Ithuthan Bathil!

By Pattukottai Prabakar

Pattukkottai Prabakar is a prolific writer of Tamil crime and detective fiction. He has also worked as a screenwriter in the Tamil film industry, and also for Paramapadham, the first Tamil-language "mega-serial" shown on Doordarshan.
First published in the 1977 in Anandha Vikatan. He has written more than three hundreds novels, more than two hundred short stories. Lots of his novels are translated in Telugu and Kannada. He has also worked as a Dialogue writer in more than ten movies in Tamil.
Prabakar's novels most commonly feature the adventures of the detective couple Bharat and Susheela, of Moonlight Agencies, and their employees Marikkozhunthu (a.k.a. Madhavi) and Ravi. There is a running gag in the books about the slogans on Susheela's T-shirts.

Pattukkottai Prabakar frequently collaborates with the detective fiction author duo Subha; some novels have appeared featuring both Bharat and Susheela and Subha's detective couple, Narendran and Vaijayanthi.

• Language: தமிழ்
• Publisher: Pustaka Digital Media
• Release date: Aug 12, 2019
• ISBN: 6580100903818

Book preview

http://www.pustaka.co.in

இதுதான் பதில்!

Ithuthan Bathil!

Author:

பட்டுக்கோட்டை பிரபாகர்

Pattukottai Prabakar

For more books

http://www.pustaka.co.in/home/author/pattukottai-prabakar-novels

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

அத்தியாயம் 11

அத்தியாயம் 12

1

ஹேப்பி நியூ இயர்! என்றான் பரத்.

சுசிலாவின் கையைப் பற்றிக் குலுக்கினான்.

சேம் டு யு பரத் என்றாள் சுசிலா.

பற்றின அவன் கையை உயர்த்தி முன்னங்கையில் தன் இதழ்களை மெத்தென்று பதித்தாள்.

ஸோ, இன் குட் மூட்ஸ்? என்று புன்னகைத்த பரத் தன் இரண்டு கைகளையும் விரித்து நம் நாட்டு ஜனாதிபதியை நெருங்கும் வெளிநாட்டு விருந்தாளி அதிபர் மாதிரி அவளை நெருங்கினான்.

மறுக்காமல் அந்த அணைப்பை அனுமதித்தாள்.

ரொம்ப நாளாச்சு பரத்.

இந்த மாதிரி நெருக்கமாகிதானே?

அதில்லை, அதைச் சொல்லி ரொம்ப நாளாச்சு. இப்போ ஒரு தடவை சொல்லிக்கலாமா?

எதைச் சொல்றே?

ஐ... லவ்... யு பரத்.

சூப்பர் மூட்ஸ்ல இருக்கே சுசி நீ. ஐ ஆல்சோ லவ் யு இன் ஏவிட்டபிளி!

என்னது?

சமாதானம், புத்தாண்டின் முதல் நாள்ல முறைப்பு வேணாம். இப்ப நான் இந்த ஜீன்சும், டீ ஷர்ட்டும் உனக்கு அழகா எடுப்பா இருக்குன்னு சொல்லணுமா டார்லிங்?

ஷ்யூர், கொஞ்சம் அந்தக் கிறுக்குத் தனமான நாட்களை மறுபடி வாழ்ந்து பார்க்கலாமா பரத்? ஷேரிங் ஒன் ஐஸ்க்ரீம், எக்ஸ்சேஞ்சிங் லவ் லெட்டர்ஸ் அண்ட் ஆல் தட். அந்த த்ரில் போயிடுச்சு. இல்லை?

இப்போ வேற வகை த்ரில் எல்லாம் இருக்கு சுசி. நீதான் ஒத்துக்க மாட்டே.

போதும். புறப்படுங்க என்று அவள் தன் பனியனின் சுருக்கங்களை சரி செய்த பிறகுதான் தெளிவாகப் படிக்க முடிந்தது.

NEST FULL OF BIRDS?

எங்க? ஏதாவது பிக்சருக்கு ரிசர்வ் பண்ணிருக்கியா என்ன?

இல்லை. ஜெயிலுக்குப் போறோம்.

வாட்? ரிபீட்?

ஜே.ஏ.ஐ.எல். ஜெயில்! தமிழ்ல சிறைச்சாலைக்குப் போறோம்.

யு மீன் பரதன் படம்?

மத்திய சிறைச்சாலைக்குப் போறோம்.

என்னாச்சு உனக்கு? வொய்?

நம்ம மத்திய சிறைச்சாலை தூக்கு தண்டனை விதிக்கப்பட்ட கைதிங்க ஒன்பது பேர் அவங்க தண்டனைக்குக் காத்துக்கிட்டிருக்காங்க பரத். அவங்களைப் பார்த்து பழங்கள் தர்றோம்.

எதுக்கு? அதை சாப்பிட்டு புஷ்டியா சாகறதுக்கா? நோ. எனக்கு இந்த ஐடியாவேப் பிடிக்கலை. புது வருஷமும் அதுவுமா கலகலன்னு பொழுதை நகர்த்த நூறு விஷயங்கள் சிடில இருக்கு சுசி.

பட், இதில கிடைக்கிற மனநிறைவு அதில் கிடைக்காது பரத். வருஷ ஆரம்பத்தில மனசுல ஒரு சமுதாய சிந்தனை பதியட்டுமே.

நினைச்சேன்.

என்ன?

அந்தஜோல்னாப் பைக்காரன் உன்னை கவியரங்கத்துக்கும், ஃபெஸ்டிவல் ஃபிலிம்சுக்கும் அழைச்சுட்டுப் போக ஆரம்பிச்சப்பவே நினைச்சேன். வரட்டும் அந்த... என்ன பேரு? ஆகாய புத்திரன் தானே? அவன்தான் உன்னைக் கெடுத்துட்டான்.

டோண்ட் டாக் லைக் திஸ். கொஞ்சம் ஆழமாவும் வாழ்ந்து பார்க்கணும் பரத்.

கிணத்துக்குள்ளே கயிறு பிடிச்சி இறங்கிடணுமா? இத பாரு, இந்த ரேஞ்சுல போகனா நீ வசன பனியனை கழட்டிட்டு காட்டன் புடவை, கதம்பம், குங்குமம்னு வேற ரூட்ல இறங்கிடுவேன்னு நினைக்கிறேன்.

பாத், சீரியஸாப் பேசுங்க. என்னோட நீங்க ஜெயிலுக்கு இப்ப வரப்போறீங்களா, இல்லையா?

வந்துத் தொலைக்கறேன். என்ன செய்யப் போறோம் அங்க? எனக்கு அதைத் தெளிவா சொல்லு.

ஆப்பிள் வாங்கிப் போலாம்.

'ரைட்டு.

அவங்களுக்குக் கொடுத்துட்டு ஹேப்பி நியூ இயர் சொல்லலாம்.

சொல்லிட்டு உடனேப் புறப்படறோம், இல்லையா?

நோ. ஒவ்வொரு கைதிகிட்டயும் பத்து நிமிஷம் ஆறுதலாப் பேசறோம்.

எப்படி? கவலைப்படாதீங்க, கடைசி நிமிஷத்தில ஏதாச்சும் மாயாஜாலம் நடந்து உங்க தூக்கு தண்டனை ரத்தாகிடும்னு பொய் சொல்றதா?

அப்படியில்லை.

'வேற எப்படி? இப்ப நான்தான் தூக்கு தண்டனை விதிக்கப்பட்ட கைதின்னு வெச்சுக்கோ. அடுத்த வாரத்தில் என்னை தூக்குல போடப் போறாங்க. கமான், சொல்லு. எனக்கு ஆறுதல் சொல்லு பார்க்கலாம்."

பரத் மேஜையின் மூலையில் குதித்தமர்ந்து சிகரெட் எடுத்துப் பற்ற வைத்துக் கொண்டான்.

சுசிலா அவனருகில் வந்தாள்.

"இதோ பாருங்க, இந்த தண்டனை உங்க ஆத்மாவுக்கு இல்லை. உங்க உடம்புக்குத்தான். மரணம் எப்பவுமே உடம்புக்குதான். உயிருக்கு இல்லை. சொல்லப் போனா உங்க ஆத்மாவுக்கு பரிபூரண விடுதலை கிடைக்கப் போவுது. உங்க ஆத்மா இந்த உடம்புல கொஞ்ச காலம் தங்கியிருக்குது.