Kanneer Michamillai

By Rajeshkumar

Rajeshkumar, an exceptional Tamil novelist, in this service since 1968, written over 1500 novels and 1500 short stories, towards making the Guinness record… Readers who love the subjects Crime, Detective, Police and Science will never miss the creations of this outstanding author… since the author gets into the details of the subject, the readers’ knowledge enhances along with the joy of reading…

• Language: தமிழ்
• Publisher: GeeYe Publications
• Release date: Aug 1, 2016
• ISBN: 9781043466008

Book preview

14

1

சுகிர்தா நர்சிங் ஹோம்.

தலைமை டாக்டரின் கதவைத் தட்டி,

‘‘எக்ஸ்க்யூஸ் மி...’’ என்றாள் டாக்டர் கற்பூரவல்லி.

‘‘கமின்...’’

அவருடைய குரல் கேட்டதைத் தொடர்ந்து அறைக்குள் பிரவேசித்த கற்பூரவல்லிக்கு இருபத்தேழு வயது. சற்றே பூசின மாதிரி உடற்கட்டு. மெரூன் வண்ண புடவைக்கு மேலே, வெண்ணிற ஓவர்கோட் அணிந்திருந்தாள். அளவான கேசத்தை எளிமையாய் போனி டெய்ல் ஆக்கியிருந்தாள். புன்னகை அவளுடைய ஸ்பெஷல் அயிட்டம்.

‘டாக்டர்... நீங்க சிரிச்சு பார்த்தாலே பாதி வியாதி குணமான மாதிரி இருக்கு.’

நோயாளிகளில் சில பேர் அவளைப் பார்த்துச் சொல்லியிருக்கிறார்கள்.

‘‘உட்கார்ம்மா...’’

தலைமை டாக்டர் சொல்ல எதிர் நாற்காலியில் அமர்ந்த கற்பூரவல்லி கேட்டாள்.

‘‘டாக்டர் என்னை வரச்சொன்னீங்களாமே.’’

‘‘ஆமாம்மா. நேத்திக்குத்தான் நீ இந்த நர்சிங்ஹோமில் ஜாயின் பண்ணியிருக்கே. நேத்து நான் ஒரு ஹார்ட் சர்ஜரில பிசியா இருந்தேன்... உன்கிட்டே சரியாப் பேசக்கூட முடியலை.’’

புன்னகைத்தாள் கற்பூரவல்லி.

"நேத்திக்கு நான் உங்களை பார்க்க வந்தேன் டாக்டர் நீங்க பிசியா இருக்கிறதா சொன்னாங்க.’’

‘‘எதுக்காக... என்னை பார்க்க வந்தே?’’

"நான் இங்கே வேலைக்கு சேர்ந்ததுக்கு காரணமே நீங்கதான். அதுக்காக, உங்களுக்கு நான் தாங்க் பண்ண வேண்டியது என்னோட கடமை இல்லையா...’’

உதடு பிரியாமல் சிரித்தார் டாக்டர்.

"மேனேஜ்மெண்ட் மூலமா சில ரெக்மன்டேஷன்ஸ் வந்தது. இந்த டாக்டர் தொழிலுக்கு நிறைய ரெஸ்பான்ஸ்பிலிடி இருக்கு. சின்னத் தப்பு நடந்தாலும் அதுக்கு விலையா ஒரு உயிரே பலியாயிடும். அதனால சிபாரிசின் பேரில் யாரையும் அப்பாயின்ட் பண்ண நான் தயாராயில்லை. ஐ வில் கிவ் த போஸ்ட் ஃபார் த ரைட் கேன்டிடேட் ஒன்லி. உன்னோட திறமையையும், எக்ஸ்பீரியன்சையும் பார்த்து நீதான் ரைட் கேன்டிடேட்னு முடிவு பண்ணினேன்.’’

‘‘நான் உங்க நம்பிக்கையைக் காப்பாத்துவேன் டாக்டர்... ஒரு புகழ் பெற்ற டாக்டரா வரணும்னு எனக்குள்ளே வெறி இருக்கு. அந்த லட்சியத்துக்காக சின்சியரா ப்ராக்டிஸ் பண்ணுவேன்.’’

"குட். இந்த ஹாஸ்பிடல் உனக்குப் பிடிச்சிருக்கா?’’

‘‘ரொம்பப் பிடிச்சிருக்கு. சிட்டியில் இருக்கிற பெரிய ப்ரைவேட் க்ளினிக் இது. ஸ்டாஃப் எல்லோருமே நல்லாப் பழகறாங்க. லைக் திஸ் அட்மாஸ்பியர்...’’

தலைமை டாக்டர் அவர் மேஜையில் வைத்திருந்த சில சம்பிரதாய பாரங்களில் அவளுடைய கையெழுத்தை வாங்கினார்.

கற்பூரவல்லி கேட்டாள்.

"டாக்டர்... இன்னும் ஸ்பெசிஃபிக்கா எனக்கு ரெஸ்பான்சிபிலிடி எதுவும் தரலையே?’’

"நான் கூப்பிட்டது அதுக்காகத்தான்... இன்னிக்கு ஜெனரல் ஷிஃப்டை நீதான் பார்த்துக்கப் போறே.’’

அவர் சொன்ன விநாடி –

இன்டர்காம் கதறியது.

ரிசீவரை எடுத்துக் காதில் பொருத்தி, ‘‘எஸ்’’ என்றார்.

...

‘‘சரி, அட்மிட் பண்ணுங்க.’’

ரிசீவரை வைத்துவிட்டு நிமிர்ந்தார்.

கற்பூரவல்லியை ஏறிட்டுச் சொன்னார்.

"உனக்கு கேஸ் வந்தாச்சு. நீ பார்க்கப்போற முதல் கேஸ் ஒரு தற்கொலைக் கேஸ்!’’

2

அந்த ஆகாய வர்ண க்ளாசிக் கான்ட்டெஸ்ஸா புயல் போல வந்து ஹாஸ்பிடல் போர்டிகோவல் நின்றது. பின் சீட் கதவைத் திறந்து கொண்டு வேகமாய் இறங்கினான் விக்னேஷ்.

கதவை சாத்தக்கூட அவகாசமில்லாமல் போர்டிகோ படிகளில் தடதடத்து ரிசப்ஷனுக்குள் நுழைந்தான்.

அவன் முகம் பூராவும் பதற்றம். அணிந்திருந்த சந்தன நிற காஸிடிஸ் சர்ட் வியர்வையில் சொதசொதத்துப் போயிருந்தது. ரிசப்ஷன் கவுன்ட்டரில் படபடக்கும் குரலில் சொன்னான்.

"சிஸ்டர்... என்னோட ஒய்ஃப் சீரியஸான கண்டிஷனில் இருக்கா... அவளை உடனே அட்மிட் பண்ணனும்.’’

‘‘எங்க உங்க ஒய்ஃப்?’’

‘‘காரில் மயக்கமா இருக்கா.’’

ரிசப்ஷன் கவுன்ட்டரில் இருந்த பெண் எமர்ஜென்சி பொத்தானை அழுத்த எங்கோ பெல் அவசரமாய்க் கதறியது.

வெள்ளுடுப்பு சிப்பந்திகளும், ஒன்றிரண்டு நர்ஸ்களும் ஓடி வந்தார்கள்.

விக்னேஷ் கார்க்குச் செல்ல –

ஸ்ட்ரெச்சர் அவனைத் தொடர்ந்து சென்றது...

பின் சீட்டில் வாய் பிளந்து மல்லாந்து கிடந்து விக்னேஷ் மனைவி சந்தியாவை அள்ளி தூக்கி ஸ்ட்ரெச்சரில்