Պատգամներ Հովհաննու Ավետարանի Վերաբերյալ (II) - Աստծո Սերը Հայտնված Հիսուսի՝ Միածին Որդու Միջոցով (II)

By Paul C. Jong

Աստծո Սերը Հայտնված Հիսուսի՝ Միածին Որդու Միջոցով
Գրված է. «Աստծուն ոչ ով երբեք չի տեսել. բայց միածին Որդին, Հոր ծոցումը լինողը, Նա պատմեց» (Հովհաննու 1:18):
Հիսուսը կատարելապես հայտնեց Աստծո սերը մեզ: Հիսուսը կատարելապես մեզ հասցրեց այդ սերը: Ինչ կատարյալ փրկության Ճշմարտություն է ջրի եւ Հոգու ավետարանը: Մենք երբեք չենք զղջացել, որ ստացել ենք մեր փրկությունը Հիսուսի հանդեպ ունեցած հավատքի շնորհիվ, որն եկավ ջրով եւ արյունով (1 Հովհաննու 5:6):
Հուսով եմ, որ դուք բոլորդ հավատում եք Հիսուս Քրիստոսին, ով հայտնեց Աստծո սերը, պահեք Նրա սիրո հավատքը ձեր սրտերում եւ ապրեք ամեն օր՝ հանուն այդ սերը տարածելու: Հուսով եմ, որ դուք կստանաք մեղքի թողության օրհնությունը՝ հանդիպելով Աստծուն ջրի եւ Հոգու ավետարանի միջոցով:

• Language: Հայերեն լեզու
• Publisher: Paul C. Jong
• Release date: Aug 14, 2023
• ISBN: 9788965327479

Book preview

paul_Arm19_coverFrontflap_arm191st_page

Պատգամներ Հովհաննու Ավետարանի Վերաբերյալ (II)

Աստծո Սերը Հայտնված Հիսուսի՝ Միածին Որդու Միջոցով (II)

Smashwords Edition

Copyright 2022 by Hephzibah Publishing House

Բոլոր իրավունքները պահպանված են: Այս հրատարակչության ոչ մի մասը չի կարող վերարտադրվել, պահպանվել տեղեկատվական համակարգում կամ փոխադրվել էլեկտրոսարքերի միջոցով, մեխանիկական եղանակով, ֆոտոպատճենահանման, ձայնագրման կամ այլ եղանակով առանց հրատարակչի և հեղինակային իրավունքը ունեցողների նախնական գրավոր թույլտվության:

Սուրբ Գրային մեջբերումները կատարված են «Արարատ» Ժամանակակից Արևելյան Հայերեն Աստվածաշնչից:

ISBN 978-89-6532-747-9

Ձևավորում` Մին-սու Կիմ

Նկարազարդում` Յանգ-է Կիմ

Հրատարակված է Կորեայում

Hephzibah Publishing House

A Ministry of THE NEW LIFE MISSION

Seoul, Korea

   ԲՈՎԱՆԴԱԿՈՒԹՅՈՒՆ   

Նախաբան

ԳԼՈՒԽ 3

• Մենք Պետք է Վերստին Ծնվենք՝ Հավատալով Ջրի և Հոգու Ավետարան (Հովհաննու 3:1-15)

• Մեր Տերը Եկավ Այս Աշխարհ Փրկելու Համար Մեզ Աշխարհի Մեղքերից (Հովհաննու 3:14-21)

• Ինչի՞ն Պետք է Հավատանք Աստծո Առաջ (Հովհաննու 3:21)

• Մեր Աստվածը Տերն է, ով Մեզ Տվել է Ճշմարիտ, Հավիտենական Կյանք (Հովհաննու 3:35-36)

ԳԼՈՒԽ 4

• Տերը, Ով Լուծում է Մեր Բոլոր Խնդիրները (Հովհաննու 4:3-19)

• Ինչի՞ Մեջ է Բավարարվում Մեր Սիրտը (Հովհաննու 4:10-24)

• Կենդանի Ջուրը, որ Կհագեցնի Բոլորին (Հովհաննու 4:13-26, Հովհաննու 4:39-42)

• Ինչպիսի՞ Հավատք է Մեզ Պետք Մեր Հոգևոր Վերածննդի Համար (Հովհաննու 4:19-26)

• Հիսուսի Խոսքը Աստծո Խոսքն է (Հովհաննու 4:46-54)

ԳԼՈՒԽ 5

• Մենք Երբեք Չպետք է Վերադառնանք Դեպի Հուդայականություն (Հովհաննու 5:10-29)

• Տերն Այցելում է Բեթհեզդայի Լողավազանը (Հովհաննու 5:1-9)

ԳԼՈՒԽ 6

• Գործեցեք Այն Կերակուրի Համար, Որ Մնացող է Հավիտենական Կյանքի Մեջ (Հովհաննու 6:16-40)

0Preface

Նախաբան

Հիսուսի աշակերտներն ասացին. «Ի՞նչ է ուզում ասել: Շատ դժվար է հասկանալ Նրան։ Ո՞վ կարող է հասկանալ Նրա խոսքերը»: Դրա պատճառն այն է, որ Տերն ասաց, որ Ինքն է կյանքի հացը․ «Ես եմ կենդանի հացն, որ երկնքիցն է իջել։ Եթէ մէկն այս հացիցն ուտէ, յաւիտեան կ’ապրի. եւ այն հացն՝ որ ես կ’տամ՝ իմ մարմինն է, որ ես նորան աշխարհքի կեանքի համար կ’տամ» (Հովհաննու 6:51): Նա դարձյալ ասաց. «Ճշմարիտ ճշմարիտ ասում եմ ձեզ, եթէ մարդի Որդու մարմինը չ’ուտէք եւ նորա արիւնը չ’խմէք, կեանք չ’ունիք ձեր անձերումը։ Իմ մարմինը ուտողը եւ իմ արիւնը խմողը յաւիտենական կեանք ունի. Եւ ես յետին օրումը կ’յարուցանեմ նորան» (Հովհաննու 6:53-55): Նա եզրափակեց. «Իմ մարմինն ուտողը եւ իմ արիւնը խմողը մնում է ինձանում, եւ ես նորանում» (Հովհաննու 6:56):

Մենք այստեղ տեսնում ենք, որ կարող ենք ուտել Տիրոջ մարմինը և խմել Նրա արյունը՝ ջրի և Հոգու ավետարանին հավատալու հավատքով: Մենք իմանում ենք, որ անմեղ ենք, երբ ուտում ենք Տիրոջ մարմինը: Եթե հավատքով ուտում ես Տիրոջ մարմինը, ապա դառնում ես անմեղ: Իմ հավատակիցներ, եթե դուք ուտում եք Տիրոջ մարմինը՝ հավատալով այն փաստին, որ Հիսուսը, ով մկրտվել է Հովհաննես Մկրտչից Հորդանան գետում, վերցրել է մեր բոլոր մեղքերը, ապա կարող եք ստանալ մեղքերի թողության շնորհը։ Մենք դառնում ենք անմեղ, եթե հավատքով ընդունում ենք այն աշխատանքը, որ Տերն արել է Իր մարմնի հետ: Այնուամենայնիվ, ի՞նչ կարելի է ասել այն մարդկանց մասին, ովքեր հավատքով չեն ուտում Հիսուսի մարմինը։ Նրանք մնում են մեղավոր, անկախ նրանից, թե որքան մոլեռանդորեն են հավատում Նրան: Նրանք, ովքեր հավատքով ուտում են Տիրոջ մարմինը, դառնում են անմեղ մարդ։

Ենթադրենք, որ մեզ հրավիրել են մի ճաշկերույթի և այնտեղ կան համեղ ուտեստներ։ Ինչքան էլ ճոխ խնջույք լինի, եթե չօգտվենք սեղանից, չենք կշտանա: Նմանապես, մենք մեղքերի իսկական թողություն ենք ստանում միայն այն ժամանակ, երբ ուտում ենք՝ մտքով հավատալով, որ մեր Տերը մեզ անմեղ է դարձրել՝ վերցնելով աշխարհի մեղքերը, ստանալով մկրտությունը Իր մարմնի վրա: Այլ կերպ ասած՝ մեր մեղքերը կջնջվեն միայն այն ժամանակ, երբ մենք ուտենք Տիրոջ մարմինը՝ հավատալով, որ «Հիսուսը ջնջեց մեր մեղքերը՝ ստանալով մկրտությունը»։

Մենք պետք է հաճախ ուտենք Տիրոջ մարմինը՝ ջրի և Հոգու ավետարանին հավատալու հավատքով: Միայն այդ դեպքում մեր հոգևոր ստամոքսը կլցվի։ Մենք ստանում ենք մտքի խաղաղություն, երբ խմում ենք Տիրոջ արյունը՝ հավատալով դրա հոգևոր իմաստին: Հնարավոր է, որ մարդիկ սխալ հասկանան այս ասացվածքները, բայց այս բոլոր փոխաբերությունները վերաբերում են հոգևոր հավատքին: Մենք կարող ենք ուտել Տիրոջ մարմինը և խմել Նրա արյունը միայն այն ժամանակ, երբ հավատում ենք ջրի և Հոգու ավետարանին, որը Տերը տվել է մեզ: Ես ուզում եմ ասել, որ հավատալով այս ավետարանին, մենք կարող ենք ուտել Ճշմարտությունը, որն ասում է, որ Տերը տվել է մեզ Իր կյանքը ջրի և Հոգու ավետարանը իրականացնելու համար:

Ես խոսում եմ ձեզ հետ ևս մեկ անգամ մտածելով, թե արդյոք ձեր մեջ կան որոշ անհավատներ, ովքեր գիտեն ջրի և Հոգու ավետարանի մասին, բայց չեն ուտում այն: Եթե դուք այս կատեգորիայի մեջ եք, ես ձեզ հորդորում եմ առանց վարանելու ուտել ջրի և Հոգու ավետարանը հավատքով: Մաղթում եմ, որ դուք խմեք Նրա արյունը, ինչպես կվայելեք զով ըմպելիք և ուտեք Հիսուսի մարմինը որպես հոգևոր սնունդ: Մաղթում եմ, որ դուք վայելեք հավիտենական կյանքը՝ ուտելով և խմելով, իմանալով, որ Տերը ջնջել է մեր մեղքերը, դրանք վերցնելով Իր մարմնի վրա մկրտության միջոցով և հատուցելով դրանք Խաչի վրա Իր արյունով: Եվ ես ցանկանում եմ, որ դուք վստահություն ունենաք, որ մենք ընտրված ենք ուտելու Տիրոջ մարմինը և խմելու Նրա արյունը՝ հավատալով ջրի և Հոգու ավետարանին:

Հիսուսն ասաց Իր աշակերտներին ուտել Իր մարմինը և խմել Իր արյունը: Մարդիկ այնքան դժվարությամբ ընդունեցին, երբ Հիսուսն ասաց նրանց ուտել Իր մարմինը որպես կյանքի հաց: Նրանք այնքան անհանգստացած էին այս խոսքերից՝ ասելով. «Ո՞վ կարող է հասկանալ այս խոսքերը»: Նմանապես, մեր օրերում գրեթե բոլոր քրիստոնյաները նույնպես անհանգստացած են Սուրբ Գրությունների այս մասով իրենց հոգևոր անտեղյակության պատճառով:

Այսպիսով, մեր Տերն ասաց. «Ապա ի՞նչ էք մտածելու եթէ մարդի Որդին տեսնէք՝ վեր գնալիս, ուր որ առաջ էր։ Հոգին է կենդանացնողը, մարմինը ոչինչ օգուտ չէ տալիս. Այն բանն որ ես ձեզ հետ խօսեցի, հոգի է եւ կեանք է» (Հովհաննու 6:63-64): Այս հատվածը նշանակում է. «Դուք պետք է հոգեպես լսեք Իմ Խոսքը: Ես վերցրել եմ ձեր բոլոր մեղքերը Հորդանան գետում, որպեսզի փրկեմ ձեր հոգիները աշխարհի մեղքերից: Ես վերցրել եմ ձեր բոլոր մեղքերը այն մկրտության միջոցով, որը ստացել էի Հովհաննես Մկրտչից: Եվ ես մեռնելու եմ ձեր փոխարեն: Ես կյանքս կտամ ձեզ համար։ Իսկ ի՞նչ կասեք, եթե ես մահանալուց երեք օր հետո վերադառնամ իմ գահին, որտեղ նախկինում էի։ Այնուամենայնիվ, Հիսուսի աշակերտների մեջ կային շատերն, ովքեր չէին հավատում, որ Հիսուսը Տիրոջ Որդին է կամ որ Նա Տերն է: Երանի այն մարդկանց, ովքեր հավատքով ուտում են Հիսուսի մարմինը:

Դուք ուտո՞ւմ եք Տիրոջ մարմինը և խմում Նրա արյունը՝ հավատալով ջրի և Հոգու ավետարանին այս պահին: Ամեն օր կերեք և խմեք նրա օրհնությունները: Քանի որ դուք պետք է ամեն օր ուտեք մարմնի համար նախատեսված կերակուրը, կերեք նաև հոգևոր սնունդը հավատքով: Եթե հոգևոր սնունդը միայն մեկ անգամ ուտեք, երեք օրում հոգեպես ավելի քաղցած կլինեք։ Այնուհետև պետք է նորից ուտեք այն: Իմ հավատակիցներ, դուք պետք է հնարավորինս հաճախ ուտեք հոգևոր սնունդը:

Նրանք, Ովքեր Ուտում են Հիսուսի Մարմինը, Ընդունելու են Կյանք Տվող Սնունդ

Նրանք, ովքեր կերել են Հիսուսի մարմինը, դարձել են անմեղներ: Իմ հավատակիցներ, գիտե՞ք, որ դուք դարձաք անմեղ, երբ հավատացիք ջրի և Հոգու ավետարանին: Մենք անմեղ մարդ ենք դարձել՝ հավատքով ուտելով Հիսուսի մարմինն ու արյունը: Տերը մեզ փրկություն շնորհեց՝ տալով մեզ ջրի և Հոգու ավետարանը, որն ասում է, որ մենք կարող ենք դառնալ անմեղ մարդ՝ ուտելով Տիրոջ մարմինը և խմելով Նրա արյունը: Այսպիսով, մենք վերստին ծնվել ենք որպես իսկապես անմեղ մարդ, որովհետև ուտում և խմում ենք մեր Տեր Հիսուսի մարմինն ու արյունը:

Որքա՞ն շնորհով է լցված մեր Տերը, ով մեզ տվեց Իր մարմինը: Ի՞նչ կանեինք, եթե Տերը մեզ չտար Իր մարմինը: Որքա՞ն մաքուր է մեր խիղճը, որ մենք անմեղ ենք, քանի որ ուտում ենք Նրա տրված մարմինը որպես մեր ամենօրյա սնունդ: Իմ հավատակիցներ, այնքան տպավորիչ և հաճելի է, որ մենք դարձել ենք անմեղներ:

Ինչպե՞ս ենք համարձակվում ասել, որ մենք անմեղ ժողովուրդ ենք։ Կարո՞ղ ենք մենք անմեղ լինել՝ դրա համար գումար վճարելով։ Կարո՞ղ ենք մենք անմեղ լինել՝ բարի գործեր կատարելով։ Կամ, կարո՞ղ ենք անմեղ լինել՝ գեղեցիկ ապրելով։ Մենք չենք կարող լինել անմեղ մեր գործերով կամ կարողություններով: Մենք չենք կարող լինել անմեղ, եթե չլիներ Հիսուսի մարմինը: Մենք դարձանք անմեղ մարդ՝ ուտելով Հիսուսի մարմինը, քանի որ Հիսուսն Իր մարմինը տվել է մեզ: Դուք մեղքեր ունե՞ք։ Ոչ, ես մեղքեր չունեմ։ Եկեք մեր ձայնով ասենք՝ ես մեղքեր չունեմ։ Այո, մենք այլևս մեղք չունենք, որովհետև մենք կերել ենք Հիսուսի մարմինը: Եթե մարդիկ մեզ տեսնեն, նրանք կարող են ասել. «Օհ, այսպիսի տարօրինակ մարդիկ կան»: Բայց դուք այն անմեղ ժողովուրդն եք, որից Աստված գոհ է:

Իմ հավատակիցներ, մենք մեղք չունենք, քանի որ կերել ենք Տիրոջ մարմինը: Հիսուսը մեզ տվեց Իր մարմինը: Նա նաև Իր արյունը տվեց մեզ: Նա վերցրեց մեր բոլոր մեղքերը Իր մկրտության միջոցով և վճարեց դրանց համար՝ Իր արյունը թափելով Խաչի վրա: Այսպիսով, մենք դարձանք անմեղնե՝ հավատալով ջրի և Հոգու այս ավետարանին:

Տերն ասաց. «Հոգին է կենդանացնողը, մարմինը ոչինչ օգուտ չէ տալիս» (Հովհաննու 6:64): Մենք կարող ենք վերստին ծնվել, երբ մեր մտքում հավատանք այն ամենին, ինչ Տերն արել է մեզ համար: Այս պատճառով մենք դարձանք մեր մտքում մեղք չունեցող մարդիկ։ Ինչպես նաև մենք դարձանք անմեղ մարդ մեր հոգիներում: Համաձա՞յն եք, թե՞ ոչ։ Համոզված եմ, որ դուք համաձայն եք: Այսպիսով, Տերն ասաց. «Հոգին է կենդանացնողը, մարմինը ոչ մի օգուտ չի տալիս»։ Եթե ֆիզիկապես մտածենք, կարո՞ղ ենք արդյոք իրականում ուտել ինչ-որ մեկի միսը և խմել արյունը: Մենք դա չենք կարող անել։ Իսկ եթե ֆիզիկապես ուտում ենք ուրիշների միսը, ասում ենք, որ մարդակեր ենք։ Եթե մենք բառացիորեն հնազանդվենք այս խոսքերին, Աստվածաշունչը կարծես ասում է, որ մենք բարբարոսական գործողություններ կատարենք։ Այդ իսկ պատճառով Նա ասաց մեզ, որ ֆիզիկապես չմտածենք:

Տերը փրկեց մեր հոգիները մեղքից և մեզ նոր կյանք տվեց: Նա վերցրեց մեր մեղքերը մեկընդմիշտ՝ մկրտվելով Հովհաննեսից: Այսպիսով, Նա մեզ դարձրեց անմեղ: Մենք դարձանք անմեղ մարդ՝ ուտելով Տիրոջ մարմինը: Այն այնքան հրաշալի է: Այն փաստը, որ մենք անմեղ մարդ ենք դարձել՝ ուտելով Տիրոջ մարմինը, հրաշալի է: Այնքան զարմանալի է, որ մենք ստացանք իսկական փրկություն: Որքան զորեղ է Տիրոջ մարմինը։ Նրանք, ովքեր ուտում են Հիսուսի մարմինը, անմեղ են:

Ինչպե՞ս կարող ես ուտել և խմել Հիսուսի մարմինն ու արյունը: Մենք դա անում ենք՝ հավատալով Հիսուսի մկրտությանը և Նրա թափած արյանը: Մենք ուտում ենք Հիսուսի մարմինը՝ հավատալով, որ Հիսուսը վերցրեց մեր բոլոր մեղքերը Հորդանան գետում Իր մկրտության միջոցով: Հետևաբար, մենք պետք է ամեն օր հավատքով ուտենք Հիսուսի մարմինը: Մենք պետք է ուտենք, երբ հոգևոր քաղց ենք զգում։ Մենք պետք է ուտենք Հիսուսի մարմինը, երբ զգում ենք, որ մեղքեր ունենք կամ հոգևորապես թույլ ենք: Մենք պետք է ուտենք Նրա մարմինը այնքան հաճախ, որքան կարող ենք՝ հավատալով այն փաստին, որ Տերը վերցրեց մեր մեղքերը Իր մկրտության միջոցով: Ահա թե ինչպես կարելի է դառնալ հոգևոր հավատքի տեր տղամարդ կամ կին։

Նույնիսկ Հիսուսի աշակերտների մեջ կային շատերն, ովքեր չէին հավատում, որ Հիսուսը Աստծո Որդին է, կամ որ Հիսուսը վերցրել է աշխարհի բոլոր մեղքերը: Նույնիսկ հիմա կան շատ մարդիկ, ովքեր չեն հավատում, որ Հիսուսն իր մարմնով վերցրել է մեղքերը: Ակնհայտ է, որ Հիսուսը վերցրել է աշխարհի մեղքերը՝ ստանալով մկրտությունը, բայց նույնիսկ քրիստոնյաների մեջ այնքան շատ մարդիկ կան, ովքեր չեն հավատում այս Ճշմարտությանը: Ահա թե ինչու Հիսուսը շարունակում է խոսել այդ մասին։

Հիսուսի տասներկու աշակերտների մեջ կար Հուդա անունով մի աշակերտ: Հիսուսը գիտեր, որ Հուդան պատկանում է Բանսարկու Սատանային։ Տերը նաև գիտեր, որ Հիսուսի աշակերտներից ոմանք լիովին չէին հավատում Իրեն, և որ Իրեն հետևող ամբոխներից ոմանք չէին հավատում Նրան: Իսկ ովքե՞ր էին նրանք։ Տերն ասաց. «Նրանք, ովքեր չեն առաջնորդվել Հայր Աստծո կողմից, այն մարդիկ են, ովքեր չեն հավատում Նրան»: Նա ասաց. «Նորա համար ասեցի ձեզ՝ թէ ոչ ով կարող չէ ինձ մօտ գալ, եթէ իմ Հօրիցը տրուած չ’լինի նորան» (Հովհաննու 6:66):

Շատ մարդիկ լքել են Հիսուսին նույնիսկ այն ժամանակ, մինչ Նա ասում էր. «ոչ ով կարող չէ ինձ մօտ գալ, եթէ իմ Հօրիցը տրուած չ’լինի նորան»: Շատ մարդիկ լքեցին Նրան, ովքեր ունեին հավատք՝ ուտելու և խմելու Հիսուսի մարմինն ու արյունը: Իմ հավատակիցներ, դուք չեք կարող առաջնորդվել Հայր Աստծո կողմից, եթե ձեր մտքերը խաբված են: Աստված գիտի մեր բոլոր իրավիճակները: Հետևաբար, մենք չպետք է խաբված մտքեր ունենանք։ Մենք պետք է խոստովանենք մեր սրտերի իրական վիճակը, ինչպես որ այն կա իրականում: Մենք պետք է ասենք. «Օ, Տեր իմ, ես մեղքեր ունեմ իմ սրտում, և ես արժանի եմ դատապարտվելու այս մեղքերի պատճառով: Խնդրում եմ, ողորմիր ինձ»։ Այնուհետև Տերը անպայման կհանդիպի ջրի և Հոգու ավետարանով ազնիվ հոգու:

Հիսուսն ասաց իր տասներկու աշակերտներին. «Մի՞թէ դուք էլ ուզում էք գնալ»: Սիմոն Պետրոսը պատասխանեց նրան. «Տէր, ո՞ւմ մօտ գնանք. յաւիտենական կեանքի խօսքեր ունիս դու։ Եւ մենք հաւատացինք եւ ճանաչեցինք, թէ դու ես Քրիստոսը՝ կենդանի Աստուծոյ Որդին» (Հովհաննու 6:68-69):

Նույն հավատի խոստովանությունը պետք է լինի մեզ մոտ։ Կարո՞ղ ենք ապրել՝ թողնելով Տիրոջը: Կարո՞ղ ենք գնալ այլ տեղ՝ թողնելով Տիրոջը: Տերը ստացել էր մկրտությունը Իր մարմնի վրա և Իր արյունը տվել մեզ: Եվ Նա մեզ տվեց ջրի և Հոգու ավետարանը, որը Աստծո Ճշմարտության Խոսքն է, որը մեզ հնարավորություն է տալիս ստանալ հավերժական կյանք:

Այժմ մենք դարձել ենք Նրա անմեղ ժողովուրդը: Ով հավատում է ջրի և Հոգու ավետարանին, կարող է ստանալ մեղքերի հավերժական թողություն և վաստակել հավերժական կյանք: Ալելուիա

CHAPTER0303

Մենք Պետք է Վերստին Ծնվենք՝ Հավատալով Ջրի և Հոգու Ավետարան

< Հովհաննու 3:1-15 >

«Եւ Փարիսեցիներիցը մի մարդ կար՝ անունը Նիկոդեմոս՝ Հրէաների իշխան։ Սա գիշերը Յիսուսի մօտ եկաւ եւ ասեց նորան. Ռաբբի, գիտենք որ Աստուածանից վարդապետ ես եկել. Որովհետեւ ոչ ով չէ կարող այդ նշաններն անել՝ որ դու ես անում, եթէ Աստուած նորա հետ չ’լինի։ Յիսուսը պատասխանեց եւ ասեց նորան. Ճշմարիտ ճշմարիտ ասում եմ քեզ. Եթէ մէկը վերստին չ’ծնուի՝ կարող չէ Աստուծոյ արքայութիւնը տեսնել։ Նիկոդեմոսը նորան ասեց. Մարդ ի՞նչպէս կարող է ծնուիլ՝ որ ծեր է. Մի՞թէ կարող է երկրորդ անգամ իր մօր արգանդը մտնել եւ ծնուիլ։ Յիսուսը պատասխանեց. Ճշմարիտ ճշմարիտ ասում եմ քեզ. եթէ մէկը ջրից եւ Հոգուց չ’ծնուի, նա կարող չէ Աստուծոյ արքայութիւնը մտնել։ Մարմնիցը ծնուածը մարմին է. Եւ Հոգուցը ծնուածը հոգի է։ Մի զարմանար՝ որ ասեցի քեզ թէ Պէտք է ձեզ՝ վերստին ծնուիլ։ Քամին որտեղ ուզում է՝ փչում է, եւ նորա ձայնը լսում ես. Բայց չ’գիտես թէ ո՞ր տեղից է գալիս եւ ո՞ր տեղ է գնում. Այսպէս է ամեն Հոգուցը ծնուածը։ Նիկոդեմոսը պատասխանեց եւ ասեց նորան. Այդ ի՞նչպէս կարող է լինիլ: Յիսուսը պատասխանեց եւ ասեց նորան. Դու ես Իսրայէլի վարդապետը, եւ այս չ’գիտե՞ս։ Ճշմարիտ ճշմարիտ ասում եմ քեզ, թէ ինչ որ գիտենք՝ խօսում ենք, եւ ինչ որ տեսանք՝ վկայում ենք. եւ մեր վկայութիւնը չէք ընդունում։ Եթէ երկրաւոր բաներն ասեցի ձեզ, եւ չէք հաւատում, ապա ի՞նչպէս կ’հաւատաք, եթէ երկնաւոր բաներն ասեմ։ Եւ ոչ ով վեր չ’ելաւ երկինքը, եթէ ոչ երկնքից իջնողը՝ մարդի Որդին՝ նա որ երկնքումն է։ Եւ ինչպէս Մովսէսն օձը բարձրացրեց անապատումը, այնպէս պէտք է մարդի Որդուն բարձրացուիլ. Որ ամեն նորան հաւատացողը չ’կորչի, այլ յաւիտենական կեանքն ունենայ»:

Այս աշխարհում կան մարդիկ, ովքեր ցանկանում են վերստին ծնվել՝ հավատալով Հիսուսին: Նաև շատ մարդիկ կան, ովքեր տարբեր ձևերով ջանք են գործադրում կրոնական կյանքում, որպեսզի վերստին ծնվեն իրենց մեղքերից: Որոշ մարդիկ փորձում են վերստին ծնվել միայն էմոցիոնալ առումով՝ մտածելով, որ մարդը պետք է ստանա մեղքերի մաքրում, եթե մարդը ապաշխարության աղոթքներ է անում: Որոշ քրիստոնյաներ կարծում են, որ զգալի դրամական նվիրատվություններ կատարելը կհանգեցնի նրանց վերստին ծնվելու, և այդ պատճառով նրանք որոշակի գումար են նվիրաբերում, իսկ ոմանք, մտածելով, որ շատ եկեղեցիներ հիմնելը կհանգեցնի նրանց Աստծո հավանությանը, զբաղված են եկեղեցական շենքեր կառուցելով:

Որոշ քրիստոնյաներ նվիրված են միսիոներական աշխատանքին, մտածելով, որ մարդը վերստին կծնվի, եթե կամավորություն անի և կատարի միսիոներական ծառայություն: Այսպիսով, նրանք փորձում են Հիսուսին ներկայացնել բոլոր ազգերին՝ նվիրելով սեփական մարմինը, կրքից այրվելով, միսիոներական աշխատանք անելով, անկախ նրանից, թե որքան վտանգավոր են հանգամանքները: Նման մարդիկ շարունակում են ապրել՝ իրենց ողջ կյանքը նվիրելով Աստծուն: Այդ բոլոր մարդիկ շարունակում են հավատքով ապրել այն մտքով, որ մի օր վերստին կծնվեն: Նրանք կարծում են, որ Աստված նրանց կտա վերստին ծնունդ, քանի որ իրենք ապրում են Աստծո համար: Այնուամենայնիվ, այդպես մտածելը երբեք ճիշտ չէ։

Ի՞նչ եք կարծում այսպիսի մարդկանց համար: Սրանցից բացի, վերստին ծնվելու ուրիշ ուղիներ էլ են մարդիկ շարունակում գտնել։ Մարդիկ հակված են կարծելու, որ վերստին ծնվելու շնորհը կստանան, եթե շատ նյութական բաներ առաջարկեն, շատ ծառայություն մատուցեն և մինչև մահ հավատարիմ լինեն։ Մարդիկ կարող են մտածել. «Եթե ես շարունակեմ լավ գործել Աստծո առջև, ես վերստին կծնվեմ», բայց չնայած նրանց մտքերը կարող են լինել այդպիսին, Աստծո խոստումը դա չէ: Ի՞նչ կարող ենք անել, քանի որ Աստծո մտքերը տարբերվում են մարդկանցից։ Աստծո մտքերը շատ տարբեր են մարդկային մտքերից: Նա ասում է մեզ, որ մարդը կարող է վերստին ծնվել միայն ջրի և Հոգու ավետարանին վստահաբար հավատալով: Վերստին ծնվելը հնարավոր չէ այլ կերպ, բացի ջրի և Հոգու ավետարանին հավատալուց:

Ինչպես մեր Տերն է ասել, եթե մեկը ցանկանում է վերստին ծնվել մեղավոր վիճակից, դա հնարավոր է միայն ջրի և Հոգու ավետարանին հավատալով: Նույնիսկ եթե մենք Աստծուն տանք ոսկի, երբեք չենք կարողանա իսկապես վերստին ծնվել: Աստված մեզ ասում է, որ նույնիսկ մարդու սեփական բարի գործը, զոհաբերությունը, նվիրվածությունը կամ նյութական բաները չեն կարող ստիպել նրան վերստին ծնվել: Անկախ նրանից, թե մարդն ինչքան քրտինք է թափում, նեղություն ու ջանքն դնում հանուն Աստծո, չի կարող փրկություն ստանալ իր գործած մեղքերից: Մարդու հոգին չի կարող փախչել մեղքերից մարմնի ջանքերով:

Ոմանք կարող են մտածել այսպես: Ինչպես Տերն է ասել. «Քամին որտեղ ուզում է՝ փչում է, եւ նորա ձայնը լսում ես. Բայց չ’գիտես թէ ո՞ր տեղից է գալիս եւ ո՞ր տեղ է գնում. Այսպէս է ամեն Հոգուցը ծնուածը» (Հովհաննու 3:8): Մտածեք, որ վերստին ծնունդը, դա մի գործընթաց է, որը մարդ չի կարող իմանալ, թե ինչպես է դա ձեռք բերվում, և որ դա մի բան է, որը միայն Աստված գիտի: Աստված ամեն ինչ գիտի մեր մասին: Աստված հստակ գիտի, թե արդյոք մեկը վերստին ծնվել է մեղքերից՝ հավատալով ջրի և Հոգու ավետարանին, թե ոչ: Աստված պլանավորել և թույլ է տվել, որ մարդիկ վերստին ծնվեն ջրի և Հոգու ավետարանով: Այնուամենայնիվ, մարդիկ, ովքեր դեռ չեն փախել իրենց մեղքերից, թյուրիմացություն ունեն, քանի որ նրանք չգիտեն Ճշմարտությունը վերստին ծնվելու մասին՝ հավատալով ջրի և Հոգու ավետարանին: Բայց, այնուամենայնիվ, այս մարդիկ շարունակում են հույս ունենալ, որ ինչ-որ կերպ կարող են վերստին ծնվել մի օր:

Երբ մարդն առաջին անգամ լսում է ջրի և Հոգու ավետարանի Խոսքերը, երբեմն մերժում է այն՝ ասելով. «Բառերը ճշմարիտ են, բայց դրանք տարբերվում են նրանից, ինչ մենք սովորել ենք մինչ այժմ: Եթե սա ճիշտ է, ապա ի՞նչ կասեք այն խոսքերի մասին, որ մենք լսել ենք մինչ այժմ»։ Այնուամենայնիվ, ջրի և Հոգու ավետարանը լսելուց հետո նրանք ասում են. «Իմ մեղքերը իսկապես հեռացան: Արդյո՞ք սա նշանակում է, որ ես փրկություն եմ ստացել իմ բոլոր մեղքերից: Օհ, այս խոսքերը ջրի և Հոգու ավետարանն են, որոնք ինձ դարձյալ ծնում են իմ բոլոր մեղքերից»: Եվ մենք կարող ենք տեսնել նրանց երջանկությունը: Այնուամենայնիվ, այնքան շատ մարդիկ չկան, ովքեր հասկանում են ջրի և Հոգու ավետարանը այն առաջին անգամ լսելուց հետո: Հետևաբար, ոմանք այլ ճանապարհ են փնտրում իրենց մեղքերից փրկության համոզմունք ստանալու համար:

Հետևաբար, շատ քրիստոնյաներ հակված են մտածելու, որ «վերստին ծնվել», «փրկություն ստանալ» և «մեղքի թողություն ստանալ» բառերը փոքր-ինչ տարբեր են։ Եթե որևէ մեկին հարցնեի. «Դու ունե՞ս վերիստին ծնունդ», հնարավոր է լսեի նման պատասխան, որ այո ունեմ վերստին ծնունդ: Այդ ժամանակ, եթե հարցնեի. «Այդ դեպքում, արդյո՞ք ստացել եք մեղքի թողություն: Հիմա ի՞նչ, մեղք չունե՞ք»։ Այն ժամանակ նա կպատասխանի․ «Ես վերստին եմ ծնվել, բայց մեղքի թողություն չեմ ստացել, հետևաբար հիմա մեղքեր ունեմ»: Սա իսկապես զավեշտալի պատասխան է։

Արդյո՞ք հնարավոր է, որ վերստին ծնված և մեղքերից փրկված մարդը դեռևս մեղքեր ունենա: Եթե մարդը մեղքերից փրկություն է ստացել՝ հավատալով ջրի և Հոգու ավետարանին, ապա դա փաստ է, որ մարդը վերստին ծնվել է և դարձել արդար մարդ: Այսպիսով, այս բոլոր «վերստին ծնվել», «փրկություն ստանալը» և «մեղքի թողություն ստանալը» նույնն են: Իրականում, վերստին ծնվել արտահայտությունը նշանակում է, որ մարդը նորովի է դառնում՝ հավատալով ջրի և Հոգու ավետարանին: Մեղքերից փրկություն ստանալը նշանակում է, որ մարդ, մեղքեր ունենալով, դառնում է մեղքերի հետ կապ չունեցող մեկը: Այս բոլոր արտահայտությունները տարբերվում են միայն իրենց տեսքով, և եթե նայենք դրանց իմաստին, ապա դրանք բոլորն ունեն նույն նշանակությունը։ Մարդը ունենալով մեղքեր, ստանում է մեղքեքրի թողություն, հավատալով ջրի և Հոգու ավետարանին, և ստանում վերստին ծնունդ: Վերստին ծնվելը նշանակում է, որ ես նախկինում մեղավոր էի, բայց հիմա, մեղքերից մաքրվելով, դարձել նոր մարդ, արդար: Երբ մենք դուրս եկանք մեր մոր արգանդից, մենք մեղավոր էինք, բայց վերստին ծնվեցինք՝ լսելով ջրի և Հոգու ավետարանը, ճանաչելով այն և հավատալով դրան մեր սրտերում: Դա նշանակում է, որ թեև մեր մարմիններն ու արտաքին տեսքը մնում են նույնը, մեր ներսը վերստին ծնվել է՝ հավատալով ջրի և Հոգու ավետարանին:

Ո՞վ է քամին շարժողը։ Աստված։ Ո՞վ է բարձրացնում քամի, ստեղծում բարձր և ցածր մթնոլորտային ճնշումներ, փոխում օդի և ջրի հոսքը, ակտիվացնում բոլոր արարածները և ստիպում քամիներին էներգիայով վեր բարձրանալ այս երկրի այս մթնոլորտում, այս տիեզերքի ներսում: Հիսուսն է։ Ահա թե ինչու, եթե մենք ուզում ենք վերստին ծնվել, պետք է ականջներով լսենք և մեր սրտով հավատանք ջրի և Հոգու ավետարանի ճշմարտությանը: Դա անելու համար մենք պետք է մեր սրտով հավատանք փրկության ճշմարտությանը, որը եկավ ջրի և Հոգու ավետարանով:

Ճշմարտությունը, որով Աստված փրկում է մեզ մեղքերից, ջրի և Հոգու ավետարանն է: Որոշ քրիստոնյաներ ասում են, որ իրենք ստացել են Սուրբ Հոգի աղոթքների շնորհիվ, բայց դա ճշմարիտ Սուրբ Հոգին չէ: Սուրբ Հոգին այն սուրբ Հոգին է, որը մտնում է նրանց սրտերը, ովքեր հավատում են ջրի և Հոգու ավետարանին: Հիսուսը վերցրեց մեր բոլոր մեղքերը, երբ ստանում էր Հովհաննես Մկրտչի կողմից մկրտությունը, և ստացավ մեր մեղքերի դատաստանը Խաչի վրա: Հետևաբար, քանի որ մեղքերն այլևս գոյություն չունեն մեր սրտերում, մենք ստանում ենք Աստծո Սուրբ Հոգին որպես պարգև: Դա այն դեպքն է, որ Սուրբ Հոգին կարող է մտնել միայն այնպիսի մարդկանց սրտերը, ովքեր ստացել են մեղքի թողություն:

Ծննդոց 1-ին գլխի 2-րդ հատվածում ասվում է. «Եւ երկիրն անձեւ ու դատարկ էր. եւ խաւար կար անդունդի վերայ. եւ Աստուծոյ Հոգին շրջում էր ջրերի վերայ»։ Աստված սավառնում է ջրերի երեսին: Սուրբ Հոգին չկարողացավ մտնել մեր սրտերը, որովհետև մեր սրտերը անկարգության մեջ էին, լցված խավարով: Աստված ասաց. «Թող լույս լինի», և լույս եղավ։ Ուստի, երբ մենք հավատում ենք ջրի և Հոգու ավետարանին, հնարավոր է, որ Սուրբ Հոգին մտնի մեր սրտերը և լինի մեզ հետ: Ահա թե ինչու Աստված բնակվում է մեզ հետ՝ Հիսուսի տված ջրի և Հոգու ավետարանի մեր հավատքի միջոցով: Այսպիսով, վերստին ծնվելով՝ հավատալով ջրի և Հոգու ավետարանին, մենք կարող ենք միասին լինել Աստծո հետ:

Ինչ վերաբերում է մեղքերից վերստին ծնվելուն, մեր Տերն ասաց Նիկոդեմոսին. «Եթե մարդը պետք է վերստին ծնվի, պետք է հավատա ջրի և Հոգու ավետարանին»: Այնուհետև Նիկոդեմոսը հարցրեց. «Եթե այդպես է, ինչպե՞ս կարող է մարդը վերստին ծնվել ջրով և Հոգով: Արդյո՞ք մարդը պետք է մտնի մոր արգանդը և նորից դուրս գա»։ Նիկոդեմոսը վերստին ծնվելը հասկացավ որպես ֆիզիկական նոր ծնունդ իր մորից: Դրա համար նա չէր հասկանում։ Ինչպե՞ս կարող էր Նիկոդեմոսը նորից մտնել իր մոր արգանդը, և նորից ծնվել այդ ծեր տարիքում: Տերը հանդիմանեց Նիկոդեմոսին. «Դու Իսրայելի ուսուցիչ ես և իսրայելացի ռաբբի։ Այնուամենայնիվ, չգիտե՞ք այս բաների մասին»:

Իրականում, այսօրվա քրիստոնեության մեջ շատ հոգևոր առաջնորդներ, ովքեր չունեն վերստին ծնունդ, փորձում են առաջնորդել մարդկանց: Այլ կերպ ասած, կան շատ քրիստոնյա առաջնորդներ, ինչպիսիք են Նիկոդեմոսը, որը փարիսեցի էր: «Իսրայելի ուսուցիչ» տիտղոսը հռոմեական ժամանակաշրջանում սովորաբար տրվում էր Սինեդրիոնի՝ յոթանասունմեկ հրեա իմաստունների խորհրդի անդամին, որը կազմում էր Գերագույն դատարանը և օրենսդիր մարմինը Հրեաստանում։ Այս անձը՝ Նիկոդեմոսը, խորհրդի անդամներից էր։ Ավելին, կրոնական առումով նա փարիսեցի էր։ Աշխարհիկ տեսանկյունից նա եղել է Սինեդրիոնի խորհրդի անդամ և կրոնական առաջնորդ։ Նա ուներ աշխարհիկ գիտելիք, բարոյական համբավ և պատիվ, բայց չգիտեր ջրի և Հոգու ավետարանի մասին: Այդ օրերին Իսրայելում կային ռաբբիներ։ Ազգի համար ռաբբիները բարձր դիրք ունեին: Այս ռաբբիները իսրայելացիներին ուսուցանում էին սինագոգների նման վայրերում: Այսինքն՝ նրանք Իսրայել ազգի հարգված ուսուցիչներն էին։ Թեև նրանք բավական մեծ թոշակ էին ստանում ուրիշներին սովորեցնելու համար, նրանք չգիտեին վերստին ծնվելու մասին: Ուստի, նույնիսկ մեր օրերում, Նիկոդեմոսի նման շատ կեղծ ուսուցիչներ կան: Նույնիսկ հիմա, քրիստոնեության ներսում, կան բազմաթիվ քրիստոնյա առաջնորդներ, ովքեր թագավորում են քրիստոնեական համայնքների վրա՝ առանց ջրի և Հոգու ավետարանի իմացության:

Վերստին ծնվելը չի առաջանում մարդու կողմից կատարվող որոշ առաքինի գործերով: Մարդիկ պետք է իմանան, որ միայն հավատքով կարելի է վերստին ծնվել: Մարդն իսկապես վերստին ծնվում է, երբ գիտակցում և հավատում է ջրի և Հոգու աստվածատուր ավետարանին: Հիսուսն ասաց Նիկոդեմոսին և մեզ. «Եթէ երկրաւոր բաներն ասեցի ձեզ, եւ չէք հաւատում, ապա ի՞նչպէս կ’հաւատաք, եթէ երկնաւոր բաներն ասեմ» (Հովհաննու 3:12): Մարդիկ չեն գիտակցում, որ Հիսուսը մեզ բոլորիս վերստին ծնեց մեր մեղքերից ջրի և Հոգու ավետարանի միջոցով: Այսպես, չնայած մարդիկ չեն հավատում, նույնիսկ երբ Հիսուսը նրանց երկրային բաներ է ասում, ինչպե՞ս կարող են նրանք հասկանալ Նրան, երբ Նա պատմում է մեզ երկնային բաների կամ հավատքի կյանքի մասին ջրի և Հոգու ավետարանով վերստին ծնվելուց հետո:

Տերը մաքրեց մեզ բոլոր մեղքերից՝ Հովհաննես Մկրտչից ստացած մկրտության միջոցով, մեր փոխարեն մահանալով Խաչի վրա և հարություն առնելով մեռելներից: Վերջապես, մեր Տերը բացատրեց Նիկոդեմոսին, օգտագործելով Հին Կտակարանի Խոսքը. «Եւ ոչ ով վեր չ’ելաւ երկինքը, եթէ ոչ երկնքից իջնողը՝ մարդի Որդին՝ նա որ երկնքումն է։ Եւ ինչպէս Մովսէսն օձը բարձրացրեց անապատումը, այնպէս պէտք է մարդի Որդուն բարձրացուիլ. Որ ամեն նորան հաւատացողը չ’կորչի, այլ յաւիտենական կեանքն ունենայ» (Հովհաննու 3:13-15): Ինչպես Մովսեսը բարձրացրեց պղնձե օձը անապատում, այնպես էլ Մարդու Որդին պետք է վեր բարձրացվի: Եվ Աստված հավիտենական կյանք է տալիս նրանց, ովքեր հավատում են Հիսուսին, ով բարձրացել էր բրոնզե օձի նման:

Երբ մեր Տերն ասաց. «Եւ ինչպէս Մովսէսն օձը բարձրացրեց անապատումը, այնպէս պէտք է մարդի Որդուն բարձրացուիլ», մեր Տերը խոսում էր ջրի և Հոգու ավետարանի մասին: Մեր Տերը մահացավ այն բանից հետո, երբ ասաց. «կատարված է» (Հովհաննու 19:30): Դա այն պատճառով էր, որ մեր Տերն Իր վրա վերցրեց աշխարհի մեղքերը, որպեսզի խաչվի և համբարձվի: Ամեն ոք, ով անմեղ էր, երբեք չէր կարող կախվել անեծքի փայտե Խաչից: Ահա թե ինչու մեր Տերն իր վրա վերցրեց մարդկության բոլոր մեղքերը մեկընդմիշտ՝ ստանալով Հովհաննես Մկրտչի մկրտությունը, խաչին գամվելուց առաջ: Այսպիսով, Նա այնպես արեց, որ պետք է արյուն թափեր Խաչի վրա որպես մարդկության բոլոր մեղքերի վարձատրություն, որպեսզի մարդիկ, ովքեր հավատում են Հիսուսին որպես իրենց Փրկչի, վերստին ծնվեն ջրից և Հոգուց: Այժմ Տերը դա սովորեցնում էր Նիկոդեմոսին Սուրբ Գրքերի միջոցով:

Քանի որ Նիկոդեմոսը լավ տիրապետում էր Հին Կտակարանին, Հիսուսն ասաց նրան. «Եւ ինչպէս Մովսէսն օձը բարձրացրեց անապատումը, այնպէս պէտք է մարդի Որդուն բարձրացուիլ. Որ ամեն նորան հաւատացողը չ’կորչի, այլ յաւիտենական կեանքն ունենայ»: Այս հատվածով Հիսուսն ասում էր նրան, որ փրկել է բոլոր մարդկանց՝ ստանալով մկրտությունը Հովհաննես Մկրտչից և մահանալով Խաչի վրա: Այլ կերպ ասած, Հիսուսը խոսում էր ջրի և Հոգու ավետարանի միջոցով փրկության մասին, և Նիկոդեմոսը դա հասկացավ:

Թվոց 21-րդ գլխում կրակոտ օձերի պատմությունը հետևյալն էր. Իսրայելի ժողովուրդը, անապատում ապրելով, ճանապարհին շատ հուսահատվեց, և այդ պատճառով նրանք խոսեցին Եհովա Աստծո և Մովսեսի դեմ՝ դաժան ու դժվարին ճանապարհի պատճառով։ Դրա համար Աստված հրեղեն օձեր ուղարկեց՝ սպանելու այս մարդկանց: Ում որ կծում էին այդ կրակե օձերը, իսկույն մահանում էին փրփուրը բերաններում, որոշ ժամանակ տանջալից գոռալուց հետո։ Մովսեսը, իսրայելացիների առաջնորդը, տեսնելով, որ Իսրայելի ժողովուրդը ցավից մահանում է կրակոտ օձերի խայթոցներից, աղոթեց Աստծուն: Երբ նա աղոթեց. «Սիրելի Աստված, փրկիր այս մարդկանց», Աստված ասաց. «Այս մարդիկ այնքան խոսեցին իմ դեմ, որ ես ինքս եմ նրանց պատիժ տալիս»: Մովսեսը նորից աղաչեց. «Այդ դեպքում, խնդրում եմ, փրկիր այս մարդկանց, Աստված իմ»: «Դե ուրեմն, եթե ցանկանում ես փրկել այս մարդկանց, մի բրոնզե օձ դիր ձողի վրա և բարձրացրու: Եվ ասա ժողովրդին, որ ով նայի դրան, կապրի»։

Մովսեսը փոխանցեց Խոսքը Իսրայելի ժողովրդին ճիշտ այնպես, ինչպես Աստված ասել էր նրան: Եվ իսկապես, ով նայեց ձողի վրա կախված բրոնզե օձին, բուժվեց թույնից: Ճիշտ այնպես, ինչպես բրոնզե օձը բարձրացրին ձողի վրա, մեր Տեր Հիսուսն իր վրա վերցրեց բոլոր մեղքերի անեծքը հանուն մեզ՝ ստանալով մկրտությունը և որպես անիծված խաչվեց փայտի վրա: Աստվածաշնչում օձը ենթադրում է Բանսարկու Սատանան: Որպեսզի փրկի մեզանից նրանց, ովքեր այլ ելք չունեին, մեր Տեր Հիսուսը եկավ այս երկիր, իր վրա վերցրեց մարդկության բոլոր մեղքերը, հավիտենական կյանք տվեց նրանց, ովքեր հավատում