Kuttram Kuttrame

By Rajeshkumar

Rajeshkumar, an exceptional Tamil novelist, in this service since 1968, written over 1500 novels and 1500 short stories, towards making the Guinness record… Readers who love the subjects Crime, Detective, Police and Science will never miss the creations of this outstanding author… since the author gets into the details of the subject, the readers’ knowledge enhances along with the joy of reading…

• Language: தமிழ்
• Publisher: GeeYe Publications
• Release date: Aug 1, 2016

Book preview

18

1

பிரஸ்டீஜ் பிரிண்டர்ஸ் என்று ஆங்கில எழுத்துக்கள் மின்னிய நியான் போர்டுக்கு கீழே தன் மொபெட்டை நிறுத்தினான் த்யாகு. இருட்டு லேசாய் கவிழ்ந்து கொண்டிருந்த சாயந்தர நேரம் அது. மணிக்கட்டில் இருந்த பேவர் நாபா வாட்ச் ஏழு மணியைக் காட்டியது.

த்யாகு மொபெட்டை ஸ்டாண்டிட்டு விட்டு உள்ளே போனான். பிரிண்டர்ஸின் வேலை நேரம் முடிந்து போயிருக்க, கட்டிடத்தின் உள்ளே ஆள்நடமாட்டம் அறவே அற்றுப் போய் ஒருவித பாலைவனத்தனம் தெரிந்தது.

பக்கவாட்டில் தெரிந்த ஒரு காட்போர்ட் அறைக்குள் எட்டிப் பார்த்துக் குரல் கொடுத்தான்.

ஸார்...

கூப்பிட்ட குரலுக்கு உடனே இங்க் பேரலுக்கு பின்புறம் இருந்து ஒரு ஆணின் முகம் முளைத்தது.

யார் ஸார் வேணும்?

மேரேஜ் இன்விடேஷன் பிரிண்ட் பண்ண கொடுத்திருந்தேன். இன்னிக்கு டெலிவரி தர்றதா சொன்னாங்க...

உள்ளே முதலாளி இருப்பார். போய்ப் பாருங்க...

த்யாகு உள்ளே போனான்.

புது பேப்பர் மணமும் அச்சு மையின் வாசனையும் கதம்பமாய் காற்றில் கலந்து மணத்தது.

சில அடிகள் தூரம் உள்ளே போனதும் சுவரில் அப்பியிருந்த வாசகம் அவனைத் தடுத்தி நிறுத்தியது.

‘முறையான அனுமதி பெற்று உள்ளே வரவும்.’

த்யாகு தயங்கி நிற்க - இடது பக்கம் லேசாய் சாத்தியிருந்த அரைக்கதவுக்குப் பின்னாலிருந்து ஒரு கட்டைக் குரல் கேட்டது. பிரிண்டர்ஸ் நிர்வாகி ஞானம் டெலிபோனில் யாரிடமோ பேசும் குரல்.

என்னங்க பண்றது... பேப்பர் விலை ஆகாயத்துக்கு ஏறிப்போக்சு... அதுக்குத் தகுந்த மாதிரி நாம்பளும் விலையைக் கூட்டிக்க வேண்டியதுதான்...

……

கவர்ன்மென்ட்டா...? சரியா போச்சு... ஜனங்களைப் பத்தியே கவலைப்படாத கவர்ன்மெண்ட் பேப்பர் விலை ஏற்றத்தைப் பற்றியா கவலைபட போகுது. சேர்த்து வெச்சிருக்குற பினாமி சொத்துக்களைப் பத்தின கவலை அரசாங்க அதிகாரிகளுக்கு வாங்கின லஞ்சத்தை எப்படி வெள்ளை பணமாக்கறதுன்னு கவலை. ஞானம் சிரித்தார்.

ம்... பார்க்கலாம்... பார்க்கலாம் எனக்கு என்னமோ விலை குறையும்ங்கிற நம்பிக்கையே இல்லை... சாயந்தரம் கிளப்புக்கு வர்றீங்களா... கொஞ்சம் சாவகாசமா பேசலாம்...

ரிஸீவர் வைக்கப்படும் சத்தம் கேட்டது. த்யாகு சாத்தியிருந்த கதவை மெல்லத் தட்டினான்.

எஸ். கம்... இன்.

த்யாகு கதவைத் தள்ளிக் கொண்டு உள்ளே போனான். அந்த நடுத்தர வயது நபர் பார்வைக்குக் கிடைத்தார். பளீரென்ற வெள்ளையில் வேட்டி பட்டை தோளில் துண்டு சதை பிடிப்பான சதுர முகம். வெள்ளி ப்ரேமிட்ட கண்ணாடி முன்னுச்சி க்ராப்பிலும் கிருதாவிலும் நரை தெரிந்தது. ஞானம் என்ற நேம் போர்டு மேஜையின் மேல் தெரிந்தது.

கேட்டார்.

யாரு...?

நான் புவனேந்திரன் ஸார் வீட்டிலிருந்து வர்றேன். அவர்க்கு பி.ஏ. நான்...

அப்படியா... வாங்க...தம்பி... உட்கார்ங்க... அவங்க வீட்டு மேரேஜ் இன்விடேஷன் பண்டலை வாங்கிட்டுப் போக வந்தீங்களா?

ஆமா... த்யாகு தலையாட்டிக் கொண்டே அவர்க்கு எதிரே இருந்த நாற்காலியில் உட்கார்ந்தான்.

அவர் மேஜையின் மேல் இருந்த இண்டர்காமின் ரிசீவரை எடுத்து பேசினார்.

புவனேந்திரன், வீட்டு மேரேஜ் இன்விடேஷன் பண்டல் கட்டியாச்சா...?

ஆச்சு... ஸார்...

என் டேபிளுக்குக் கொண்டு வாங்க...

பண்டலை வாங்கிட்டுப் போக ஆள் வந்திருக்கு...

இப்போ கொண்டாந்துடறோம் ஸார்.

அவர் ரிஸீவரை வைத்துவிட்டு த்யாகுவை ஏறிட்டபடி சொன்னார்.

காலையில் புவனேந்திரன் எனக்குப் போன் பண்ணி இன்விடேஷன்ஸ் ரெடியான்னு கேட்டார். ரெடின்னு சொன்னேன். மத்தியானம் ஆள் அனுப்பறேன்னு சொன்னார்.

மத்தியானமே என்கிட்ட சொல்லிட்டார். என்னால தான் வர முடியலை...

"தம்பி பேர் என்ன?

த்யாகு...

இப்பத்தான் வேலைக்குச் சேர்ந்தீங்களா?

ஆமா... மூணு மாசம் ஆச்சு...

சொந்த ஊரு...?