എന്‍റെ മാംസം തിന്നുകയും എന്‍റെ രക്തം കുടിക്കുകയും ചെയ്യുവിന്‍ - യോഹന്നാൻ സുവിശേഷത്തിലെ പ്രഭാഷണങ്ങൾ (III)

By Paul C. Jong

യേശു തന്റെ സ്വന്തം മാംസത്തിലൂടെയും രക്തത്തിലൂടെയും നമുക്ക് നിത്യജീവൻ നൽകി.
യേശു കല്പിച്ച രണ്ട് കൂദാശകൾ സഭ പാലിക്കുന്നു. ഒന്ന് മാമോദീസ, മറ്റൊന്ന് വിശുദ്ധ കുർബാന. ഈ സുവിശേഷത്തിന്റെ സ്മരണയ്ക്കായി, അപ്പത്തിലൂടെയും വീഞ്ഞിലൂടെയും വെളിപ്പെട്ട സത്യത്തിന്റെ സുവിശേഷത്തെ കുറിച്ച് പ്രസ്താവിക്കാൻ ഞങ്ങൾ കൂട്ടായ്മയിൽ പങ്കെടുക്കുന്നു. വിശുദ്ധ കുർബാനയുടെ ചടങ്ങിൽ, യേശുവിന്റെ മാംസത്തിന്റെ സ്മരണയ്ക്കായി ഞങ്ങൾ അപ്പം ഭക്ഷിക്കുകയും അവന്റെ രക്തത്തിന്റെ ചടങ്ങായി വീഞ്ഞ് കുടിക്കുകയും ചെയ്യുന്നു. അതുപോലെ, വിശുദ്ധ കുർബാനയുടെ യഥാർത്ഥ അർത്ഥം, യേശു നമ്മെ ലോകത്തിന്റെ പാപങ്ങളിൽ നിന്ന് രക്ഷിക്കുകയും അവന്റെ സ്നാനത്തിലൂടെയും കുരിശിലെ മരണത്തിലൂടെയും നമുക്ക് നിത്യജീവൻ നൽകുകയും ചെയ്തു എന്ന സത്യത്തിലുള്ള നമ്മുടെ വിശ്വാസം ശക്തിപ്പെടുത്തുക എന്നതാണ്. എന്നിരുന്നാലും, മിക്കവാറും എല്ലാ ക്രിസ്ത്യാനികളും വിശുദ്ധ കുർബാനയിൽ പങ്കെടുക്കുന്നത് ഔപചാരികമായി മാത്രമാണ്, "എന്റെ മാംസം യഥാർത്ഥത്തിൽ ഭക്ഷണമാണ്, എന്റെ രക്തം തീർച്ചയായും പാനീയമാണ്" (യോഹന്നാൻ 6:55) എന്ന വാചകം കൊണ്ട് യേശു എന്താണ് ഉദ്ദേശിച്ചതെന്ന് പോലും മനസ്സിലാക്കാതെ. അതിനാൽ, വെള്ളത്തിന്റെയും ആത്മാവിന്റെയും സുവിശേഷത്തിൽ, അവന്റെ മാംസം ഭക്ഷിക്കാനും അവന്റെ രക്തം കുടിക്കാനും അതിൽ വിശ്വസിക്കാനുമുള്ള യേശുവിന്റെ കൽപ്പനയുടെ അർത്ഥത്തിൽ നാം ഒരിക്കൽ കൂടി ശ്രദ്ധ കേന്ദ്രീകരിക്കേണ്ടതുണ്ട്.

• Language: मलयालम
• Publisher: Paul C. Jong
• Release date: May 18, 2024
• ISBN: 9788928223497

Book preview

paul_Mala20_cover.jpgFrontflap_Mala201st_page

യോഹന്നാൻ സുവിശേഷത്തിലെ പ്രഭാഷണങ്ങൾ (III)

എന്‍റെ മാംസം തിന്നുകയും എന്‍റെ രക്തം കുടിക്കുകയും ചെയ്യുവിന്‍

Smashwords Edition

Copyright 2023 by Hephzibah Publishing House

എല്ലാ അവകാശങ്ങളും നിക്ഷിപ്തം. ഈ പുസ്തകത്തിന്റെ ഒരു ഭാഗവും ഫോട്ടോകോപ്പി, റെക്കോർഡിംഗ് അല്ലെങ്കിൽ ഏതെങ്കിലും വിവര സംഭരണം, വീണ്ടെടുക്കൽ സംവിധാനം എന്നിവയുൾപ്പെടെ, ഇലക്ട്രോണിക് അല്ലെങ്കിൽ മെക്കാനിക്കൽ, ഏതെങ്കിലും രൂപത്തിൽ അല്ലെങ്കിൽ ഏതെങ്കിലും വിധത്തിൽ പകർപ്പവകാശ ഉടമയുടെ രേഖാമൂലമുള്ള അനുമതിയില്ലാതെ പുനർനിർമ്മിക്കുകയോ കൈമാറുകയോ ചെയ്യരുത്.

ബൈബിൾ ഉദ്ധരണികൾ ബൈബിൾ സൊസൈറ്റി ഓഫ് ഇന്ത്യയിൽ (മലയാളം ഒ വി) നിന്നുള്ളതാണ്.

ISBN 978-89-282-2349-7

   ഉള്ളടക്ക പട്ടിക   

ആമുഖം

1. ഇത്രയും വലിയ പുരുഷാരത്തിന് ഈ ചെറിയ അപ്പങ്ങളും മീനും കൊണ്ട് എന്താകാൻ? (യോഹന്നാൻ 6:1-15)

2. ദൈവം നിയോഗിച്ചവനിൽ വിശ്വസിക്കുക എന്നത് ദൈവത്തിന്‍റെ പ്രവൃത്തിയാണ് (യോഹന്നാൻ 6:16-29)

3. നിത്യജീവൻ വരെ നിലനിൽക്കുന്ന ഭക്ഷണത്തിനായി പ്രവർത്തിക്കുക (യോഹന്നാൻ 6:16-40)

4. ആത്മാവിനെ അനുസരിച്ച് ജീവിക്കുക (യോഹന്നാൻ 6:26-40)

5. ഈ ഭൂമിയിൽ നശിക്കാത്ത ആഹാരത്തിനായി പ്രവർത്തിക്കുക (യോഹന്നാൻ 6:26-59)

6. വെള്ളത്തിന്‍റെയും ആത്മാവിന്‍റെയും സുവിശേഷത്തിലുള്ള വിശ്വാസത്താൽ നാം സ്വർഗ്ഗത്തിൽ നിന്നുള്ള അപ്പം ഭക്ഷിക്കണം (യോഹന്നാൻ 6:28-58)

7. നമുക്ക് ജീവന്‍റെ അപ്പമായി മാറിയ യേശുക്രിസ്തു (യോഹന്നാൻ 6:41-51)

8. യേശുവിന്‍റെ മാംസം നമുക്ക് എങ്ങനെ ഭക്ഷിക്കാം? (യോഹന്നാൻ 6:41-59)

9. നിങ്ങളുടെ ഹൃദയത്തിൽ നിങ്ങളുടെ രക്ഷകനായി സ്വർഗത്തിൽ നിന്ന് വന്ന യേശുവിൽ വിശ്വസിക്കുക (യോഹന്നാൻ 6:41-51)

10. യേശു നമുക്ക് യഥാർത്ഥ നിത്യജീവൻ നൽകി! (യോഹന്നാൻ 6:47-51)

11. ശരിയായ വിശ്വാസത്തോടെ എങ്ങനെ വിശുദ്ധ തിരുവത്താഴത്തിൽ പങ്കെടുക്കാം (യോഹന്നാൻ 6:52-59)

12. നമുക്ക് ജീവന്‍റെ അപ്പം തന്ന യേശു (യോഹന്നാൻ 6:54-63)

13. നിങ്ങൾ നിങ്ങളുടെ കുടുംബാംഗങ്ങളോട് യേശുവിന്‍റെ മാംസവും രക്തവും പ്രസംഗിക്കണം (യോഹന്നാൻ 6:51-56)

14. നമ്മൾ എന്തിനു വേണ്ടി ജീവിക്കണം? (യോഹന്നാൻ 6:63-69)

15. സത്യത്തെക്കുറിച്ചുള്ള ശരിയായ അറിവ് നമുക്ക് ഉണ്ടായിരിക്കണം (യോഹന്നാൻ 6:60-71)

0Preface

ആമുഖം

ക്രിസ്തുമതത്തിന്‍റെ ചരിത്രത്തിൽ, വിശുദ്ധ തിരുവത്താഴത്തിന്‍റെ വ്യാഖ്യാനത്തെ ചൊല്ലി ഉടലെടുത്ത അപ്പം വീഞ്ഞ് വിവാദത്തിന് ഇപ്പോഴും വ്യക്തമായ ഒരു പരിഹാരമുണ്ടായിട്ടില്ല. മറ്റൊരു വിധത്തിൽ പറഞ്ഞാൽ, തിരുവത്താഴത്തിൽ ഉപയോഗിക്കുന്ന അപ്പവും വീഞ്ഞും ഒരാൾ എങ്ങനെ കാണുന്നു എന്നതിനെ ആശ്രയിച്ച്, ഇനിപ്പറയുന്ന രീതിയിൽ വ്യത്യസ്തമായ നിരവധി വാദങ്ങളുണ്ട്:

1) പദാര്‍ത്ഥാന്തരീകരണം - കത്തോലിക്ക സഭ വഹിക്കുന്ന ഒരു വാദം, ഈ വീക്ഷണം വാദിക്കുന്നത് വിശുദ്ധ തിരുവത്താഴത്തിലെ അപ്പവും വീഞ്ഞും യഥാർത്ഥത്തിൽ യേശുക്രിസ്തുവിന്‍റെ മാംസവും രക്തവുമായി രൂപാന്തരപ്പെടുന്നു എന്നാണ്.

2) അസ് തിത്വവാദം - മാർട്ടിൻ ലൂഥർ വാദിച്ച ഒരു വീക്ഷണം, ഈ നിലപാട് വാദിക്കുന്നത് യേശുക്രിസ്തു യഥാർത്ഥത്തിൽ തിരുവത്താഴത്തിലെ അപ്പത്തിലും വീഞ്ഞിലും ഉണ്ടെന്നാണ്.

3) പ്രതീകാത്മകത - സ്വിറ്റ്സർലൻഡിലെ ഉൾറിച്ച് സ്വിംഗ്ലി വാദിക്കുന്നത്, അത് യേശുക്രിസ്തുവിന്‍റെ മരണത്തിന്‍റെ പ്രതീകാത്മക സ്മരണയായിട്ടാണ് തിരുവത്താഴത്തിനെ കാണുന്നത്.

4) യേശുക്രിസ്തുവിന്‍റെ ആത്മീയ സാന്നിധ്യത്തെ ക്കുറിച്ചുള്ള കാൽവിന്‍റെ സിദ്ധാന്തം - ഈ വീക്ഷണം വിശ്വസിക്കുന്നത് ക്രിസ്തു ആത്മീയമായി തിരുവത്താഴത്തിലെ അപ്പത്തിലും വീഞ്ഞിലും ഉണ്ടെന്നാണ്.

ഇന്നുവരെ, ക്രിസ്ത്യാനികൾ അവരുടെ സ്വന്തം ചിന്തകൾക്കനുസരിച്ച് ഒരു മടിയും കൂടാതെ മേൽപ്പറഞ്ഞ വീക്ഷണങ്ങളിലൊന്നിൽ വിശ്വസിക്കുന്നു. എന്നിരുന്നാലും, മുകളിൽ വിവരിച്ച നാല് വീക്ഷണങ്ങളിൽ, കത്തോലിക്കാ സഭ വാദിക്കുന്ന പദാര്‍ത്ഥാന്തരീകരണം ഒഴികെ, ബാക്കിയുള്ള മൂന്ന് വീക്ഷണങ്ങളും വാസ്‌തവത്തിൽ പദാര്‍ത്ഥാന്തരീകരണ ത്തിന്‍റെ അല്പം ഉയർന്ന ഭാഗികമായ പരിഷ്‌ക്കരണങ്ങൾ മാത്രമാണ്. വാസ്തവത്തിൽ, ഈ വാദങ്ങളെല്ലാം മനുഷ്യ ചിന്തകൾക്കനുസൃതമായി നിർമ്മിച്ച സാങ്കൽപ്പിക വീക്ഷണങ്ങളല്ലാതെ മറ്റൊന്നുമല്ല, കാരണം ആമേൻ, ആമേൻ, ഞാൻ നിങ്ങളോടു പറയുന്നു: നിങ്ങൾ മനുഷ്യപുത്രന്‍റെ മാംസം തിന്നാതെയും അവന്‍റെ രക്തം കുടിക്കാതെയും ഇരുന്നാൽ നിങ്ങൾക്കു ഉള്ളിൽ ജീവൻ ഇല്ല (യോഹന്നാൻ 6:53) എന്ന് കർത്താവ് പറഞ്ഞപ്പോൾ എന്താണ് ഉദ്ദേശിച്ചതെന്ന് മനസ്സിലാക്കുന്നതിൽ അവരുടെ വക്താക്കൾ പൂർണ്ണമായും പരാജയപ്പെട്ടു.

വ്യത്യസ്‌തമായി പറഞ്ഞാൽ, യേശുവിന്‍റെ മാംസം ഭക്ഷിക്കാനും അവന്‍റെ രക്തം കുടിക്കാനും യേശു നമ്മോട് പറഞ്ഞതിന്‍റെ കാരണം, ഈ വാദങ്ങളെ പിന്തുണക്കുന്നവർക്ക് പൂർണ്ണമായും അജ്ഞാതമായതി നാലാണ് ഈ തർക്കങ്ങളെല്ലാം ഉടലെടുത്തത്. അന്ത്യ അത്താഴ വേളയിൽ, യേശു തന്‍റെ ശിഷ്യന്മാരോട് അപ്പവും വീഞ്ഞും ഉപയോഗിച്ച് തന്‍റെ മാംസവും രക്തവും ഓർക്കാൻ പറഞ്ഞു, ഈ അപ്പം യോഹന്നാൻ സ്നാപകനിൽ നിന്ന് സ്വീകരിച്ച സ്നാനത്തിലൂടെ ഈ ലോകത്തിലെ എല്ലാ പാപങ്ങളും ഒരിക്കൽ എന്നെന്നേക്കുമായി ഏറ്റെടുത്തു എന്ന വസ്തുതയെ സൂചിപ്പിക്കുന്നു. അതേസമയം വീഞ്ഞിന്‍റെ അർത്ഥം ക്രൂശിക്കപ്പെട്ട് മരണത്തിലേക്ക് തന്‍റെ രക്തം ചൊരിഞ്ഞതിലൂടെ ക്രിസ്തു നമ്മുടെ പാപങ്ങളുടെ ശിക്ഷാവിധി നമ്മുടെ സ്ഥാനത്ത് വഹിച്ചു എന്നതാണ്.

വിശുദ്ധ തിരുവത്താഴത്തിൽ പ്രകടമായ യേശുവിന്‍റെ നീതിയും രക്ഷയും നാം ഒരിക്കലും വ്യർഥമാക്കരുത്. അവന്‍റെ മാംസം ഭക്ഷിക്കാനും അവന്‍റെ രക്തം കുടിക്കാനും വിശ്വാസത്താൽ തിരുവത്താഴത്തിൽ പങ്കു ചേരാനും കൽപ്പിക്കുന്ന കർത്താവിന്‍റെ ഉദ്ദേശ്യത്തെ ക്കുറിച്ച് നാമെല്ലാവരും ഇപ്പോൾ ഒരിക്കൽ കൂടി ചിന്തിക്കണം. രക്ഷയുടെ സാക്ഷ്യമായ വിശുദ്ധ തിരുവത്താഴത്തിൽ നാം പങ്കെടുക്കുമ്പോൾ, വെള്ളത്തി ന്‍റെയും ആത്മാവിന്‍റെയും സുവിശേഷത്താൽ നമ്മുടെ സകല പാപങ്ങളും മായ്ച്ച ദൈവത്തിന്‍റെ നീതിയെ ക്കുറിച്ചുള്ള ശരിയായ ധാരണയും ഈ നീതിയിലുള്ള വിശ്വാസവും നമുക്ക് വേണം.

ആവർത്തിച്ച് പറഞ്ഞാൽ, നിങ്ങൾ പദാര്‍ത്ഥാന്തരീ കരണം പോലുള്ള ഉപദേശങ്ങളിൽ വിശ്വസിച്ച് തിരുവത്താഴത്തിൽ പങ്കെടുക്കുകയാണെങ്കിൽ, നിങ്ങളു ടെ വിശ്വാസം ഗുരുതരമായ തെറ്റാണെന്ന് ചൂണ്ടിക്കാണി ക്കുകയല്ലാതെ എനിക്ക് മറ്റ് മാർഗമില്ല. യേശു പറഞ്ഞു, ആമേൻ, ആമേൻ, ഞാൻ നിങ്ങളോടു പറയുന്നു: നിങ്ങൾ മനുഷ്യപുത്രന്‍റെ മാംസം തിന്നാതെയും അവന്‍റെ രക്തം കുടിക്കാതെയും ഇരുന്നാൽ നിങ്ങൾക്കു ഉള്ളിൽ ജീവൻ ഇല്ല (യോഹന്നാൻ 6:53). എന്നാൽ ഇത് ശരിക്കും അർത്ഥമാക്കുന്നത് അപ്പത്തിൽ നിന്നും വീഞ്ഞിൽ നിന്നും എങ്ങനെയോ നിഗൂഢമായി രൂപാന്തരപ്പെട്ട യേശുവിന്‍റെ മാംസവും രക്തവും അക്ഷരാർത്ഥത്തിൽ ഭക്ഷിക്കാനും കുടിക്കാനും വിശുദ്ധ തിരുവത്താഴം നടത്തി, നമ്മൾ അങ്ങനെ ചെയ്യണമെന്നാണോ? ദൈവശാസ്ത്രജ്ഞരുടെ അഭിപ്രായത്തിൽ, നാം തിരുവത്താഴം നടത്തുമ്പോൾ, യേശുക്രിസ്തു യഥാർത്ഥ ത്തിൽ അതിന്‍റെ അപ്പത്തിലും വീഞ്ഞിലും ഉണ്ട്, അതിനാൽ ഈ അപ്പം തിന്നുകയും വീഞ്ഞ് കുടിക്കുകയും ചെയ്യുമ്പോൾ, നാം യേശുവിന്‍റെ മാംസം ഭക്ഷിക്കുകയും അവന്‍റെ രക്തം കുടിക്കുകയും ചെയ്യും. അങ്ങനെയാണെങ്കിൽ, നാം തിരുവത്താഴത്തിൽ പങ്കു ചേരുന്നില്ലെങ്കിൽ, യേശുവിന്‍റെ മാംസം ഭക്ഷിക്കാനോ അവന്‍റെ രക്തം കുടിക്കാനോ കഴിയില്ലെന്നും ഇതിനർത്ഥം വരും. എന്നാൽ, അത്തരമൊരു അവകാശ വാദം തികച്ചും അസംബന്ധമാണ്. അത് സത്യത്തിൽ നിന്നുള്ള വ്യതിചലനമാണ്. ഇതാണോ യേശു പറഞ്ഞത്?

അവന്‍റെ മാംസം തിന്നാനും അവന്‍റെ രക്തം കുടിക്കാനും നാം തിരുവത്താഴം നടത്തണമെന്ന് അവൻ പറഞ്ഞോ? ഇല്ല, അവൻ ഒരിക്കലും ഇത് പറഞ്ഞിട്ടില്ല. ദൈവവചനത്തിൽ വിശ്വസിക്കുന്നതിലൂടെയാണ് നാം നമ്മുടെ പാപങ്ങളിൽ നിന്ന് രക്ഷിക്കപ്പെടുകയും നിത്യജീവൻ പ്രാപിക്കുകയും ചെയ്യുന്നത്. നാം തിരുവത്താഴം നടത്തുമ്പോൾ മാത്രമേ യേശുവിന്‍റെ മാംസം ഭക്ഷിക്കുകയും അവന്‍റെ രക്തം കുടിക്കുകയും ചെയ്യുകയുള്ളൂവെങ്കിൽ, അല്ലാത്തപക്ഷം അവന്‍റെ മാംസവും രക്തവും നമുക്ക് ലഭിക്കുകയില്ലെങ്കിൽ, നമ്മുടെ വിശ്വാസം നമ്മുടെ സ്വന്തം കർമ്മങ്ങളാൽ രൂപീകരിക്കപ്പെടുന്നു എന്ന് ഇതിനർത്ഥമില്ലേ? ഇങ്ങനെ തെറ്റായി പഠിപ്പിക്കുന്ന ഏതൊരാളും യേശുവിനാൽ വിധിക്കപ്പെടും.

നമുക്ക് യേശുവിന്‍റെ മാംസം യഥാർത്ഥമായി ഭക്ഷിക്കാനും അവന്‍റെ രക്തം പാനം ചെയ്യാനും, വിശുദ്ധ തിരുവത്താഴത്തിൽ പങ്കെടുത്തതുകൊണ്ടുമാത്രം ഇത് നേടാനാവില്ല. ഈ ഭൂമിയിലെ 33 വർഷത്തെ ജീവിത ത്തിൽ യേശു ചെയ് ത കാര്യങ്ങളിൽ വിശ്വസിച്ചു കൊണ്ടാണ് നമുക്ക് അവന്‍റെ മാംസം തിന്നാനും അവന്‍റെ രക്തം കുടിക്കാനും കഴിയുന്നത്. യേശു ഈ ഭൂമിയിൽ വന്നപ്പോൾ, ന്യായപ്രമാണത്തിൻ കീഴിലുള്ള നമ്മുടെ എല്ലാ പാപങ്ങളും, ഈ പാപങ്ങൾക്കുള്ള എല്ലാ ശാപങ്ങളും ഒരിക്കൽ എന്നെന്നേക്കുമായി അവൻ ഏറ്റെടുത്തു. അങ്ങനെ നമ്മുടെ പാപങ്ങൾ അവന്‍റെ ശരീരത്തിൽ (മാംസത്തിൽ) ചുമക്കാനാണ്, ഒരു പാപവും അറിയാത്ത ദൈവം തന്നെ നമ്മുടെ അതേ ജഡത്തിൽ അവതരിച്ചത്, അങ്ങനെയാണ് കൈവെപ്പിന്‍റെ രൂപത്തിൽ സ്നാനം സ്വീകരിച്ചുകൊണ്ട് ഈ ലോകത്തിലെ എല്ലാ പാപങ്ങളും ഒരേസമയം തന്‍റെ ശരീരത്തിൽ സ്വീകരിക്കാൻ അവനു കഴിഞ്ഞത്. ദൈവത്തിന്‍റെ നീതി നിറവേറ്റാൻ അർപ്പിക്കപ്പെട്ട യേശുവിന്‍റെ മാംസമായിരുന്നു ഇത്. യേശുവിന്‍റെ സ്നാനത്തിലൂടെ നമ്മുടെ പാപങ്ങൾ അവന്‍റെ ശരീരത്തിലേക്ക് കൈമാറ്റം ചെയ്യപ്പെട്ടുവെന്ന വസ്തുത യിൽ വിശ്വസിച്ചുകൊണ്ട്, നാം അവന്‍റെ മാംസം ഭക്ഷിക്ക ണം. ഈ വിശ്വാസത്താലാണ് നാം യേശുവിന്‍റെ മാംസം ഭക്ഷിക്കുന്നത്. യോഹന്നാൻ സ്നാപകനാൽ സ്നാനം ഏറ്റ തിലൂടെ ലോകത്തിന്‍റെ പാപങ്ങൾ ഏറ്റെടുത്തതിനാൽ, യേശു ഈ പാപങ്ങൾ കുരിശിലേക്ക് വഹിച്ചുവെന്നും നമ്മുടെ സ്ഥാനത്ത് ശിക്ഷിക്കപ്പെട്ടുവെന്നും വിശ്വസിച്ച് നാം അവന്‍റെ രക്തം കുടിക്കുന്നു.

ഇതുവരെ, മിക്ക ക്രിസ്ത്യാനികൾക്കും സത്യം അറിയില്ല, മറിച്ച് പാരമ്പര്യമായി ലഭിച്ച മതപരമായ നിയമങ്ങൾ മാത്രമാണ് അവർക്കറിയാവുന്നത്. സുവിശേഷം മുതൽ വിശുദ്ധ തിരുവത്താഴം വരെ, ഇന്നത്തെ ക്രിസ്ത്യാനിത്വം അതിന്‍റെ പാരമ്പര്യം നിലനിർത്തുന്നത് സത്യത്തെക്കുറിച്ചുള്ള അറിവിലൂടെ യല്ല, മറിച്ച് ഔപചാരികമായ നടപടിക്രമങ്ങൾക്കും വിശുദ്ധ ആചാരങ്ങൾക്കും മാത്രം ഊന്നൽ നൽകി ക്കൊണ്ടാണ്. തൽഫലമായി, ഇന്നത്തെ ക്രിസ്ത്യാനികൾ തിരുവത്താഴ വേളയിൽ യേശുവിന്‍റെ മാംസവും രക്തവും സൂചിപ്പിക്കുന്ന അപ്പവും വീഞ്ഞും കാണുമ്പോൾ, അവർ അവന്‍റെ രക്തത്തിന്‍റെ ത്യാഗത്തിന് മാത്രമേ നന്ദിയുള്ളവരാകൂ, മാത്രമല്ല യോഹന്നാൻ സ്നാപകനാൽ സ്നാനം ഏറ്റതിലൂടെ അവരുടെ എല്ലാ പാപങ്ങളും ഒരിക്കൽ എന്നെന്നേക്കുമായി സ്വയം ഏറ്റെടുത്തത് ക്രിസ്തുവാണെന്ന വസ്തുതയെക്കുറിച്ച് അവർക്ക് പൂർണ്ണമായും അജ്ഞരായിരിക്കാൻ അല്ലാതെ മറ്റൊന്നും കഴിയില്ല. അതിനാൽ, ലോകമെമ്പാടുമുള്ള എല്ലാ ക്രിസ്ത്യാനികളോടും, ഇപ്പോൾ മുതൽ, യേശുവിന്‍റെ മാംസവും രക്തവും വെള്ളത്തിന്‍റെയും ആത്മാവിന്‍റെയും സുവിശേഷത്തിൽ എന്താണ് അർത്ഥമാക്കുന്നത് എന്നറിഞ്ഞ്, അതിൽ വിശ്വസിക്കാനും അതുവഴി അവരുടെ രക്ഷ പ്രാപിക്കാനും ശരിയായ വിശ്വാസത്തോടെ വിശുദ്ധ തിരുവത്താഴത്തിൽ പങ്കാളികളാകാനും ഞാൻ ഉപദേശിക്കുന്നു.

നിങ്ങളുടെ വിശ്വാസത്തെ ദുർബലപ്പെടുത്താനല്ല, നിങ്ങളുടെ തെറ്റുകൾ തിരുത്താനും നിങ്ങളുടെ വിശ്വാസം ശരിയായി പുനഃസ്ഥാപിക്കാനുമാണ് ഞാൻ ശ്രമിക്കുന്നതെന്ന് ഇവിടെ വ്യക്തമാക്കാൻ ഞാൻ ആഗ്രഹിക്കുന്നു. പ്രൊട്ടസ്റ്റന്‍റുകാരും, കത്തോലിക്കരും, ലോകമെമ്പാടുമുള്ള യേശുവിൽ വിശ്വസിക്കാൻ വരുന്ന എല്ലാവരും, വെള്ളത്തിന്‍റെയും ആത്മാവിന്‍റെയും സുവിശേഷസത്യത്തിൽ യേശുവിന്‍റെ മാംസവും രക്തവും ശരിയായി മനസ്സിലാക്കുകയും വിശ്വസിക്കുകയും അങ്ങനെ നിത്യജീവൻ ആസ്വദിക്കു കയും ചെയ്യണമെന്നാണ് എന്‍റെ ആത്മാർത്ഥമായ പ്രതീക്ഷയും പ്രാർത്ഥനയും.

ദൈവത്തിന്‍റെ അനുഗ്രഹം നിങ്ങൾക്കെല്ലാവർക്കും ഉണ്ടാകട്ടെ.

രചയിതാവ്

Sermon0101

ഇത്രയും വലിയ പുരുഷാരത്തിന് ഈ ചെറിയ അപ്പങ്ങളും മീനും കൊണ്ട് എന്താകാൻ?

< യോഹന്നാൻ 6:1-15 >

അനന്തരം യേശു തിബെര്യാസ് എന്ന ഗലീലക്കടലിന്‍റെ അക്കരെക്കു പോയി. അവൻ രോഗികളിൽ ചെയ്യുന്ന അടയാളങ്ങളെ കണ്ടിട്ടു ഒരു വലിയ പുരുഷാരം അവന്‍റെ പിന്നാലെ ചെന്നു. യേശു മലയിൽ കയറി ശിഷ്യന്മാരോടു കൂടെ അവിടെ ഇരുന്നു. യെഹൂദന്മാരുടെ പെസഹ പെരുന്നാൾ അടുത്തിരുന്നു. യേശു വലിയൊരു പുരുഷാരം തന്‍റെ അടുക്കൽ വരുന്നതു കണ്ടിട്ടു ഫിലിപ്പൊസിനോടു: ഇവർക്കു തിന്നുവാൻ നാം എവിടെ നിന്നു അപ്പം വാങ്ങും എന്നു ചോദിച്ചു. ഇതു അവനെ പരീക്ഷിപ്പാനത്രേ ചോദിച്ചത്; താൻ എന്തു ചെയ്‍വാൻ പോകുന്നു എന്നു താൻ അറിഞ്ഞിരുന്നു. ഫിലിപ്പൊസ് അവനോട്: ഓരോരുത്തന് അല്പമല്പം ലഭിക്കേണ്ട തിന് ഇരുനൂറു പണത്തിന് അപ്പം മതിയാകയില്ല എന്നു ഉത്തരം പറഞ്ഞു. ശിഷ്യന്മാരിൽ ഒരുത്തനായി ശിമോൻ പത്രൊസിന്‍റെ സഹോദരനായ അന്ത്രെയാസ് അവനോട്: ഇവിടെ ഒരു ബാലകൻ ഉണ്ട്; അവന്‍റെ പക്കൽ അഞ്ചു യവത്തപ്പവും രണ്ടു മീനും ഉണ്ട്; എങ്കിലും ഇത്രപേർക്കു അതു എന്തുള്ളു എന്നു പറഞ്ഞു. ആളുകളെ ഇരുത്തുവിൻ എന്നു യേശു പറഞ്ഞു. ആ സ്ഥലത്തു വളരെ പുല്ലുണ്ടായിരുന്നു; അയ്യായിരത്തോളം പുരുഷന്മാർ ഇരുന്നു. പിന്നെ യേശു അപ്പം എടുത്തു വാഴ്ത്തി, ഇരുന്നവർക്കു പങ്കിട്ടുകൊടുത്തു; അങ്ങനെ തന്നേ മീനും വേണ്ടുന്നേടത്തോളം കൊടുത്തു. അവർക്കു തൃപ്തിയായശേഷം അവൻ ശിഷ്യന്മാരോട്: ശേഷിച്ച കഷണം ഒന്നും നഷ്ടമാക്കാതെ ശേഖരിപ്പിൻ എന്നു പറഞ്ഞു. അഞ്ചു യവത്തപ്പ ത്തിൽ തിന്നു ശേഷിച്ച കഷണം അവർ ശേഖരിച്ചു പന്ത്രണ്ടു കൊട്ട നിറച്ചെടുത്തു. അവൻ ചെയ് ത അടയാളം ആളുകൾ കണ്ടിട്ട്: ലോകത്തിലേക്കു വരുവാനുള്ള പ്രവാചകൻ ഇവൻ ആകുന്നു സത്യം എന്നു പറഞ്ഞു. അവർ വന്നു തന്നെ പിടിച്ചു രാജാവാക്കുവാൻ ഭാവിക്കുന്നു എന്നു യേശു അറിഞ്ഞിട്ട് പിന്നെയും തനിച്ചു മലയിലേക്കു വാങ്ങിപ്പോയി.

യോഹന്നാൻ ആറാം അധ്യായം മുഴുവനായും ജീവന്‍റെ അപ്പത്തെക്കുറിച്ചാണ്.

ഇന്നത്തെ തിരുവെഴുത്തുകളിൽ യേശു തിബെരിയാസ് കടലിന്‍റെ മറുകരയിലേക്ക് പോയപ്പോൾ ഒരു വലിയ ജനക്കൂട്ടം അവനെ അനുഗമിച്ചുവെന്ന് എഴുതിയിരിക്കുന്നു. ഇത്രയധികം ആളുകൾ യേശുവിനെ അനുഗമിക്കാൻ കാരണം, അവൻ രോഗബാധിതരിൽ ചെയ് ത അടയാളങ്ങൾ കണ്ടതുകൊണ്ടാണ്. യേശു മലയിൽ കയറി ശിഷ്യന്മാരോടുകൂടെ ഇരിക്കുമ്പോൾ, ഈ വലിയ പുരുഷാരം തന്‍റെ അടുക്കൽ വരുന്നതു കണ്ടു, ഫിലിപ്പോസിനോട്: ഇവർക്കു തിന്നുവാൻ നാം എവിടെ നിന്നു അപ്പം വാങ്ങും എന്നു ചോദിച്ചു. ഫിലിപ്പോസ് അവനോട്: ഓരോരുത്തന് അല്പമല്പം ലഭിക്കേണ്ടതിന് ഇരുനൂറു പണത്തിന് അപ്പം മതിയാകയില്ല എന്നു ഉത്തരം പറഞ്ഞു.

മറ്റൊരു ശിഷ്യനായ അന്ത്രെയാസ് അവനോട്: ഇവി ടെ ഒരു ബാലകൻ ഉണ്ട്; അവന്‍റെ പക്കൽ അഞ്ചു യവത്തപ്പവും രണ്ടു മീനും ഉണ്ട്; എങ്കിലും ഇത്രപേർക്കു അതു എന്തുള്ളു എന്നു പറഞ്ഞു? എന്ന് ചോദിച്ചു. ആ സമയത്തെ യഥാർത്ഥ സാഹചര്യം എന്തായിരുന്നുവെന്ന് ഫിലിപ്പോസും അന്ത്രെയാസും യേശുവിനോട് മാത്രമാണ് പറഞ്ഞത്. എന്നാൽ എല്ലാവരെയും പുല്ലിൽ ഇരുത്താൻ യേശു തന്‍റെ ശിഷ്യന്മാരോട് പറഞ്ഞു. ബാലൻ കൊണ്ടുവന്ന അഞ്ചപ്പവും രണ്ട് മീനും എടുത്ത് ആശീർവദിച്ച് അവിടെ ഇരുന്നവർക്കെല്ലാം വിതരണം ചെയ് തു. സ്ത്രീകളെയും കുട്ടികളെയും കൂട്ടാതെ തന്നെ ഈ അപ്പവും മീനും ഭക്ഷിച്ച 5,000-ത്തിലധികം പുരുഷന്മാർ അക്കാലത്ത് ഉണ്ടായിരുന്നു (മത്തായി 14:21; മർക്കൊസ് 6:44).

ഈ അത്ഭുതം നിമിത്തം അവിടെ കൂടിയിരുന്ന ആളുകൾ യേശുവിനെ തങ്ങളുടെ രാജാവാക്കാൻ ശ്രമിച്ചു. യിസ്രായേൽ ജനത അക്കാലത്ത് റോമിന്‍റെ കോളനി ഭരണത്തിൻ കീഴിലായിരുന്നു ജീവിച്ചിരുന്നത്, അതിനാൽ അവർ നിലം വളരെ ഉഴുതുമറിച്ചിട്ടും, അവർക്ക് ജീവിക്കാൻ വളരെ കുറച്ച് വിളവ് മാത്രമേ ഉണ്ടായിരുന്നുള്ളൂ, കാരണം അവരുടെ വിളവെടുപ്പിന്‍റെ ഭൂരിഭാഗവും റോമാ സാമ്രാജ്യം ചുമത്തിയ നികുതികൾ അടയ്ക്കാൻ കൊണ്ടുപോയി. അതുകൊണ്ട് യേശുവിനെ തങ്ങളുടെ രാജാവാക്കാൻ അവർ ശ്രമിക്കുന്നത് സാധ്യമായതിലും അധികമായിരുന്നു. ജീവിക്കാനായി അവർക്ക് സ്വയം ഭക്ഷണം നൽകാൻ തന്നെ പ്രയാസമായതിനാൽ, അവർ രോഗബാധിതരായപ്പോൾ ചികിത്സയൊന്നും എടുക്കാൻ അവർക്ക് പണമില്ലായി രുന്നു, അതുകൊണ്ടാണ് അവർ തങ്ങളുടെ രോഗങ്ങൾ സുഖപ്പെടുത്തുകയും നിറയെ ഭക്ഷണം നൽകുകയും ചെയ് ത യേശുവിനെ വളരെ അടുത്ത് പിന്തുടർന്നത്.

യോഹന്നാൻ ആറാം അധ്യായത്തിൽ പരാമർശിച്ചിരിക്കുന്ന അപ്പം യേശുവിന്‍റെ മാംസത്തെ സൂചിപ്പിക്കുന്നു

യേശുവിന്‍റെ മാംസം സൂചിപ്പിക്കുന്നത്, യേശു തന്‍റെ സ്നാനം സ്വീകരിച്ച് നമ്മുടെ പാപങ്ങൾ അവന്‍റെ ശരീരത്തിൽ ചുമലിലേറ്റി, ക്രൂശിക്കപ്പെടാൻ ശരീരം ഉപേക്ഷിച്ച്, രക്തം ചൊരിഞ്ഞു മരിച്ച്, മരിച്ചവരിൽ നിന്ന് ഉയിർത്തെഴുന്നേറ്റ്, അതുവഴി നമ്മുടെ യഥാർത്ഥ രക്ഷകനായിത്തീർന്നു എന്നാണ്. നമ്മുടെ പാപങ്ങളെ ഒറ്റയടിക്ക് സ്വന്തം ശരീരത്തിൽ ഏൽപ്പിച്ചുകൊണ്ട്, ഈ പാപങ്ങളുടെ ശിക്ഷാവിധി ഒരിക്കൽ എന്നെന്നേക്കുമായി വഹിച്ചുകൊണ്ട്, യേശു നമ്മുടെ സകല പാപങ്ങളിൽ നിന്നും നമ്മെ പൂർണമായി രക്ഷിച്ചു. യേശുവിന്‍റെ ശരീരം ജീവന്‍റെ അപ്പമാണ്.

യേശുവിന്‍റെ രക്തമാണ് സാക്ഷാൽ പാനീയം. ഒരു പ്രത്യേക വീക്ഷണകോണിൽ, ബൈബിൾ യിസ്രായേൽ ജനതയുടെ ചരിത്രരേഖയല്ലാതെ മറ്റൊന്നുമല്ലെന്ന് തോന്നിയേക്കാം, എന്നാൽ യഥാർത്ഥത്തിൽ, മുഴുവൻ മനുഷ്യരാശിക്കും ജീവൻ നൽകാൻ ദൈവം നമുക്ക് നൽകിയ യേശുവിന്‍റെ മാംസത്തെയും രക്തത്തെയും കുറിച്ച് എഴുതുന്നത് ദൈവവചനമാണ്. ബൈബിളിലെ ഓരോ അധ്യായത്തിലും ദൈവം നമ്മോട് സംസാരിക്കാൻ ആഗ്രഹിക്കുന്ന ജീവന്‍റെ വചനം അടങ്ങിയിരിക്കുന്നു. അതുകൊണ്ട് ദൈവവചനം തന്നോട് എന്താണ് പറയുന്നതെന്ന് ആർക്കെങ്കിലും കൃത്യമായ അറിവുണ്ടെങ്കിൽ, അവൻ തന്‍റെ എല്ലാ പാപങ്ങളിൽ നിന്നും രക്ഷിക്കപ്പെടും.

അന്ത്രെയാസ് യേശുവിനോടു പറഞ്ഞു: ഇവിടെ ഒരു ബാലകൻ ഉണ്ട്; അവന്‍റെ പക്കൽ അഞ്ചു യവത്തപ്പവും രണ്ടു മീനും ഉണ്ട്; എങ്കിലും ഇത്രപേർക്കു അതു എന്തുള്ളു? ഇവിടെയുള്ള രണ്ട് ചെറിയ മത്സ്യങ്ങൾ ദൈവത്തിന്‍റെ സഭയെ സൂചിപ്പിക്കുന്നു. ഈ മത്സ്യങ്ങളെപ്പോലെ, ദൈവത്തിന്‍റെ സഭയും അതിന്‍റെ ബാഹ്യരൂപത്തിൽ അപ്രസക്തമാണ്. എങ്കിലും, ഇപ്പോൾ ഈ ഭൂമിയിൽ ജീവിക്കുന്ന എല്ലാവരോടും വെള്ളത്തിന്‍റെയും ആത്മാവിന്‍റെയും സുവിശേഷം പ്രസംഗിക്കുന്നത് ദൈവത്തിന്‍റെ സഭയാണ്. നാം ഇപ്പോൾ പ്രചരിപ്പിക്കുന്ന വെള്ളത്തിന്‍റെയും ആത്മാവിന്‍റെയും സുവിശേഷത്തിന് നന്ദി, ഈ യുഗത്തിൽ നിരവധി ആളുകൾക്ക് യേശുവിന്‍റെ മാംസം ഭക്ഷിക്കാനും അവന്‍റെ രക്തം കുടിക്കാനും കഴിയുന്നു. ഈ ലോകത്തിൽ ജീവിക്കുന്ന 6 ബില്യണിലധികം വരുന്ന ജനങ്ങളിൽ, ഈ സത്യ സുവിശേഷം ലോകത്തിലെ മുഴുവൻ ജനങ്ങളുമായും ഞങ്ങൾ പങ്കിടുന്നതിനാൽ, ഈ സുവിശേഷത്തിൽ വിശ്വസിക്കുന്നവർക്ക് അവരുടെ പാപങ്ങളുടെ മോചനം ലഭിക്കുന്നു. ഇപ്പോൾ, ദൈവത്തിന്‍റെ സഭ എണ്ണത്തിൽ ഒരു ചെറിയ കൂട്ടമാണ്. ഇത്രയും കുറഞ്ഞ ശുശ്രൂഷകരിലൂടെയും വിശുദ്ധന്മാരി ലൂടെയും ലോകമെമ്പാടും ചിതറിക്കിടക്കുന്ന കുറച്ച് സഹപ്രവർത്തകരിലൂടെയും എത്ര പേരെ നേടാൻ കഴിയുമെന്ന് ചിലർ ചോദ്യം ചെയ് തേക്കാം, എന്നാൽ കർത്താവ് ദൈവത്തിന്‍റെ സഭയെ ഉറപ്പിച്ചുനിർത്തുകയും അതിലൂടെ പ്രവർത്തിക്കുകയും ചെയ്യുന്നതിനാൽ, അവൻ ലോകത്തിലെ എല്ലാവരെയും അതിന്‍റെ പാപങ്ങളിൽ നിന്ന് രക്ഷിക്കുന്നു. വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിക്കുന്ന നമുക്ക് നമ്മുടെ കർത്താവ് ജീവന്‍റെ അപ്പം നൽകിയിട്ടുണ്ട്.

അവന്‍റെ ശരീരത്തിന്‍റെ മാംസം നമുക്ക് ജീവന്‍റെ അപ്പമാണെന്ന് യേശു പറഞ്ഞു

വിശുദ്ധ തിരുവത്താഴത്തിൽ പങ്കെടുക്കുമ്പോൾ, നാം അപ്പം തിന്നുകയും വീഞ്ഞു കുടിക്കുകയും ചെയ്യുന്നു, ഇവിടെ അപ്പം യേശുവിന്‍റെ ശരീരത്തെ പ്രതിനിധീകരി ക്കുന്നു. വീഞ്ഞ് യേശു കുരിശിൽ ചൊരിഞ്ഞ രക്തത്തെ സൂചിപ്പിക്കുന്നു. തിരുവത്താഴത്തിലെ അപ്പവും വീഞ്ഞും കൊണ്ട് തന്നെ ഓർക്കാൻ യേശു നമ്മോട് പറഞ്ഞു (ലൂക്കൊസ് 22:19). എന്തുകൊണ്ട്? കാരണം, നമ്മുടെ കർത്താവ് തന്‍റെ ശരീരത്തിൽ സ്നാനം സ്വീകരിച്ച് ഈ ലോകത്തിലെ എല്ലാ പാപങ്ങളും ഏറ്റെടുത്തു, നമുക്കുവേണ്ടി കുരിശിൽ രക്തം ചൊരിഞ്ഞു. നമ്മുടെ കർത്താവ് തന്‍റെ സ്നാനത്തിലൂടെ നമ്മുടെ പാപങ്ങൾ അവന്‍റെ ശരീരത്തിൽ ഏറ്റെടുത്തതിനാൽ, അവ യേശുക്രിസ്തുവിലേക്ക് കൈമാറ്റം ചെയ്യപ്പെട്ടു, അങ്ങനെയാണ് നമ്മുടെ പാപങ്ങൾ കഴുകപ്പെടുന്നത്. തന്‍റെ മാംസം ഭക്ഷിക്കുവാനും തന്‍റെ രക്തം കുടിക്കുവാനും യേശു നമ്മോട് പറഞ്ഞപ്പോൾ, അവൻ സ്നാനം സ്വീകരിച്ച് നമ്മുടെ പാപങ്ങൾ സ്വയം ഏറ്റെടുത്തു, തന്‍റെ രക്തം ചൊരിയാൻ കുരിശിൽ ശരീരം സമർപ്പിച്ചു, മരിച്ചവരിൽ നിന്ന് ഉയിർത്തെഴുന്നേറ്റു എന്ന സത്യത്തിൽ വിശ്വസിക്കാൻ അവൻ നമ്മോട് പറയുകയായിരുന്നു. അതുവഴി നമ്മുടെ എല്ലാ പാപങ്ങളും ഒരിക്കൽ എന്നെന്നേക്കുമായി മായ്ച്ചു കളഞ്ഞു. അതിനാൽ ഇത് പരിഗണിക്കുമ്പോൾ, യേശു തന്‍റെ ശരീരത്തിൽ സ്നാനം സ്വീകരിച്ച് നമ്മുടെ പാപങ്ങൾ ഏറ്റെടുത്തില്ലായിരുന്നു വെങ്കിൽ എന്ത് സംഭവിക്കുമായിരുന്നു? നമുക്ക് ഒരിക്കലും നമ്മുടെ പാപങ്ങൾ കഴുകിക്കളയാൻ കഴിയുമായിരുന്നില്ല. അതുകൊണ്ടാണ് യേശുവിന്‍റെ മാംസം ഭക്ഷിച്ചും അവന്‍റെ രക്തം പാനം ചെയ് തും വിശ്വാസത്താൽ നമ്മുടെ പാപങ്ങളുടെ മോചനം നാം നേടേണ്ടത്.

നാം നമ്മുടെ സ്വന്തം കാര്യങ്ങളിൽ തിരക്കിലായിരി ക്കുമ്പോൾ, കർത്താവ് നമ്മെ പാപത്തിൽ നിന്ന് രക്ഷിച്ചതിന് നാം എത്ര നന്ദിയുള്ളവരായിരിക്കണമെന്ന് നാം മറക്കുന്നു. മറ്റൊരു വിധത്തിൽ പറഞ്ഞാൽ, കർത്താവ് തന്‍റെ മാംസത്തിലൂടെയും രക്തത്തിലൂടെയും നമ്മെ രക്ഷിച്ചതിന് വാക്കുകൾക്ക് അതീതമായി നാം നന്ദിയുള്ളവരായിരിക്കേണ്ടതാണെങ്കിലും, നമ്മുടെ ആത്മാക്കൾ ഇരുണ്ടുപോകുമ്പോൾ, ഈ കൃപ അനുഭവി ക്കാൻ നമുക്ക് കഴിയില്ല. തൽഫലമായി, ദൈവത്തിനു വേണ്ടി അക്ഷീണം പ്രയത്നിക്കുകയും അധ്വാനിക്കു കയും ചെയ് തിട്ടും ആദ്യസ്നേഹം നഷ്ടപ്പെടുത്തിയതിന് എഫസോസിലെ സഭയെ ശാസിച്ചതുപോലെ, ദൈവത്തോടും അവന്‍റെ കൃപയോടുമുള്ള നമ്മുടെ നന്ദി നഷ്ടപ്പെടുന്നു (വെളിപ്പാട് 2:1-4). എന്നാൽ, നമ്മെ പിടികൂടിയ കാര്യങ്ങളിൽ നിന്ന് അൽപ്പനേരത്തേക്ക് നാം സ്വയം മോചിതരാകുകയും, എല്ലാം മാറ്റിവെച്ച്, ദൈവത്തെ കുറിച്ച് ചിന്തിക്കുകയും ചെയ്യുമ്പോൾ, ദൈവത്തിന്‍റെ കൃപയ്ക്ക് നാം എത്രമാത്രം നന്ദിയുള്ള വരായിരിക്കണമെന്ന് നമുക്ക് കാണാൻ കഴിയും. കർത്താവ് ഈ ഭൂമിയിൽ വന്നതെങ്ങനെ, ഒരിക്കൽ എന്നെന്നേക്കുമായി എന്‍റെ പാപങ്ങൾ ഏറ്റെടുക്കാൻ സ്നാനം സ്വീകരിച്ചതെങ്ങനെ, ഈ പാപങ്ങൾ കുരിശിൽ തറയ്ക്കാനായി കുരിശിൽ കൊണ്ടുപോയി ശിക്ഷ സഹിച്ചതെങ്ങനെ, എങ്ങനെയാണ് അവൻ മരിച്ച് വീണ്ടും മരിച്ചവരിൽ നിന്ന് ഉയിർത്തെഴുന്നേറ്റത്, അതിലൂടെ അവൻ എന്നെ പാപമില്ലാത്ത മനുഷ്യനാക്കിയതെങ്ങനെ എന്നൊക്കെ ചിന്തിക്കുമ്പോൾ, ഞാൻ നന്ദിയാൽ മതിമറന്നുപോകുന്നു. ഞാൻ എന്‍റെ ജോലിയിൽ മുഴുകിയിരിക്കുമ്പോൾ, എന്‍റെ മുന്നിലുള്ള കാര്യങ്ങളിൽ ഞാൻ തിരക്കിലാണ്, നന്ദി പറയാൻ എനിക്ക് സമയമില്ല. പക്ഷേ, ഒരിക്കൽ കൂടി ദൈവസന്നിധിയിൽ നിൽക്കു മ്പോൾ, എന്നെപ്പോലെയുള്ള ഒരാളെ ദൈവം രക്ഷിച്ചതി ൽ ഞാൻ വളരെ നന്ദിയുള്ളവനാണ്.

ആത്മീയ ചിന്തകളും ജഡിക ചിന്തകളും പലപ്പോഴും നമ്മുടെ മനസ്സിൽ ഇടകലർന്ന് നമ്മെ ആശയക്കുഴപ്പത്തി ലാക്കുന്നു. എങ്കിലും, ദൈവം നമുക്കുവേണ്ടി ചെയ് തിരിക്കുന്നതിനെക്കുറിച്ചു ചിന്തിക്കുമ്പോൾ, നമ്മുടെ ഹൃദയം നന്ദിയാൽ നിറയും. നാം അപര്യാപ്തരും ബലഹീനരുമായതിനാൽ നമുക്ക് ഒരിക്കലും ദൈവമുമ്പാ കെ സ്വയം പാപരഹിതരാകാൻ കഴിയില്ലെന്ന് ഒരിക്കൽ കൂടി ഓർക്കേണ്ടതുണ്ട്.

നമ്മെ സൃഷ്ടിച്ച ദൈവം തന്നെയാണ് യേശുക്രിസ്തു. യേശുവാണ് നമ്മെയും മുഴുവൻ പ്രപഞ്ചത്തെയും സൃഷ്ടിച്ച സ്രഷ്ടാവ്, അതിനാൽ അവൻ പ്രപഞ്ചത്തിന്‍റെ യജമാനനാണ്. ദൈവത്തിന്‍റെ സ്വരൂപത്തിൽ സൃഷ്ടിക്കപ്പെട്ട മനുഷ്യവർഗ്ഗം പാപത്തിൽ വീണ് നരകത്തിലേക്ക് വിധിക്കപ്പെട്ടപ്പോൾ, തന്‍റെ ജനത്തെ അവരുടെ പാപങ്ങളിൽ നിന്ന് രക്ഷിക്കാൻ കന്യാമറിയ ത്തിന്‍റെ ശരീരത്തിലൂടെ മനുഷ്യശരീരത്തിൽ അവതരിച്ച് ഈ ഭൂമിയിൽ ജനിച്ച രക്ഷകനാണ് യേശു; അവന്‍റെ ശരീരത്തിൽ സ്നാനം സ്വീകരിച്ചുകൊണ്ട് ലോകത്തിന്‍റെ പാപങ്ങൾ ഏറ്റെടുത്തു; അവയ്ക്കുവേണ്ടി കുരിശിൽ ശിക്ഷിക്കപ്പെടുകയും മരിക്കുകയും ചെയ് തു; മരിച്ചവരിൽ നിന്ന് വീണ്ടും ഉയിർത്തെഴുന്നേറ്റു; അതുവഴി യഥാർത്ഥമായും പൂർണ്ണമായും പാപത്തിൽ നിന്ന് നമ്മെ രക്ഷിക്കുകയും ചെയ് തു. വെള്ളത്തിന്‍റെയും ആത്മാവിന്‍റെയും സുവിശേഷത്തെക്കുറിച്ച് ചിന്തിക്കു മ്പോൾ എനിക്ക് ദൈവത്തോട് എത്ര നന്ദി പറഞ്ഞാലും മതിയാവില്ല.

ആളുകൾ അവരുടെ മരണത്തിനും നാശത്തിനും മുന്നിൽ നിൽക്കുമ്പോൾ, അവർ വളരെ സത്യസന്ധരാകുന്നു. ഈ മണിക്കൂറിൽ തന്നെ ഞാൻ മരിക്കാൻ പോകുകയാണെന്ന് ഞാൻ അനുമാനിച്ചാൽ, ഞാൻ ഈ ലോകത്തിലെ എല്ലാ കാര്യങ്ങളും മാറ്റിവെച്ച് ദൈവവുമായുള്ള എന്‍റെ ബന്ധത്തെക്കുറിച്ച് മാത്രം ചിന്തിക്കും. ഞാൻ എന്‍റെ അന്ത്യ ശ്വാസം വലിക്കുമ്പോൾ പോലും, ജീവിച്ചിരുന്നപ്പോൾ യേശുവിന്‍റെ മാംസം ഭക്ഷിക്കുകയും അവന്‍റെ രക്തം കുടിക്കുകയും ചെയ് തതിന്‍റെ പേരിൽ ഞാൻ പൂർണ്ണമായും സമാധാന ത്തിലും സന്തോഷത്തിലും ആയിരിക്കുമായിരുന്നു.

നമുക്ക് നിത്യജീവൻ നൽകിയതിന് നമ്മൾ കർത്താവിന് വീണ്ടും നന്ദി പറഞ്ഞ ഈസ്റ്റർ ഞായറാഴ്ച കഴിഞ്ഞിട്ട് അധികം ആയിട്ടില്ല. യോഹന്നാൻ സ്നാപകനാൽ സ്നാനമേറ്റ്, കുരിശിൽ മരിച്ചശേഷം, നമ്മുടെ കർത്താവ് മരിച്ചവരിൽ നിന്ന് ഉയിർത്തെഴുന്നേറ്റു വീണ്ടും ജീവിച്ചു. കർത്താവിന്‍റെ പുനരുത്ഥാനം നമ്മുടെ, അവന്‍റെ സുവിശേഷത്തിൽ വിശ്വസിക്കുന്ന നിങ്ങളു ടെയും എന്‍റെയും, സ്വന്തം പുനരുത്ഥാനമായതിനാൽ, കർത്താവ് മരിച്ചവരിൽ നിന്ന് ഉയിർത്തെഴു ന്നേറ്റതുപോലെ, നമ്മുടെ ശരീരങ്ങൾ രൂപാന്തരപ്പെടും, നമ്മളും ഒരിക്കലും മരിക്കാത്ത പുതിയ ശരീരങ്ങളായി പുനരുത്ഥാനം പ്രാപിക്കും. മറ്റൊരു വിധത്തിൽ പറഞ്ഞാൽ, കർത്താവ് മരിച്ചവരിൽ നിന്ന് ഉയിർത്തെഴു ന്നേറ്റതുപോലെ, വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിക്കുന്ന നാമും മരിച്ചവരിൽ നിന്ന് ഉയിർത്തെഴുന്നേൽക്കും. തീർച്ചയായും, കർത്താ വിന്‍റെ പുനരുത്ഥാനത്തിൽ നമ്മൾ വിശ്വസിക്കുന്നു, നമ്മളും പുനരുത്ഥാനം പ്രാപിക്കുമെന്ന് നമ്മൾ വിശ്വസിക്കുന്നു.

ഈസ്റ്റർ ആചരിക്കുമ്പോൾ, വീണ്ടും ജനിച്ചിട്ടില്ലാത്ത പാസ്റ്റർമാർ പോലും പ്രസംഗിക്കുന്നു, യേശു കുരിശിൽ മരിച്ച് കല്ലറയിൽ നിന്ന് ഉയിർത്തെഴുന്നേറ്റതിനാൽ, പുനരുത്ഥാനത്തിന്‍റെ പ്രതീക്ഷയോടെ നിങ്ങളും ജീവിക്കണം. എന്നാൽ, യേശുവിന്‍റെ പുനരുത്ഥാനത്തിൽ അവർ ശരിക്കും വിശ്വസിക്കുന്നുണ്ടോ ഇല്ലയോ എന്നതാണ് ചോദ്യം. വ്യത്യസ്‌തമായി പറഞ്ഞാൽ, കർത്താവിന്‍റെ ദിനത്തിൽ തങ്ങൾതന്നെ പുനരുത്ഥാനം പ്രാപിക്കുമെന്ന് അവർക്ക് ഉറപ്പാണോ? അവർക്ക് ഉറപ്പിക്കാൻ കഴിയില്ല. അതെ, ഞാൻ വിശ്വസിക്കുന്നു എന്ന് അവർ ചുണ്ടുകൾ കൊണ്ട് പറഞ്ഞാലും, ഇത് ശരിക്കും സംഭവിക്കുമോ? എന്ന് അവരുടെ ഹൃദയത്തിൽ സംശയമുണ്ട്.

ഞാൻ വീണ്ടും ജനിക്കുന്നതിനുമുമ്പ്, പുനരുത്ഥാന ത്തിന്‍റെ അർത്ഥം എന്‍റെ മനസ്സിന് മനസ്സിലാക്കാൻ കഴിഞ്ഞില്ല. ഞാൻ ആശ്ചര്യപ്പെട്ടു, മരണശേഷം യേശു എങ്ങനെ ഉയിർത്തെഴുന്നേൽക്കും? മരിച്ച ഒരാൾ എങ്ങനെ വീണ്ടും ഉയിർത്തെഴുന്നേൽക്കും? എന്നാൽ, തന്‍റെ സ്നാനത്തിലൂടെ ലോകത്തിന്‍റെ പാപങ്ങൾ ചുമലിലേറ്റിയ കർത്താവ് അടിസ്ഥാനപരമായി സർവ്വശക്തനായ ദൈവം തന്നെയായതിനാൽ, മരിച്ചവരിൽ നിന്ന് ഉയിർത്തെഴുന്നേൽക്കുന്നത് അവന് തികച്ചും സാദ്ധ്യമായിരുന്നു. താൻ മരിച്ചവരിൽ നിന്ന് ഉയിർത്തെഴുന്നേറ്റതുപോലെ, നമ്മളും വീണ്ടും ജീവിക്കുമെന്ന് കർത്താവ് പറഞ്ഞു. അവൻ നമ്മോട് പറഞ്ഞു, എന്‍റെ മാംസം തിന്നുകയും എന്‍റെ രക്തം കുടിക്കയും ചെയ്യുന്നവന് നിത്യജീവൻ ഉണ്ട്; ഞാൻ ഒടുക്കത്തെ നാളിൽ അവനെ ഉയിർത്തെഴുന്നേല്പിക്കും. (യോഹന്നാൻ 6:54).

അത് ശരിക്കും സത്യമാണ്. ഈസ്റ്റർ വരുമ്പോൾ, വീണ്ടും ജനിച്ചിട്ടില്ലാത്ത പ്രസംഗകർ അപ്രസക്തമായ കാര്യങ്ങൾ സംസാരിക്കുന്നു, എന്നാൽ നമുക്ക് പുതു ജീവൻ നൽകി നാം വീണ്ടും ജീവിക്കാനാണ് കർത്താവ് ഉയർത്തെഴുന്നേറ്റതെന്ന് നാം മനസ്സിലാക്കണം, അതിൽ വിശ്വസിക്കുകയും അവനോട് പൂർണ്ണഹൃദയത്തോടെ നന്ദി പറയുകയും വേണം. കർത്താവിന്‍റെ വേല നിർവഹിച്ചശേഷം, ഒടുവിൽ നാം അവന്‍റെ സന്നിധിയിൽ ചെന്ന് നിൽക്കും.

നാം ദൈവസന്നിധിയിൽ നിൽക്കുമ്പോൾ ഈ ശരീരത്തിന് എന്ത് സംഭവിക്കും? വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിക്കുന്നവർ വീണ്ടും ജീവിക്കുമെന്ന് വിശ്വസിക്കുന്നു. എന്നാൽ, ഈ സുവിശേഷത്തിൽ വിശ്വസിക്കാത്തവർക്ക് ഒന്നാമത്തെ പുനരുത്ഥാനത്തിൽ പങ്കെടുക്കാൻ കഴിയില്ല (വെളിപ്പാട് 20:5-6). വെള്ളത്തിന്‍റെയും ആത്മാവിന്‍റെയും സുവിശേഷ ത്തിൽ വിശ്വസിച്ച് യേശുവിന്‍റെ മാംസം ഭക്ഷിക്കുകയും അവന്‍റെ രക്തം കുടിക്കുകയും ചെയ്യാത്ത അവർ എങ്ങനെ യേശുവിന്‍റെയും തങ്ങളുടെയും ഉയിർത്തെഴു ന്നേൽപ്പിൽ പ്രത്യാശിക്കയും വിശ്വസിക്കയും ചെയ്യും? യോഹന്നാൻ സ്നാപകനിൽ നിന്ന് സ്നാനം ഏറ്റുവാങ്ങി, ക്രൂശിൽ രക്തം ചൊരിഞ്ഞ് മരിച്ച്, മരിച്ചവരിൽ നിന്ന് ഉയിർത്തെഴുന്നേറ്റ യേശു ലോകത്തിന്‍റെ പാപങ്ങൾ തന്‍റെ ശരീരത്തിൽ ഏറ്റെടുത്തുവെന്ന് അറിയാത്തതിനാൽ, ഭാവിയിൽ തങ്ങൾ ഉയിർത്തെഴുന്നേൽക്കുമെന്ന് അത്തരം ആളുകൾക്ക് ഹൃദയംകൊണ്ട് വിശ്വസിക്കാൻ കഴിയില്ല.

യേശു അടിസ്ഥാനപരമായി ദൈവമായതിനാൽ, മനുഷ്യശരീരത്തിൽ അവതരിച്ച് ഈ ഭൂമിയിലേക്ക് വന്ന്, യോഹന്നാൻ സ്നാപകനാൽ സ്നാനം ഏറ്റുവാങ്ങി നിങ്ങളുടെയും എന്‍റെയും പാപങ്ങൾ ഒരിക്കലായി സ്വയം ഏറ്റെടുത്തുകൊണ്ട്, കുരിശിൽ മരിച്ചതിലൂടെ, മരിച്ചവരിൽ നിന്ന് വീണ്ടും ഉയിർത്തെഴുന്നേറ്റതിലൂടെ, നമ്മെയെല്ലാം രക്ഷിക്കാൻ അവനു കഴിയും. യേശു വെറുമൊരു മനുഷ്യനായിരുന്നെങ്കിൽ, ഇത് അസാധ്യമായേനെ, എന്നാൽ അവൻ ഈ നേട്ടം കൈവരിച്ചത് അവൻ ദൈവമായതുകൊണ്ടാണ്. ദൈവത്തിന്‍റെ അനേകം സൃഷ്ടികളിൽ ഒന്ന് മാത്രമായ ഒരു മനുഷ്യനും ഈ ലോകത്ത് പാപമില്ലാതെ ജനിച്ചിട്ടില്ല. എല്ലാ മനുഷ്യരും പാപികളായി ജനിക്കുന്നു.

എന്നാൽ, യേശു പിതാവായ ദൈവത്തിന്‍റെ പുത്രനായതുകൊണ്ടും, അവൻ തന്നെ തന്‍റെ വചനത്താൽ പ്രപഞ്ചം മുഴുവൻ സൃഷ്ടിച്ചതുകൊണ്ടും, പാപത്തിൽ നിന്ന് നമ്മെ രക്ഷിക്കുന്നത് പിതാവായ ദൈവത്തിന്‍റെ ഇച്ഛയായതുകൊണ്ടും, ക്രിസ്തു ഈ ഭൂമിയിലേക്ക് വന്നത് പിതാവിന്‍റെ ഈ ഹിതത്തിന് അനുസരണയോടെയാണ്. വെള്ളത്തിന്‍റെയും ആത്മാവിന്‍റെയും സുവിശേഷത്താൽ അവൻ തീർച്ചയായും നമ്മെ രക്ഷിച്ചിരിക്കുന്നു. ഈ സത്യത്തിൽ വിശ്വസിക്കുന്ന നമ്മെ ആത്മീയവും ശാരീരികവുമായ മരണത്തിൽ നിന്ന് നമ്മുടെ കർത്താവ് ഉയിർപ്പിച്ചിരിക്കുന്നു. യേശു നിങ്ങളുടെ രക്ഷകനും എന്‍റെ രക്ഷകനുമായതുകൊണ്ടാണ് അവൻ നമുക്ക് വേണ്ടി ഇത് ചെയ് തത്. അതുകൊണ്ടാണ് നമ്മുടെ ഹൃദയങ്ങളിൽ ദൈവത്തിലുള്ള വിശ്വാസവും അഗാധമായ നന്ദിയും ഉള്ളത്.

യേശു ദൈവമാണെന്ന് നാം മനസ്സിലാക്കുകയും വിശ്വസിക്കുകയും വേണം (1 യോഹന്നാൻ 5:20). യേശു വെറുമൊരു സൃഷ്ടി ആയിരുന്നെങ്കിൽ ആർക്കും രക്ഷ പ്രാപിക്കാനാവില്ല. ഈ ലോകത്ത് സദ്‌ഗുണമുള്ളവനും അത്യധികം ബഹുമാനിക്കപ്പെടുന്നവനുമായ ഒരാൾ നിങ്ങളുടെയും എന്‍റെയും പാപങ്ങൾ ചുമലിലേറ്റി നമുക്കുവേണ്ടി മരിച്ചുവെന്ന് ഇവിടെ അനുമാനിക്കാം. അപ്പോൾ എനിക്കും നിങ്ങൾക്കും ശരിക്കും രക്ഷിക്കപ്പെ ടാൻ കഴിയുമോ? ഇല്ല, നമ്മൾ രക്ഷിക്കപ്പെടുകയില്ല. കാരണം, പാപം ചെയ്യാത്ത ആരുമില്ല, അതിനാൽ ഈ വ്യക്തി നമ്മുടെ പാപങ്ങൾ ചുമലിലേറ്റി നമ്മുടെ സ്ഥാനത്ത് മരിച്ചാലും, അയാൾക്ക് മറ്റൊരു പാപിയെയും രക്ഷിക്കാൻ കഴിയില്ല, കാരണം അവൻ തന്നെ ഒരു പാപിയാണ്.

സർവ്വശക്തനായ ദൈവത്തിന് മാത്രമേ നമ്മെ പാപത്തിൽ നിന്ന് രക്ഷിക്കാൻ കഴിയൂ എന്നതിനാലാണ് അവൻ തന്നെ നമ്മെ വിടുവിക്കാൻ ഈ ഭൂമിയിലേക്ക് വന്നത്. അതുകൊണ്ടാണ് ദൈവമായ നമ്മുടെ കർത്താവ് സ്നാനമേറ്റ് ലോകത്തിന്‍റെ പാപങ്ങളെ സ്വന്തം ശരീരത്തിന്മേൽ ഏറ്റുവാങ്ങി, അതുവഴി നമ്മുടെ പാപങ്ങളെ ശുദ്ധീകരിച്ചത്. നമ്മുടെ പാപങ്ങൾക്കായി ശിക്ഷിക്കപ്പെടാനും നമ്മുടെ സ്ഥാനത്ത് കുരിശിൽ മരിക്കാനും കർത്താവിന് കഴിഞ്ഞതും യേശു ദൈവമായതുകൊണ്ടാണ്, അവന്‍റെ ശക്തി കൊണ്ടാണ് മരിച്ചവരിൽ നിന്ന് ഉയിർത്തെഴുന്നേൽക്കാനും സാധിച്ചത്. അങ്ങനെയാണ് യേശു നിങ്ങളെയും എന്നെയും പാപത്തിൽ നിന്ന് യഥാർത്ഥത്തിൽ രക്ഷിച്ചത്. അതുകൊണ്ടാണ് ഈ യേശുവിൽ വിശ്വസിച്ചുകൊണ്ട് നാം ദൈവത്തിന് നന്ദി പറയുന്നത്.

തങ്ങളുടെ ചിന്തകൾക്കനുസൃതമായി മതജീവിതം നയിക്കുന്ന എണ്ണമറ്റ ആളുകൾ ഈ ലോകത്ത് ഉണ്ട്. അവരുടെ മതപരമായ ജീവിതം വ്യക്തമാണ്. ഇന്നത്തെ തിരുവെഴുത്ത് ഭാഗത്തെ അടിസ്ഥാനമാക്കി, അവർ ഇനിപ്പറയുന്ന രീതിയിൽ പ്രസംഗിക്കുന്നു: അപ്പവും മീനും എങ്ങനെ ഇത്ര അത്ഭുതകരമായി പെരുകാൻ സാധിച്ചു? ഇവിടെ, ഒരു ബാലൻ യേശുവിന് തന്‍റെ അല്പം ഉച്ചഭക്ഷണം ഒരു മടിയും കൂടാതെ നൽകിയപ്പോൾ, മുതിർന്നവർ ഇത് കേട്ട് മനസലിഞ്ഞ്, അവർ സൂക്ഷിച്ചുവെച്ച ഉച്ചഭക്ഷണവും വിളമ്പുവാൻ നൽകി, ഈ ഭക്ഷണമെല്ലാം ഒരുമിച്ചുകൂട്ടി തുല്യമായി പങ്കിട്ടപ്പോൾ, എല്ലാവർക്കും വയറു നിറയ്ക്കാൻ ആവശ്യമായ ഭക്ഷണം ഉണ്ടായിരുന്നു. ഇനിയും പന്ത്രണ്ടു കൊട്ട ഭക്ഷണം ബാക്കിയുണ്ട്. അതുകൊണ്ട് നമുക്കും ചെറിയ തുകകൾ വാഗ്ദാനം ചെയ് ത് പാവപ്പെട്ടവരെ സഹായിക്കാം. ഓരോ ചെറിയ കാര്യവും സഹായിക്കുന്നു, അതിനാൽ ദരിദ്രരെ സഹായിക്കാൻ നാമെല്ലാവരും സംഭാവനകൾ ശേഖരി ക്കണം. എന്നാൽ ഇത് യഥാർത്ഥത്തിൽ ദൈവവചനത്തെ മാനുഷിക മാനദണ്ഡങ്ങളുടെ നിർജീവമായ ഒരു നൈതിക വ്യവസ്ഥയാക്കി മാറ്റുന്നു.

അന്ന് ബാലകൻ കൊണ്ടുവന്ന ഉച്ചഭക്ഷണത്തിൽ അഞ്ച് ബാർലി അപ്പവും രണ്ട് മീനും മാത്രമേ ഉണ്ടായിരുന്നുള്ളൂ. അവൻ യേശുവിനെ കാണാൻ പോകുമ്പോൾ അവന്‍റെ മാതാപിതാക്കളിൽ നിന്ന് ഉച്ചഭക്ഷണം ലഭിച്ചിരിക്കാം. എന്നാൽ