मला तुम्हांला सांगू द्या, तुम्हांला त्या सेवाकार्यंत टिकून राहण्यासाठी प्रार्थनेची आवश्यकता आहे. तुम्हांला का वाटते कि का येशू नेहमी प्रार्थना करण्यासाठी निघून जात होता?  

ह्या जगामध्ये अवनातीचा नियम कार्यरत आहे. सर्वकाही–हास होत आहे. तुमच्याव्यवसायाचा–हास होत आहे. तुमच्या मंडळीचा –हास होत आहे. तुमच्या जीवनाचा –हास होत आहे. जे सर्व कांही देवाने तुम्हांला दिले आहे ते टिकवून ठेवण्यासाठी प्रार्थनेच्या द्वारे देवाच्या सामर्थ्याची आवश्यकता आहे. 

तत्व नंबर ५: प्रार्थना प्रभावी असण्याकरिता ती नियमितपणेकेली पाहिजे

डोस्तयोवेस्की नांवाच्या मनुष्याने असे म्हटले, मनुष्याच्या जीवनाचा दुसरा भाग हा त्याने पहिल्या भागांत प्राप्त केलेल्या संवयींचा बनलेला असतो.

पास्कलने म्हटले, एखाद्या माणसाच्या गुणांची ताकत त्याच्या नेहमीच्या संवयींनी बनलेली असते.

तुम्ही जर ह्या जीवनांत एक महान व्यक्ती होणार असाल, तर तुम्हांला चांगल्या संवयी असायलाच  पाहिजेत. एक कृती जेव्हा तिची ब-याचदा पुनरावृत्ती होते तेव्हा ती संवय बनते, कधी कधी जाणीवपूर्वक, तर कधी कधी अजाणतेपणे. ती तुमची प्रथा होते!

संवयी चांगल्या किंवा वाईट असू शकतात. लक्षांत ठेवा की चांगल्या संवयींची वाईट संवयींसारखीच पुनरावृत्तीहोते.जरी तुम्ही इच्छा धरली नाही तरी चांगल्या संवयीमुळे तुम्हांला सातत्यपूर्ण यश मिळेल वाईट संवयीमुळे तुम्हांला सातत्याने अपयश मिळेल.

जर तुम्ही प्रार्थनेची संवय विकसित करण्याचा निर्णय घेता, तर तुम्ही यशाची संवय विकसित करता. येशू शब्बाथ दिवशी चर्चला गेला होता कारण ती त्याची संवय होती. बायबल आपल्याला सांगते की येशूच्या कांही प्रथा किंवा संवयी होत्या. 

मग ज्या नासारेथांत तो लहानाचा मोठा झाला होता तेथे तो आला आणि आपल्या परिपाठाप्रमाणे (प्रथा किंवा संवय) शब्बाथ दिवशी साभास्थानात जाऊन वाचावयास बसाल. 

लूक ४:१६

दानीएलाची दररोज तीन वेळ प्रार्थना करण्याची प्रथा होती

....त्याने (दानीएलाने) आपल्या नित्यक्रमाप्रमाणे (संवय किंव प्रथा) दिवसांतून तीनदा गुडघे टेकून प्रार्थना केली....

दानीएल ६:१०

धर्मनिरपेक्ष जगांत जीवनामध्ये प्रार्थनेला समाविष्ट करण्यासाठी कांहीच रचना केली नाही. काम सकाळी लवकर सुरू होते आणि रात्री उशिरापर्यंत चालते. तुम्ही प्रार्थनेचा विचार करण्यापूर्वी आठवडे निघून जातात. ब-याच लोकांसाठी,  ती केवळ एक अशक्य परिस्थिती आहे की जी त्यांना प्रार्थनेची आठवण करून देते. प्रिय मित्रा, तुमच्या जीवनांत प्रार्थनेचा समावेश करणे तुमच्यासाठी महत्वाचे आहे. 

देव कांही अतिरिक्त टायर (धाव)नाही. अतारिक्त टायर (धाव) असे असते की ज्याचा  आपत्कालीन परिस्थिती वगळता कधीच उपयोग केला जात नाही. देव मूर्ख नाही. मनुष्य जे कांही पेरतो तेच तो कापतो.नियमितपणे देवासाठी तुमच्याजवळ जर वेळ असेल तर, नियमितपणे तुम्हांला आशीर्वाद देण्यांस त्याच्याजवळ वेळ असेल. केवळ देवाची दया त्याला तुमच्या प्रार्थना ऐकावयास लावते. 

जोपर्यंत तुमचे प्रार्थना जीवन स्वाभाविकपणे होत नाही तोपर्यंत ते विकसित करा. तुम्ही काय करीत आहात ह्याचा विचार न करता नेहमीप्रमाणे प्रार्थना करेपर्यंत तुमचे प्रार्थना जीवन विकसित करा. 

मी प्रार्थना