Otrai Megam
By Rajeshkumar
()
About this ebook
Read more from Rajeshkumar
Panchavarna Kili Rating: 0 out of 5 stars0 ratingsRaja Ragasiyam Rating: 0 out of 5 stars0 ratingsVidathey Vivek! Vidathey Rating: 4 out of 5 stars4/5Piriyamaana Kolaikaran Rating: 5 out of 5 stars5/5Nanthini Nalai Irakkiral! Rating: 4 out of 5 stars4/5Iruttil Parakkum Paravaigal Rating: 0 out of 5 stars0 ratingsIrapathu Nee Irupathu Naan Rating: 5 out of 5 stars5/5Thirumarana Azhaippithazh Rating: 5 out of 5 stars5/5Dial For Kill Rating: 4 out of 5 stars4/5Rojakkalum Thottakalum Rating: 0 out of 5 stars0 ratingsKondraal Kondraan Kondren Rating: 5 out of 5 stars5/5Sivappu November Rating: 0 out of 5 stars0 ratingsUyir Eduppaan Thozhan Rating: 5 out of 5 stars5/5Oru Viyalakkilamai Vidintha Pothu Rating: 0 out of 5 stars0 ratingsMella Mella Ennai Kollathey Rating: 0 out of 5 stars0 ratingsKonjum vanjanai! Rating: 5 out of 5 stars5/5Neelam Enbathu Niramalla Rating: 0 out of 5 stars0 ratingsUlaraatha Raththam Rating: 0 out of 5 stars0 ratingsKaruppu Rattham Rating: 5 out of 5 stars5/5Vetri Endraal Vivek Rating: 5 out of 5 stars5/5Kavanam Vivek Rating: 5 out of 5 stars5/5Maranathin Thethi March 7 Rating: 0 out of 5 stars0 ratingsSaagaavaram Rating: 4 out of 5 stars4/5June, July, Aaa...! Rating: 4 out of 5 stars4/5Thanga Macham Rating: 5 out of 5 stars5/5Uyir Veelchi Rating: 0 out of 5 stars0 ratingsDinamite - 98 Rating: 0 out of 5 stars0 ratingsOre Oru Naal Rating: 5 out of 5 stars5/5100-Vathu Pournami Rating: 4 out of 5 stars4/5Sivappu Vatathukkul Sinthuja Rating: 0 out of 5 stars0 ratings
Related to Otrai Megam
Related ebooks
Kaiyil Sikkiya Minnal Rating: 0 out of 5 stars0 ratingsPoovum Puyalum Rating: 0 out of 5 stars0 ratingsNovember Nila! Rating: 5 out of 5 stars5/5Pookkal Un Vasamadi Rating: 0 out of 5 stars0 ratingsKaruppu Rattham Rating: 5 out of 5 stars5/5Vaaimaiye Kollum Rating: 5 out of 5 stars5/5Ratthamillatha Manithan Rating: 0 out of 5 stars0 ratingsThisai Thedum Paravai! Rating: 0 out of 5 stars0 ratingsAndre, Appothe, Antha Nimishame! Rating: 0 out of 5 stars0 ratingsThazhambu Naagangal! and Irandavathu Mugam Rating: 0 out of 5 stars0 ratingsOotha Nira Devathai Rating: 5 out of 5 stars5/5XYZ Murders Rating: 0 out of 5 stars0 ratingsUdhaa Nizhal Rating: 0 out of 5 stars0 ratingsPesum Rojakkal Rating: 0 out of 5 stars0 ratingsFebuary - 30 Rating: 3 out of 5 stars3/5Kashmeeril Oru Karuppu Naal Rating: 5 out of 5 stars5/5Avan Aval Avargal Rating: 0 out of 5 stars0 ratingsSinnaj Siru Kiliye Rating: 0 out of 5 stars0 ratingsBullet Punnagai Rating: 0 out of 5 stars0 ratingsAndha Naal Andha Nimidam Andha Nodi Rating: 0 out of 5 stars0 ratingsVidiyaatha Iravondru Vendum Rating: 0 out of 5 stars0 ratingsGandhi Thesam! and Pookkal Parippatharkke! Rating: 0 out of 5 stars0 ratingsKanneer Michamillai Rating: 0 out of 5 stars0 ratingsEzhavathu Arivu Rating: 2 out of 5 stars2/5Vennilaave Vidai Sollu Rating: 0 out of 5 stars0 ratingsIruttuku Irandu Niram Rating: 0 out of 5 stars0 ratingsAkalyavin Aagayam Rating: 0 out of 5 stars0 ratingsMannikkapatta Manaram Rating: 5 out of 5 stars5/5Koodave Oru Nizhal Rating: 0 out of 5 stars0 ratingsInimel Indira… Rating: 0 out of 5 stars0 ratings
Related categories
Reviews for Otrai Megam
0 ratings0 reviews
Book preview
Otrai Megam - Rajeshkumar
எடுக்கப்படும்.
1
ராஜசேகருக்கு விழிப்பு தட்டி, கம்பளியிலிருந்து தலையை விலக்கி கண்களை மலர்த்தியபோது கண்ணாடி ஜன்னலுக்கு வெளியே உதக மண்டலம் விழித்துக் கொண்டிருந்தது. யூகலிப்டஸ் மரங்களின் உச்சியில் சூரியனின் ஆரஞ்சு நிற வெளிச்சம் ஒட்டியிருக்க பறவைகளின் சத்தம் மெலிதாய் கேட்டது.
ராஜசேகரன் படுத்த நிலையிலேயே பக்கவாட்டில் திரும்பிப் பார்த்தான். மனைவி பூர்ணிமா படுத்திருந்த இடம் காலியாய் இருந்தது. ஆறு வயது நவீனா மட்டும் ஒரு சின்ன அடைப்புக்குறியாய் போர்வைக்குள் சுருண்டிருந்தாள்.
மறுபடியும் சிறிது நேரம் தூங்கலாமா என்று யோசித்த வினாடி - போர்வைக்குள்ளிலிருந்து நவீனாவின் குரல் கேட்டது.
குட்மார்னிங் டாட்...
குட்மார்னிங் மை பேபி. நீ கண் முழிச்சிட்டியா?
அப்பவே!
போர்வையிலிருந்து எழுந்து உட்கார்ந்தாள் நவீனா. கண்களில் தூக்க கலக்கம் கொஞ்சம் கூட இல்லை.
டாட்.
என்னம்மா?
ராத்திரி ஒரு கனவு.
கனவா? சொல்லு சொல்லு.
ஒரு பெரிய ரோஜாத் தோட்டம்.
ம்.
அந்த தோட்டத்துக்குள்ளே நீ, நான், அம்மா மூணு பேரும் மட்டும்தான் போறோம்.
வேற யாருமேயில்லையா?
இல்லே.
சரி! அப்புறம்?
தோட்டத்துக்குள்ளே போனா, விதவிதமா ரோஜாப்பூ. எல்லா கலர்லேயும் பூ.
அடடே! மேல சொல்லு.
நா வந்து அம்மாகிட்டே ஒரு வெள்ளை ரோஜாப்பூவை பிடுங்கி குடுக்கச் சொல்லி கேட்டேனாம். அம்மாவும் போயி ஒரு வெள்ளை ரோஜாவைப் பிடுங்க, காம்பிலிருந்து ரத்தம் 'சொட்சொட்'ன்னு கீழே விழுதாம்.
ராஜசேகரன் திடுக்கிட்டான்.
"ரத்தமா?'
ஆமா டாட் அம்மா பயந்து போய் கத்த, நீ இன்னொரு ரோஜாப்பூவை பிடுங்கிப் பார்க்க - அதிலேயும் ரத்தமாம்.
அப்புறம்?
அவ்வளவுதான். முழிப்பு வந்துடுச்சு.
அம்மாகிட்டே இந்த கனவைச் சொன்னியா?
இல்ல... அதுக்குள்ளே அம்மா எந்திரிச்சுப் போயிட்டாங்க.
டொக்... டொக்...
அறைக்கதவு தட்டப்படும் சத்தம் கேட்டது.
எஸ். கமின்.
கதவு திறந்து கொள்ள வெள்ளுடுப்பு பணியாள் -ஆவி பறக்கும் காப்பிக் கோப்பைகளை ட்ரேயில் ஏந்தியபடி உள்ளே வந்தான்.
குட்மார்னிங் ஸார்.
தலையசைத்த ராஜசேகரன் கேட்டான்:
போஜன்! அம்மா என்ன பண்றாங்க?
கார்டன்ல இருக்காங்க ஸார்.
கூப்பிட்டு விடு.
சரி ஸார்.
- வேலையாள் போஜன் ட்ரேயிலிருந்து காப்பிக் கோப்பைகளை டீபாயின் மேல் பரப்பிவிட்டு நகர்ந்தான்.
நவீனா படுக்கையில் தவழ்ந்து போய் காப்பி நிரம்பிய கோப்பையை எடுத்து ராஜசேகரனுக்கு கொடுத்துவிட்டு, தானும் ஒன்றை எடுத்துக் கொண்டாள்.
டாட்.
என்னம்மா?
இன்னிக்கு கண்டிப்பாபோறோம்.
போயிட்டு உடனே வந்துடக்கூடாது. ஒரு நாள் பூராவும் அங்கியே இருக்கணும்.
இருந்துட்டாபோச்சு.
"அம்மா வேண்டாம்னு சொன்னா?'
அம்மாகிட்டே நான் சொல்லிக்கிறேன்...
நம்ம எஸ்டேட்டுக்கு போற வழியில ஒரு 'பீக்' இருக்கே, அதுக்கு என்ன பேரு டாட்...?
பாரடைஸ் பாய்ண்ட்
அப்படீன்னா என்ன அர்த்தம்?
இந்த சிகரத்து உச்சிமேல நின்னுகிட்டு சுற்றும் முற்றும் பார்த்தா சொர்க்கலோகம் மாதிரி இருக்குமாம்...
அந்த 'பீக்'குக்கு போலாமா டாட்?
மிஸ்ட் இல்லேன்னா போலாம்
அப்பாவும் மகளும் காலங்கார்த்தாலே என்ன அரட்டை?
- கேட்டுக் கொண்டே பூர்ணிமா உள்ளே நுழைந்தாள். அழகான சின்ன நவீனாவை பெரிதாய் ஜெராக்ஸ் எடுத்த மாதிரியான தோற்றம்.
ராஜசேகர் ஒரு வாய் காப்பியை உறிஞ்சிவிட்டு சொன்னான், நவீனாக் குட்டிக்கு எஸ்டேட் போகணுமாம். எஸ்டேட்டுக்கு போற வழியில் பாரடைஸ் பாயிண்ட்டைப் பார்க்கணுமாம்...
எங்கேயும் போக வேண்டாம். வீட்ல உட்கார்ந்து 'டெக்'ல மிக்கிமௌஸ் காஸெட்டைப் போட்டுப் பாரு.
பாருங்க டாட் அம்மாவை.
நீ கவலைப்படாதேம்மா. இன்னிக்கு கண்டிப்பா எஸ்டேட் போறோம். வழியில் பாரடைஸ் பாயிண்ட்க்கும் போறோம்.
தாங்க்யூ டாட்
காப்பியை அவசர அவசரமாய் குடித்துவிட்டு கட்டிலிலிருந்தும் கீழே இறங்கினாள் நவீனா. இன்னிக்கு நான்தான் முதலில் குளிக்கப் போறேன்
சிட்டாய் ஓடினாள்.
பூர்ணிமா ராஜசேகரனுக்கு பக்கத்தில் உட்கார்ந்தாள்.
என்னங்க நிஜமாவே எஸ்டேட் போகப் போறோமா?
ஆமா. குழந்தை ரொம்பவும் ஆசைப்படறாளே?
ஆசைப்பட்டா போயிடறதா? எஸ்டேட் இங்கிருந்து பக்கமாவா இருக்கு? இருபத்தி மூணு கிலோ மீட்டர் போகணுமே?
கார்லதானே போறோம்?
பாக்டரியில இன்னிக்கு ஏதோ முக்கியமான வேலை இருக்குன்னு சொன்னீங்க?
நவீனாவோட ஆசைதான் எனக்கு முக்கியம். அந்த டெலிபோனை இப்படி நகர்த்தி ரிஸீவரை எடுத்துக் குடு.
பூர்ணிமா ரிஸீவரை எடுத்துக் கொடுத்தாள்.
டீ பாக்டரிக்கு டயல் பண்ணு
பூர்ணிமா டயல் செய்து இணைப்புக் கிடைத்ததும் ராஜசேகரன் பேசினான்:
பாக்டரி மானேஜர்?
எஸ் ஸார்
மெஷினரியை இன்னிக்குத்தானே இன்ஸ்டால் பண்ணணும்ன்னு சொல்லியிருந்தேன்
ஆமா ஸார்.
இன்னிக்கு வேண்டாம்
ஸார்
நான் எஸ்டேட் வரைக்கும் போகணும். போய்ட்டு சாயந்தரம்தான் திரும்புவேன். மெஷினரியை நாளைக்கு இன்ஸ்டால் பண்ணிக்கலாம்.
ஸார்... வந்து...
'சொல்லுங்க"
இன்னிக்கு நிறைஞ்ச அமாவாசை நாள். ஆஷ்பிஷியஸ் டே. நாளைக்கு பாட்டிமை. எதையுமே தொடங்கக் கூடாது
அப்படின்னு யார் சொன்னது?
பெரியவங்க வழக்கமா சொல்லி வெச்சது
இந்த நாள் நட்சத்திரமெல்லாம் கல்யாணத்துக்குத்தான் பார்க்கணும். தொழிலுக்கு பார்க்கக்கூடாது. மெஷினரியை நாளைக்கு இன்ஸ்டால் பண்ணிடலாம்
ஸார், அதுல இன்னொரு பிராப்ளம்,
என்ன?
கன்வர்சன் ஒர்க்குக்காக கோயமுத்தூரிலிருந்து ரெண்டு என்ஜினீயர்ஸ் வந்திருக்காங்க. அவங்களை ஒரு நாள் அதிகப்படியா தங்கவெச்சா எக்ஸஸ் அமௌண்ட் தரவேண்டியிருக்கும்
தந்துடலாம்.
அக்காமடேஷன் குடுக்க வேண்டியிருக்கும்
குடுத்துடலாம்
ஸார்
வேற விஷயம் ஒண்ணுமில்லையே?
- கேட்டுவிட்டு ரிஸீவரை சாத்தினான் ராஜசேகரன். பூர்ணிமா கோபமாய் கணவனை ஏறிட்டாள்.
இன்னிக்கு அவசியம் நாம எஸ்டேட்டுக்குப் போய்த்தான் ஆகணுமா?
ஆமா.
எல்லாம் அந்த குட்டிச்சாத்தானோட வேலை
குழந்தையை அப்படி சொல்லாதே
நீங்க பேசறது நல்லாயிருக்கு! அந்த குட்டிப்பிசாசு உங்களை நல்லா நைஸ் பண்ணி வெச்சிருக்கா
இதோ பார் பூர்ணிமா! குழந்தை ரொம்ப நாளாவே எஸ்டேட்டுக்கு போகணும்ன்னு ஆசைப்பட்டு கேட்டிருந்தா. அதான் இன்னிக்கு தலையாட்டிட்டேன்
சரி, ஒரு கண்டிஷன். நம்ம ஃபேமிலி டாக்டர் கவுடாவுக்கு போன் பண்ணி கேட்டு அவர் சரின்னு சொன்னாதான் இந்த பயணத்துக்கு நான் ஒத்துக்குவேன்...
சரி, போன் பண்ணு...
ரிஸீவரை எடுத்துக் கொண்ட பூர்ணிமா டாக்டர் கவுடா வீட்டுக்கு டயலைத் திருப்பி பேசினாள்.
டாக்டர்! நான் பூர்ணிமா...
என்னம்மா? ராஜசேகரன் எப்படி இருக்கார்?
"இப்பத்தான் எந்திரிச்சு பெட்ல உட்கார்ந்திட்டிருக்கார். டாக்டர்! உங்ககிட்டே ஒண்ணும் கேக்கணும்.
என்னம்மா?
இன்னிக்கு எஸ்டேட் போக பிரியப்படறார். கார்ல போய்ட்டு வரலாமா...?
தாராளமா போலாமே...
அவர்க்கொண்ணும் தொந்தரவு இருக்காதே?
நோ நோ. கூட நீயும்தானே போறே?
ஆமா டாக்டர்
அப்புறமென்ன? போய்ட்டு வாங்க
தாங்க்யூ டாக்டர்
- ரிஸீவரை வைத்த பூர்ணிமா ராஜசேகரனை புன்னகையோடு ஏறிட்டாள்.
டாக்டர் பச்சைக்கொடிய காட்டிட்டார்
"அப்புறமென்ன கிளம்ப வேண்டியது தானே?
இப்ப இருந்தே ரெடி பண்ணினாத்தான் ஒன்பது மணிக்காவது கிளம்ப முடியும்"
நீங்க குளிச்சுடறீங்களா?
ம்! என்னோட வாகனத்தைக் கொண்டா
ராஜசேகரன் சொன்னதும் - பூர்ணிமா அறைக்கும் சுவரோரமாய் நின்றிருந்த சக்கர நாற்காலியை நோக்கிப் போனாள். அதை நெருங்கி - அதன் முதுகில் கை வைத்து ராஜசேகரனின் படுக்கைக்கு பக்கத்தில் தள்ளிக் கொண்டு வந்து நிறுத்தினாள்.
ராஜசேகரன் கம்பளிப் போர்வையை விலக்கிவிட்டு தொடைக்கு கீழே சூம்பிப் போன கால்களால் -- படுக்கையில் தவழ்ந்து சக்கர நாற்காலிக்கு லாவகமாய் தாவி உட்கார்ந்தான்.
2
பூர்ணிமா லேசாய் பதட்டப் பட்டாள். மெள்ளமா பார்த்து உட்கார்ங்க...
ஸ்லிப்பாகி கீழே விழுந்துடுவேனான்னு பயப்படறியா?
பின்னே...?
இந்த சக்கர நாற்காலியோட எனக்கு எத்தனை வருஷ ஸ்நேகம் தெரியுமா. நான் கீழே விழப்போனாலும் அது என்னை விடாது.
பெருமையடிச்சுகிட்டு இருக்காமே சீக்கிரமா பாத்ரூமுக்குப் போங்க.
சக்கர நாற்காலியை உருட்டிக் கொண்டே பாத்ரூமை நோக்கிப்போன ராஜசேகரன் சட்டென்று நாற்காலியின் இயக்கத்தை நிறுத்தி திரும்பினான்.
பூர்ணிமா.
ம்.
மத்தியான லஞ்சுக்கு இங்கிருந்தே கொண்டு போயிடுவோமா? இல்லே. எஸ்டேட் போய் பிரிப்பேர் பண்ணிக்குவோமா?
இங்கிருந்தே கொண்டு போயிடுவோம்.
குக்கிட்டே என்ன மெனு குடுக்கப் போறே?
சிக்கனும் சப்பாத்தியும் போதாது?
போதும்.
எனக்கு போதாது.
குரல்கேட்டு இருவரும் திரும்பிப் பார்த்தார்கள். அறை வாசலில் நின்ற நவீனா - குளித்து முடித்து வேறு கவுனுக்குள் நுழைந்திருந்தாள். பூர்ணிமா அவளை நோக்கிப் போனாள்.
என்னடி அதுக்குள்ளே குளிச்சிட்டியா?
ம். குளிச்சுட்டேன்
யார் குளிப்பாட்டிவிட்டா?
ஆயாதான்.
காதுல பார் சோப்பு.
துடைச்சுட்டா போகுது
அலட்சியமாய் சொன்ன நவீனா, ராஜசேகரினிடம்