Inaintha Kolangal

By Devibala

Devibala, real name is Balasubramanian.P.R. born in 1957, Trichy. He has won several prizes in short story competitions, including Diamond Jubilee Prize of Anandha Vikatan. He has also written TV serials like Alaigal and Nambikkai.

Devibala, real name is Balasubramanian.P.R. born in 1957, Trichy. He has won several prizes in short story competitions, including Diamond Jubilee Prize of Anandha Vikatan. He has also written TV serials like Alaigal and Nambikkai.

• Language: தமிழ்
• Publisher: Pustaka Digital Media
• Release date: Apr 14, 2021
• ISBN: 6580100606053

Book preview

http://www.pustaka.co.in

இணைந்த கோலங்கள்

Inaintha Kolangal

Author:

தேவிபாலா

Devibala

For more books

http://www.pustaka.co.in/home/author/devibala-novels

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

*****

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

அத்தியாயம் 11

அத்தியாயம் 12

அத்தியாயம் 13

அத்தியாயம் 14

அத்தியாயம் 15

அத்தியாயம் 16

அத்தியாயம் 17

*****

அத்தியாயம் 1

பூஜா உடை மாற்றி தலைவாரிக் கொண்டிருந்தாள்!

பூஜா! 'டிபன் ரெடி'யா இருக்கு!

இதோ, வந்துட்டேன்!

'கான்டாக்ட் லென்ஸை' எடுத்து, கண்களை அகல விரித்து மத்தியில் - கருவிழியில் ஒட்டினாள்! இரு கண்களையும் சரி பார்த்துக் கொண்டாள்!

சீக்கிரம்... நேரமாச்சு!

வந்துட்டே இருக்கேன்!

'பளிச்'சென தயாராகி உணவு மேஜைக்கு வந்தாள் அவள்.

ஆவி பறக்கும் பொங்கல், சட்னி - சாம்பாருடன் தயாராக இருக்க... உட்கார்ந்தாள்.

அப்பா எங்கேம்மா?

ஏதோ போன் வந்தது. வாசல்ல நின்னு பேசறார். உனக்கு நேரமாச்சு. சாப்பிடும்மா.

சாப்பிடத் தொடங்கினாள்.

சரி, இன்னிக்கு 'பெர்மிஷன்' போட்டுட்டு வருவியா?

எதுக்கும்மா?

கடைக்குப் போகணும். தனியா போக கஷ்டமா இருக்கு.

ஆபீஸ்ல வேலை அதிகம்! என்னை நம்பாதே. 'லஞ்ச்' முடிஞ்சு, நேரம் பார்த்து தகவல் சொல்றேன்.

அப்பா உள்ளே வந்துவிட்டார்.

நீங்க தயாராகலையாப்பா?

இல்லைம்மா! நான் 'லேட்’டா புறப்படுறேன்.

யாரு போன்ல?

நம்ம தரகர்தான் லட்சுமி!

மகள் சாப்பிட்டு முடித்து கை கழுவ எழுந்து போக, அம்மா கலவரத்துடன் அப்பாவைப் பார்க்க,

ஒரு நல்ல வரன் கையில இருக்காம்! பேசலாமான்னு கேக்கறார். அதான்...

பூஜா கை கழுவி துடைத்துக் கொண்டு, கைப்பை மற்றும் கார்ச் சாவியை எடுத்தாள்.

அப்பா... வர்றேன்! அம்மா, பிறகு போன் பண்றேன்.

வாசல் நோக்கி நடக்கத் தொடங்க,

கொஞ்சம் நில்லு - அப்பா குரல், கால்களைக் கட்ட திரும்பினாள்.

வரன்னு நாங்க பேசறது உனக்காகத்தான்.

தெரியும்.

நீ போயிட்டே இருந்தா என்னம்மா அர்த்தம்?

அப்பா! என் மனசு உங்க ரெண்டு பேருக்கும் நல்லா புரிஞ்சும், நீங்க திரும்பத் திரும்ப முயற்சி எடுத்தா என்ன அர்த்தம்?

நீ சின்னப் பொண்ணும்மா!

அப்பா, பிரபலமான தனியார் கம்பெனியில பெரிய பதவி. மாசம் அம்பதாயிரம் சம்பளம். கார் குடுத்திருக்காங்க. வயசு இருபத்தி நாலு! எனக்குன்னு ஒரு சமூக அந்தஸ்து இருக்கு. நான் ஒண்ணும் தெரியாத சின்னப் பொண்ணுன்னு நீங்க நெனச்சா அது தப்பு!

இந்த உலகத்துல உனக்கு நாங்க ரெண்டு பேரும் எப்பவும் சாசுவதமில்லைன்னு நீ புரிஞ்சுக்கணும்.

அப்பா, இந்த உலகத்துல யாருக்கும் எதுவும் சாசுவதமில்லைன்னு எல்லாரையும்விட அதிகமா தெரிஞ்சுகிட்டவ என்னைத் தவிர யாரா இருக்க முடியும்?

அதில்லை!

அப்பா பிளீஸ்! நான் இப்ப நிம்மதியா, சந்தோஷமா பெத்தவங்கக்கூட இருக்கேன். இது போதும்னு நினைக்கிறேன். என் நிம்மதி கெடணும்னு நீங்க நெனச்சா, நான் வேற முடிவு எடுக்க வேண்டியது வரும். என்னை மன்னிச்சிடுங்க.

வேகமாக வாசலை நோக்கி நடந்தாள். காரின் கதவைத் திறந்து அமர்ந்தாள். அழகாக சாத்தி, மெதுவாக நகர்த்தி, வேகம் பிடித்து சாலையில் கலந்தாள்.

ராமலிங்கம் நொந்து போய் உள்ளே திரும்பினார்.

என்ன லட்சுமி இது?

அவளைச் சொல்லி குற்றமில்லை. சின்ன வயசுல அவபட்ட அடியை இந்த உலகத்துல எந்தப் பொண்ணு பட்டிருக்கும்?

சரிடி! அதையே நெனச்சுக்கிட்டிருந்தா, அடுத்த காலடியை எடுத்து வைக்க வேண்டாமா?

அவ பயப்படறா! அடுத்ததும் தப்பாயிட்டா என்ன பண்றதுன்னு கலங்கறா. அடிபட்ட அவளே, ஒரு வைராக்கியத்துல போராடித்தானே இந்த உயரத்துக்கு வந்திருக்கா. அவ பேச்சு தப்பில்லீங்க.

அதுக்காக, இப்படியே விட்டுர்றதா?

இல்லீங்க! பொறுங்க. எதுவுமே தானா கனிஞ்சாத்தான் மதிப்பு. தடி கொண்டு அடிச்சா நல்லதில்லை. அவளுக்கும் மனசு மாறும்.

எப்ப...?

தெரியலை. காத்துக்கிட்டிருப்போம்.

பெருமூச்சுடன் உள்ளே போனார் அவர்.

பூஜா நிதானமாக காரை ஓட்டிக்கொண்டிருந்தாள். 'வாக்மென்' வழியாக இதமான பழைய பாடல்கள் காதுக்குள் இறங்க...

பதினைந்து நிமிடப் பயணம்!

கைகளில் பைகளுடன் ஒரு அம்மா, சாலையை வேகமாக கடக்க முயற்சிக்கும்போது, நடுச்சாலையில் பைகளைப் போட்டுவிட்டு அப்படியே தடாலென விழுந்தார்.

ஏறத்தாழ அந்தம்மா மேல் மோத இருந்த தன் காரை அவசர பிரேக் போட்டு பூஜா நிறுத்தினாள்.

அதற்குள் கூட்டம் சேர்ந்துவிட்டது.

பூஜா இறங்கி வந்து பார்க்க, காய்கறிகள் - மளிகை பொட்டலங்கள் சிதறிக் கிடக்க,

இன்னொரு பக்கம் கைப்பை - செல்போன்!

அந்தம்மா மயக்கம்.

யாராவது இவரைத் தூக்கி கார்ல கிடத்துங்க. ஆஸ்பத்திரிக்குக் கொண்டு போயிடலாம்.

காரில் கிடத்தப்பட்டாள் அவள்.

நல்ல பொண்ணு, 'சடன் பிரேக்’ போட்டு விபத்தையும் தவிர்த்து, இப்ப உதவியும் செய்யுது.

ஆஸ்பத்திரி வாசலில் காரைக் கொண்டுவந்து நிறுத்தினாள். தகவல் கிடைத்ததும் 'ஸ்டிரெச்சர்' கொண்டுவரப்பட, உள்ளே தூக்கிச் செல்லப்பட்டாள். அவசர சிகிச்சைப் பிரிவுக்குக் கொண்டு போனார்கள்.

அந்தம்மாவின் உடமைகள் பூஜாவின் காருக்குள்.

செல்போனில் 'சார்ஜ்' இல்லை. அந்தம்மாவின் கைப்பையை குடைய, பணம்- 'கிரெடிட் கார்டு' எல்லாம் இருந்தது. ஒரு ‘விசிட்டிங் கார்டு' வெளியே வந்தது.

'அமர்நாத் - M.E., MBA. - சீப் அட்மின் ஆபீசர்.'

மத்திய அரசு அதிகாரி என குறிப்பிடப்பட்டிருந்தது.

அலுவலக விலாசம், வீட்டு முகவரி எல்லாம் இருந்தது.

செல்போனுக்கு 'டயல்' செய்தாள்.

சார் ‘மீட்டிங்'ல இருக்கார். ஒரு மணி நேரம் கழிச்சு போன் பண்ணுங்க.

தவித்துப் போனாள்.

டாக்டர் வெளிப்பட்டார்.

நீங்க என்ன வேணும் இவங்களுக்கு?

வழியில மயங்கி விழுந்தவங்களைக் கொண்டு வந்தேன் டாக்டர். என்ன பிரச்சினை?

இவங்க ஒரு இதய நோயாளி! 'பைபாஸ் சர்ஜரி' ஆனவங்க: இதயத்துல 'பேஸ் மேக்கர்' இருக்கு

அய்யோ...!

இது இப்ப சாதாரண மயக்கம்தான். ஆனா, ரத்த அழுத்தம் உச்சத்துக்கு போயிருக்கு. சம்பந்தப்பட்டவங்களுக்கு தகவல் குடுத்துடுங்க.

ஆபத்தா டாக்டர்?

நிச்சயமா இல்லைம்மா.

வெளியே வந்து பூஜா மறுபடியும் போன் செய்ய, அந்த பி.ஏ. அதே பதிலைச் சொல்லி போனை வைக்க, கடுப்பாகிவிட்டாள். டாக்டரிடம் சொல்லிவிட்டு, வெளியே வந்து காரை எடுத்தாள்.

நேராக அந்த அலுவலகம் வந்துவிட்டாள்.

நாலாவது மாடியில் அமர்நாத் அலுவலகம். ரிசப்ஷனுக்கு வந்து பேச,

பார்க்க முடியாதுங்க.

இவரைச் சேர்ந்தவங்க ஆஸ்பத்திரியில ‘சீரியஸ்'. அந்த தகவலைச் சொல்லுவீங்களா... மாட்டீங்களா?

இது ரகசிய கூட்டம்.